مجلس وحدت مسلین جنوبی پنجاب کے آرگنائزر مولانا قاضی نادر علوی نے لیہ کی 10رکنی ورکنگ کمیٹی کا اعلان کردیا
اشاعت کی تاریخ: 27th, June 2025 GMT
سابق سیکرٹری جنرل لیہ محسن سواگ کو لیہ کا ضلعی آرگنائزر نامزد کیا ہے، ورکنگ کمیٹی میں لیہ کی تینوں تحصیلوں سے متناسب نمائندگی کے طور پر تین تین ممبر نامزد کیے گئے ہیں، ورکنگ کمیٹی میں ساجد حسین گشکوری، عمران میرانی، غلام عباس، مولانا فاطر حیدر، عنصر عباس، عدیل عباس زیدی، ڈاکٹر ناصر عباس جعفری اور دیگر شامل ہیں۔ اسلام ٹائمز۔ مجلس وحدت مسلمین جنوبی پنجاب کے صوبائی آرگنائزر مولانا قاضی نادر حسین علوی نے ضلع لیہ کی 10رکنی ورکنگ کمیٹی کا اعلان کردیا، سابق سیکرٹری جنرل لیہ محسن سواگ کو ضلعی آرگنائزر نامزد کیا ہے، ورکنگ کمیٹی میں لیہ کی تینوں تحصیلوں سے متناسب نمائندگی کے طور پر تین تین ممبر نامزد کیے گئے ہیں، ورکنگ کمیٹی میں ساجد حسین گشکوری، عمران میرانی، غلام عباس، مولانا فاطر حیدر، عنصر عباس، عدیل عباس زیدی، ڈاکٹر ناصر عباس جعفری اور دیگر شامل ہیں۔ قبل ازیں لیہ میں ایم ڈبلیو ایم لیہ کے سابقین و موجودین کا اجلاس منعقد ہوا ، مولانا ساجد عباس اسدی، صفدر حسین خان، سید ندیم عباس کاظمی، عون رضا نجم گوپانگ، عامر عباس خان بھٹہ، ثقلین نقوی، جمیل حسین خان، سید اجمل حسین شاہ سمیت دیگر موجود تھے۔
.ذریعہ: Islam Times
پڑھیں:
حکومت زائرین سے کئے گئے وعدوں پر فوری عملدرآمد کرے، علامہ مقصود ڈومکی
تنظیمی رہنماؤں سے ملاقات میں ایم ڈبلیو ایم رہنما نےکہا کہ مومنین نے زائرین مارچ کی حمایت کی، میڈیا مہم چلائی اور علامہ راجہ ناصر عباس جعفری کا ساتھ دیا، اللہ تعالیٰ نے ایک بار پھر ملت کو سرخرو کیا اور علامہ راجہ ناصر عباس اور زائرین مارچ کے شرکاء کے خلوص کے سبب جدوجہد کو عزت و وقار کی کامیابی نصیب فرمائی۔ اسلام ٹائمز۔ مجلس وحدت مسلمین کے رہنما علامہ مقصود علی ڈومکی علامہ سید ظفر عباس شمسی اور علامہ برکت علی مطہری نے ضلع حب کا ایک روزہ تنظیمی دورہ کیا اور زائرین مارچ میں تعاون پر اہلِ حب کو خراجِ تحسین پیش کیا۔ تفصیلات کے مطابق علامہ مقصود علی ڈومکی نے صوبائی رہنماؤں علامہ سید ظفر عباس شمسی اور علامہ برکت علی مطہری کے ہمراہ ضلع حب کا ایک روزہ تنظیمی دورہ کیا۔ اس موقع پر وفد نے مرکزی امام بارگاہ حب میں ایم ڈبلیو ایم کے ضلعی صدر سید قربان علی شاہ رضوی، ضلعی کابینہ کے اراکین اور مومنین کرام سے ملاقات کی۔ رہنماؤں نے زائرین مارچ کی حمایت اور استقبال کی تیاریوں پر اہلِ حب کا شکریہ ادا کیا اور ان کی خدمات کو قابلِ تحسین قرار دیا۔ علامہ مقصود علی ڈومکی نے خطاب کرتے ہوئے کہا کہ مومنین نے زائرین مارچ کی حمایت کی، میڈیا مہم چلائی اور علامہ راجہ ناصر عباس جعفری کا ساتھ دیا، اللہ تعالیٰ نے ایک بار پھر ملت کو سرخرو کیا اور علامہ راجہ ناصر عباس اور زائرین مارچ کے شرکاء کے خلوص کے سبب جدوجہد کو عزت و وقار کی کامیابی نصیب فرمائی۔
انہوں نے کہا کہ ملت جعفریہ کی دو ملک گیر نمائندہ جماعتوں کا اہم قومی امور پر مل بیٹھنا ایک دوسرے کا احترام اور باہمی مشاورت اور اشتراک عمل ملت کے لیے خوشی و امید کا پیغام ہے، حکومت نے زائرین سے متعلق ایک معاہدہ کیا ہے، اب حکومت پر لازم ہے کہ وہ زائرین سے کیے گئے وعدوں پر فوری عملدرآمد کرے تاکہ زائرین امام حسینؑ بروقت کربلا روانہ ہو سکیں۔ علامہ ڈومکی نے بطور رکن زائرین کمیٹی یقین دلایا کہ زائرین کمیٹی کی جانب سے زائرین کرام کی مشکلات کے حل اور حکومتی معاہدات پر عملدرآمد کے لیے بھرپور کوششیں جاری رہیں گی۔ علامہ سید ظفر عباس شمسی نے اپنے خطاب میں بلوچستان کے غیرت مند عوام، سیاسی جماعتوں اور خصوصاً بلوچستان نیشنل پارٹی، مولانا ہدایت الرحمن (ایم پی اے گوادر) اور بلوچ یکجہتی کمیٹی کا شکریہ ادا کیا جنہوں نے زائرین مارچ اور مجلس وحدت مسلمین سے یکجہتی کا مظاہرہ کیا۔
پاکستان اسٹاک ایکسچینج میں تیزی برقرار، 100 انڈیکس 1,42,000 کی سطح عبور کرگیا