قلات، محرم الحرام کے انتظامات سے متعلق اہم اجلاس، علامہ مقصود ڈومکی کی آنلائن شرکت
اشاعت کی تاریخ: 27th, June 2025 GMT
اجلاس سے خطاب کرتے ہوئے علامہ مقصود علی ڈومکی نے کہا کہ حکومت اور انتظامیہ پر لازم ہے کہ وہ عزاداران امام حسین (ع) کو سہولیات فراہم کرے اور امن و امان کے قیام کیلئے ہر ممکن اقدامات کرے۔ اسلام ٹائمز۔ محرم الحرام کی آمد کے پیش نظر ایام عزا کے دوران امن و امان اور سکیورٹی کے فول پروف انتظامات کو یقینی بنانے کے لئے کمشنر قلات ڈویژن شاہزیب کاکڑ کی زیر صدارت ایک اہم آن لائن اجلاس منعقد ہوا۔ جس کا مقصد عاشورا محرم، مجالس عزاء اور جلوس ہائے عزا کے دوران امن، تحفظ اور سہولیات کی فراہمی کو یقینی بنانا تھا۔ اجلاس میں ڈی آئی جی خضدار عبدالحمید، مجلس وحدت مسلمین پاکستان کے مرکزی رہنماء علامہ مقصود علی ڈومکی، ایم ڈبلیو ایم ضلع حب کے صدر و بانی جلوس عاشورہ سید قربان علی رضوی، متعلقہ اضلاع کے ڈپٹی کمشنرز، ایس ایس پیز، پولیس افسران، بلدیاتی نمائندگان اور علماء کرام نے شرکت کیں۔ اجلاس سے خطاب کرتے ہوئے علامہ مقصود علی ڈومکی نے کہا کہ محرم الحرام حضرت امام حسین علیہ السلام کی عظیم قربانی اور معرکۂ حق و باطل کی یاد ہے۔ امت مسلمہ ماہ محرم الحرام کے دوران نواسہ رسول (ص) حضرت امام حسین علیہ السلام کا غم مناتی ہے۔ حکومت اور انتظامیہ پر لازم ہے کہ وہ عزاداران امام حسین علیہ السلام کو سہولیات فراہم کرے اور امن و امان کے قیام کے لئے ہر ممکن اقدامات کرے۔ ضلع حب کے مختلف مقامات اور خضدار میں مجالس عزاء اور جلوس عزاء منعقد ہوتے ہیں۔ ان مجالس عزاء اور جلوس ہائے عزاء کے دوران سکیورٹی کے فول پروف انتظامات کئے جائیں۔
ایم ڈبلیو ایم حب کے ضلع صدر سید قربان علی رضوی نے حب شہر میں جلوس عاشورا کے حوالے سے بریفنگ دیتے ہوئے کہا کہ روایتی راستے، لائٹنگ، صفائی، پانی اور سکیورٹی جیسے امور پر خصوصی توجہ دی جائے۔ ماضی میں ضلعی انتظامیہ اور ایم ڈبلیو ایم کے باہمی تعاون سے بہترین مثال قائم ہوئی، جسے اس سال بھی جاری رکھا جائے۔ کمشنر قلات شاہزیب کاکڑ نے اجلاس کے شرکاء کو یقین دہانی کرائی کہ حکومت، عزاداران امام حسین علیہ السلام کو مکمل تحفظ فراہم کرے گی۔ پولیس، لیویز اور تمام متعلقہ ادارے جلوسوں اور مجالس کے تمام راستوں کا از سر نو جائزہ لیں، حساس مقامات پر اضافی نفری تعینات کی جائے اور سی سی ٹی وی کیمروں کے ذریعے نگرانی کے مؤثر انتظامات کئے جائیں۔ ڈی آئی جی عبدالحمید نے کہا کہ پولیس فورس مکمل الرٹ ہے، اور ضلعی سطح پر سکیورٹی پلان کو حتمی شکل دے دی گئی ہے۔ فوری رسپانس ٹیمیں کسی بھی ناخوشگوار واقعے سے نمٹنے کے لئے تیار ہیں۔ آخر میں یہ طے پایا کہ علماء کرام، سول انتظامیہ، پولیس اور دیگر قانون نافذ کرنے والے ادارے آپس میں مکمل رابطہ و تعاون برقرار رکھیں گے، تاکہ محرم الحرام کے دوران امن، وحدت اور بھائی چارے کی فضا کو فروغ دیا جا سکے۔
ذریعہ
ذریعہ: Islam Times
کلیدی لفظ: امام حسین علیہ السلام محرم الحرام علامہ مقصود کے دوران کہا کہ
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع