سیالکوٹ ایکسپریس بڑے حادثہ سے بال بال بچ گئی
اشاعت کی تاریخ: 28th, June 2025 GMT
وزیرآباد(نامہ نگار) رواں ماہ شروع ہونے والی سیالکوٹ ایکسپریس بڑے حادثہ سے بال بال بچ گئی ۔تفصیلات کے مطابق 171 اپ سیالکوٹ ایکسپریس لاہور سے براستہ نارووال پسرور سیالکوٹ سمبڑیال وزیرآباد آ رہی تھی کہ صلاح الدین چٹھہ اوور ہیڈ برج ڈبل پھاٹک کے قریب اسی ماہ چلنے والی نئی ٹرین کی ایک بوگی ٹریک سے اتر گئی تمام مسافر حادثہ میں محفوظ رہے ۔پانچ گھنٹے کی طویل امدادی کاوشوں کے بعد ٹرین کو اپنی منزل کی طرف روانہ کیا گیا۔
.ذریعہ: Nawaiwaqt
پڑھیں:
کوٹ رانجھا میں افسوسناک حادثہ، دیوار گرنے سے 2 بچے جاں بحق، ایک زخمی
سرائے مغل:سرائے مغل کے نواحی علاقے کوٹ رانجھا میں افسوسناک واقعہ پیش آیا ہے جہاں ایک خستہ حال دیوار گرنے سے دو کم سن بچے جاں بحق جبکہ ایک شدید زخمی ہو گیا۔
حادثے کے وقت بچے درخت سے جامن توڑنے کے لیے گزر رہے تھے کہ اچانک دیوار ان پر آگری۔
پولیس کے مطابق جاں بحق ہونے والے بچوں کی شناخت 10 سالہ سجاد اور 8 سالہ سفیان کے ناموں سے ہوئی ہے، جبکہ زخمی بچے کی شناخت 8 سالہ ریاض کے طور پر کی گئی ہے۔
زخمی بچے کو فوری طور پر تحصیل ہیڈکوارٹر اسپتال پتوکی منتقل کر دیا گیا ہے جہاں اس کی حالت تشویشناک بتائی جا رہی ہے۔
عینی شاہدین کے مطابق حادثے کا سبب دیوار کی بوسیدگی اور حالیہ بارشیں بنیں، جس نے کمزور دیوار کو مزید نقصان پہنچایا۔ بچے اتفاقاً وہاں سے گزر رہے تھے جب دیوار گر گئی۔
ورثاء کے مطابق ایک جاں بحق بچے کے والد خود بھی چند ماہ قبل یوار کے نیچے آکر شدید زخمی ہو چکے تھے، اور اس حادثے کے نتیجے میں ان کی ٹانگ کاٹنا پڑی تھی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی