جاپان: ایئرپورٹ پر ریچھ کی موجودگی، 12 پروازیں منسوخ، پولیس اور شکاری متحرک
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
یاماگاٹا: جاپان کے شمالی علاقے میں واقع یاماگاٹا ایئرپورٹ پر ایک سیاہ ریچھ کی اچانک موجودگی نے فضائی آپریشن معطل کر دیا، جس کے نتیجے میں کم از کم 12 پروازیں منسوخ کر دی گئیں، حکام اور ریچھ کے درمیان اس وقت صورتحال “جمود” کی شکار ہے کیونکہ ریچھ اب بھی ایئرپورٹ کے احاطے میں موجود ہے اور پکڑ میں نہیں آ رہا۔
غیر ملکی میڈیا رپورٹس کےمطابق ایئرپورٹ حکام کے مطابق ریچھ پہلی مرتبہ جمعرات کی علی الصبح رن وے پر دیکھا گیا، جس پر فوری طور پر ہوائی اڈے کو بند کر دیا گیا۔ بعد ازاں دوپہر کے قریب ریچھ دوبارہ رن وے پر آ نکلا، جس کے باعث پروازوں کو ایک بار پھر روک دیا گیا۔
سوشل میڈیا پر وائرل فوٹیج میں ایک ہائی وِزیبلٹی ایئرپورٹ گاڑی کو نیلی بتیوں کے ساتھ ریچھ کو بھگانے کی کوشش کرتے ہوئے دیکھا جا سکتا ہے، ریچھ فرار ہونے کے باوجود ایئرپورٹ کے حدود میں ہی کہیں چھپا ہوا ہے۔
یاماگاٹا ایئرپورٹ کے ایک اعلیٰ اہلکار آکیرا ناگائی نے کہا کہ اس صورتحال میں ہم کسی بھی طیارے کی آمد ممکن نہیں بنا سکتے،دوسری بار رن وے بند کیے جانے کے نتیجے میں مزید 12 پروازیں منسوخ کرنا پڑیں، ریچھ کو پکڑنے کے لیے پیشہ ور شکاریوں کو طلب کر لیا گیا ہے اور ایئرپورٹ کے اطراف پولیس کا گھیرا تنگ کر دیا گیا ہے تاکہ ریچھ باہر نہ نکل سکے۔ ناگائی نے اعتراف کیا کہ “ہم اس وقت ایک جمود کی کیفیت میں ہیں۔
ایئرپورٹ حکام نے بتایا کہ رن وے کو شام تک بند رکھنے کا فیصلہ کیا گیا ہے۔
خیال رہےکہ جاپان میں انسانوں اور ریچھوں کے درمیان تصادم کی شرح خطرناک حد تک بڑھ چکی ہے، اپریل 2024 تک کے 12 مہینوں میں 219 افراد پر ریچھ حملہ آور ہوئے، جن میں 6 افراد اپنی جانوں سے ہاتھ دھو بیٹھے،گزشتہ ماہ وسطی جاپان میں منعقدہ ایک گالف ٹورنامنٹ کو بھی ریچھ کی موجودگی کے باعث قبل از وقت ختم کرنا پڑا تھا۔
.
ذریعہ
ذریعہ: Jasarat News
کلیدی لفظ: ایئرپورٹ کے
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع