گاڑی کا حساس مانیٹرنگ سسٹم ڈرائیور کی چھوٹی آنکھوں کو نیند سمجھ بیٹھا:الارم بجنے لگا
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
چین میں ایک غیرمعمولی واقعہ اُس وقت خبروں کی زینت بنا جب ایک شہری کو صرف اس لیے مشکل کا سامنا کرنا پڑا کہ اس کی آنکھیں قدرتی طور پر بہت چھوٹی تھیں۔
یہ مسئلہ اُس وقت پیدا ہوا جب اس کی گاڑی میں نصب جدید ’’ڈرائیور مانیٹرنگ سسٹم‘‘ نے اس کی آنکھوں کی بناوٹ کو ’’نیند‘‘ سے تعبیر کیا اور بار بار الارم بجا کر ڈرائیور کو خطرے کا اشارہ دینے لگا۔
یہ واقعہ ایک چینی بلاگر کے ساتھ پیش آیا جس نے سوشل میڈیا پر ویڈیو شیئر کرتے ہوئے شکایت کی کہ اس کی آنکھیں قدرتی طور پر چھوٹی ہیں، مگر گاڑی کا AI سسٹم بار بار نیند یا غیر توجہی کی وارننگ دے رہا ہے، حالانکہ وہ بالکل چوکنا اور ہوشیار تھا۔
واضح رہے کہ ڈرائیور مانیٹرنگ سسٹمز کو اس طرح ڈیزائن کیا گیا ہے کہ وہ ڈرائیور کی آنکھوں کی حرکت، پلک جھپکنے کی شرح، سر کے زاویے اور چہرے کے تاثرات کو پڑھ کر اندازہ لگاتے ہیں کہ ڈرائیور تھکا ہوا ہے یا نیند میں جا رہا ہے۔ مگر یہ نظام زیادہ تر ایسے ڈیٹا سیٹس پر تربیت پاتے ہیں جو مخصوص علاقوں یا نسلوں کے افراد پر مبنی ہوتے ہیں۔
یہی وجہ ہے کہ بعض اوقات جب یہ سسٹمز مختلف نسل، آنکھوں کے سائز یا چہرے کی ساخت کے حامل افراد کے ساتھ کام کرتے ہیں تو غلط تشخیص کرتے ہیں۔
یہ صرف ایک گاڑی تک محدود مسئلہ نہیں۔ میڈیا رپورٹس کے مطابق ایک بڑی موٹر کمپنی نے بھی ایک صارف کی شکایت درج کی جس میں بتایا گیا کہ سسٹم نے ڈرائیور کی چھوٹی آنکھوں کی وجہ سے ’’زیادہ تھکاوٹ‘‘ کا انتباہ جاری کیا۔
اسی طرح معروف الیکٹرک گاڑی ساز کمپنی نے بھی بار بار ’’غیر چوکنا ڈرائیور‘‘ کا پیغام دیا، حالانکہ ڈرائیور مکمل ہوشیار تھا۔
ایک اور کمپنی نے سردیوں میں چہرے کا زاویہ نہ پہچاننے کی وجہ سے گاڑی کا A/C سسٹم خودکار طور پر چالو کر دیا، گویا ڈرائیور کی سانس میں دھند سے وہ ’تھکن‘ کا اندازہ لگا رہا ہو۔
ماہرین کا کہنا ہے کہ AI سسٹمز کو مزید جامع اور متنوع ڈیٹا پر تربیت دینا ناگزیر ہے تاکہ وہ دنیا کے تمام خطوں کے لوگوں کے لیے یکساں مؤثر اور محفوظ ہو سکیں۔
چینی شہری کے اس واقعے نے کار ساز اداروں کو مجبور کر دیا ہے کہ وہ اپنے ڈرائیور مانیٹرنگ سسٹمز کو مزید بہتر بنائیں اور توقع ہے کہ اگلی جنریشن AI سسٹمز میں نسلی اور جغرافیائی تنوع کا بہتر خیال رکھا جائے گا۔ ذہانت کے ساتھ خودکار ایڈجسٹمنٹ کی خصوصیت ہوگی اور لوکل ڈیٹا بیس سے تربیت یافتہ ماڈل متعارف ہوں گے۔
.ذریعہ: Jasarat News
کلیدی لفظ: مانیٹرنگ سسٹم ڈرائیور کی
پڑھیں:
کراچی میں آپریشن حساس اداروں سے کرانے پر غور
کراچی پولیس ریڈ الرٹ،سی سی ٹی وی فوٹیج کیمروں کی تنصیب اور سخت نگرانی کا حکم
ایڈیشنل آئی جی جاوید عالم اوڈھو کی تمام ماتحت افسران کو الرٹ رہنے کی ہدایت جاری
(کرائم رپورٹر ؍ اسد رضا) کراچی میں کومبنگ اور سرچ آپریشن حساس اداروں کی مدد سے کرانے پر غور کیا جا رہا ہے۔تفصیلات کے مطابق گزشتہ روز اسلام اباد کچہری اور وانا کیڈٹ کالج پر خودکش دھماکے کے بعد شہر قائد میں ممکنہ دہشت گردی کے پیش نظر کراچی پولیس کو ریڈ الرٹ کر دیا گیا شہر کے حساس مقامات کی کڑی نگرانی شروع کر دی گئی ویجلنس اور فزیکل سیکیورٹی پر کام کیا جا رہا ہے علاقوں میں موجود سی سی ٹی وی فوٹیج کیمروں کی تنصیب اور سخت نگرانی کی ہدایت کی گئی ہے ایڈیشنل ائی جی کراچی جاوید عالم اوڈھو کا مزید کہنا تھا حساس علاقوں میں کامبنگ اور سرچ اپریشن مزید تیز کیے جائیں جبکہ سرچ اپریشن حساس اداروں اور اسپیشل برانچ کی مدد سے کرانے پر بھی غور کیا جا رہا ہے قانون نافذ کرنے والے ادارے کراچی میں موجود روپوش دہشت گردوں کو ڈھونڈنے کہ بھرپور کوششیں کر رہے ہیں ایڈیشنل ائی جی کراچی نے مزید کہا ہم مٹھی بھر دہشت گردوں کو ان کے ناپاک عزائم میں کبھی کامیاب نہیں ہونے دیں گے شہر کی سیکیورٹی الرٹ کر دی گئی ہے کسی بھی ناخوشگوار واقعے سے نمٹنے کے لیے سندھ پولیس خصوصا کراچی پولیس ہمہ وقت تیار ہے ملک دشمن عناصر کو کسی صورت نہیں چھوڑا جائے گا خیریوں سے اپیل ہے کسی بھی مشکوک سرگرمی کی اطلاع فوری پولیس مددگار 15 کو دیں تاکہ بروقت کارروائی کی جا سکے عوام الناس کے تعاون سے ہی امن قائم کیا جا سکتا ہے۔
وفاقی کابینہ سے27ویں آئینی ترمیم کا مسودہ کل منظور ہونے کا امکان، وزیراعظم نے اجلاس طلب کرلیا