پلاسٹک کی بوتلیں اب آمدن کا ذریعہ، لاہور میں حکومت کا گرین کریڈٹس پروگرام شروع
اشاعت کی تاریخ: 29th, June 2025 GMT
وزیراعلیٰ گرین کریڈٹس پروگرام کے تحت پنجاب حکومت نے سنگل یوز پلاسٹک کو ری سائیکل کرنے کے لیے ایک نجی کمپنی کے ساتھ معاہدہ طے کرلیا ہے۔ اس معاہدے کا مقصد ماحولیاتی آلودگی میں کمی اور پلاسٹک کے مؤثر استعمال کو یقینی بنانا ہے۔
پروگرام کے تحت نجی کمپنی چینی ٹیکنالوجی کی مدد سے مقامی طور پر تیار کی گئی ری سائیکلنگ مشینیں آئندہ ماہ لاہور کی چار بڑی جامعات میں نصب کرے گی۔ اس کے علاوہ شہر کی مختلف مارکیٹوں، بازاروں اور عوامی مقامات پر بھی یہ مشینیں لگائی جائیں گی تاکہ عام شہری بھی بآسانی اس مہم میں حصہ لے سکیں۔
یہ بھی پڑھیں پلاسٹک کی استعمال شدہ بوتلوں کا بہترین مصرف: کراچی میں سڑک تیار کر لی گئی
مشین کا استعمال انتہائی آسان رکھا گیا ہے۔ یہ دو خانوں پر مشتمل ہوگی۔ شہری بٹن اے دباکر پلاسٹک کی خالی بوتل مشین میں ڈالیں گے، اس کے بعد اپنا فون نمبر درج کر کے بٹن بی دبائیں گے۔ اس عمل کے بعد مشین کی اسکرین پر ’گرین کریڈٹس‘ ظاہر ہوں گے جو صارف ایپ کے ذریعے بھی مانیٹر کر سکتا ہے۔
نجی کمپنی کے چیئرمین گلفام عابد کے مطابق روزانہ لاہور میں قریباً 500 ٹن پلاسٹک کی بوتلوں کا کچرا پیدا ہوتا ہے۔ نئی مشینری کی مدد سے نہ صرف بوتلیں بلکہ سنگل یوز پلاسٹک سے بنے دیگر برتن بھی ری سائیکل کیے جائیں گے۔ ان اشیا سے فٹ پاتھ، سڑکوں کی مرمت (پیچ ورک) اور پلاسٹک اینٹیں تیار کی جائیں گی۔
گلفام عابد کا مزید کہنا تھا کہ ڈیڑھ لیٹر کی 20 اور ہاف لیٹر کی 40 بوتلیں مشین میں ڈالنے پر صارف کو فوری طور پر ایک ہزار روپے کیش دیا جائے گا، جو ایپ کے ذریعے حاصل کیا جا سکے گا۔
دلچسپ بات یہ ہے کہ صرف شہری ہی نہیں بلکہ لاہور کے قریباً 18 ہزار کباڑیے بھی اس پروگرام سے فائدہ اٹھا سکیں گے۔ وہ ایپ کے ذریعے کمپنی سے رابطہ کریں گے، اور کمپنی کے نمائندے ان سے براہ راست بوتلیں خرید کر انہیں موقع پر ہی ادائیگی کریں گے۔
یہ بھی پڑھیں سعودی عرب کی منفرد خاتون آرٹسٹ کا کمال، پلاسٹک کی بوتلوں کے ڈھکنوں سے خوبصورت دیوار بنا دی
یہ پروگرام نہ صرف ماحولیاتی تحفظ کی جانب ایک اہم قدم ہے بلکہ شہریوں اور کباڑیوں کے لیے آمدن کا ایک نیا ذریعہ بھی بن رہا ہے، جس سے ماحولیاتی شعور کو فروغ دینے کے ساتھ ساتھ پلاسٹک ویسٹ کو مفید اشیا میں تبدیل کیا جا سکے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انعام پلاسٹک کی بوتلیں پنجاب حکومت مریم نواز معاہدہ نجی کمپنی وزیراعلٰی پنجاب وی نیوز.
ذریعہ
ذریعہ: WE News
کلیدی لفظ: پنجاب حکومت مریم نواز معاہدہ وی نیوز پلاسٹک کی
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ