گلشن میں مؤثر بارش انتظامات، نکاسی آب کا عمل تیزی سے جاری
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) گلشن اقبال ٹاؤن میں گزشتہ دو روز سے جاری بارش کے دوران نکاسی آب کے مؤثر اور بروقت اقدامات کیے گئے۔ ٹاؤن چیئرمین ڈاکٹر فواد احمد اور وائس چیئرمین ابراہیم صدیقی نے مختلف متاثرہ علاقوں کا ہنگامی دورہ کر کے انتظامات کا جائزہ لیا اور فیلڈ اسٹاف کی کارکردگی کو سراہا۔انتظامیہ کی جانب سے نشیبی اور چوکنگ پوائنٹس پر ڈی واٹرنگ پمپس، ہیوی مشینری اور فیلڈ اسٹاف کو تعینات کیا گیا ہے۔ نیپا چورنگی، بیت المکرم، 13-D اور دیگر اہم علاقوں میں نکاسی آب کا عمل مسلسل جاری ہے، جس کے نتیجے میں بیشتر مرکزی شاہراہیں کلیئر ہو چکی ہیں اور ٹریفک کی روانی بحال ہے۔اس موقع پر چیئرمین ڈاکٹر فواد احمد نے کہا کہ بارش کے دوران شہریوں کو فوری ریلیف فراہم کرنا ہماری اولین ترجیح ہے۔ انہوں نے شہریوں سے اپیل کی کہ وہ غیر ضروری طور پر گھروں سے نکلنے سے گریز کریں اور نکاسی آب کے عمل میں ٹاؤن انتظامیہ سے مکمل تعاون کریں۔
.
ذریعہ: Jasarat News
کلیدی لفظ: نکاسی ا ب
پڑھیں:
گرومندر پر بارش کے دوران کارپیٹنگ کی ویڈیو وائرل، بلدیہ عظمیٰ کراچی کی وضاحت جاری
کراچی:شہر قائد میں بارش کے دوران گرومندر کے قریب سڑک کی کارپیٹنگ کی ویڈیو سوشل میڈیا پر وائرل ہونے کے بعد بلدیہ عظمیٰ کراچی کے ڈائریکٹر جنرل (ڈی جی) ٹیکنیکل سروسز طارق مغل کی جانب سے وضاحتی بیان جاری کیا گیا ہے۔
ڈی جی ٹیکنیکل کے مطابق، محرم الحرام سے قبل کراچی کے مختلف علاقوں میں سڑکوں کی مرمت اور کارپیٹنگ کا کام محکمہ انجینئرنگ کی جانب سے جاری تھا۔
گرومندر کے قریب بھی روڈ کارپیٹنگ کا عمل معمول کے مطابق جاری تھا کہ اچانک بارش کا آغاز ہو گیا۔
طارق مغل کا کہنا ہے کہ متعلقہ سڑک پر ڈامر ڈالنے کا عمل مکمل ہو چکا تھا جب بارش شروع ہوئی، جس کے بعد فوری طور پر کام روک دیا گیا۔
"https://cdn.jwplayer.com/players/nhuAtQp3-jBGrqoj9.js"
ان کے مطابق، کسی شہری نے اس دوران ویڈیو بنا کر سوشل میڈیا پر شیئر کر دی، جس سے غلط فہمی پیدا ہوئی کہ بارش کے دوران کارپیٹنگ کا عمل جاری رکھا گیا۔
ڈی جی ٹیکنیکل نے مزید کہا کہ بارش کے مکمل اختتام تک مذکورہ مقام پر کارپیٹنگ کا کام معطل کر دیا گیا ہے، اور آئندہ بھی موسم کی صورتحال کو مدنظر رکھتے ہوئے ہی کام کا آغاز کیا جائے گا۔
بلدیہ عظمیٰ کراچی نے شہریوں سے اپیل کی ہے کہ وہ سوشل میڈیا پر موجود معلومات کی تصدیق کیے بغیر منفی تاثر نہ پھیلائیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی