صدر نیشنل لیبر فیڈریشن پاکستان ،شمس الرحمن سواتی کے اعزاز میں استقبالیہ
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
شمس الرحمن سواتی ،صدر نیشنل لیبر فیڈریشن پاکستان، انٹر نیشنل لیبر کانفرنس منعقدہ جنیوا سوئٹزرلینڈ میں شرکت کرنے کے بعد وطن واپس پہنچ گئے۔
اہلیان واہ کینٹ/ ٹیکسلا کی جانب سے معروف معالج و نائب امیر جماعت اسلامی واہ کینٹ ڈاکٹر مسعود احمد خان نے پاکستان آرڈیننس فیکٹریز (POF)گیسٹ ہاؤس میں ایک شاندار استقبالیہ کا اہتمام کیا۔ جس میں انجمن تاجران واہ کینٹ کے مرکزی صدر راجہ حبیب الرحمن، سابق صدر ٹیکسلا بار ایسوسی ایشن اعجاز احمد خان، مشیر انکم ٹیکس خواجہ وقار خان، ڈپٹی سیکرٹری جماعت اسلامی ضلع راولپنڈی محمد ثاقب صدیقی، سابق ممبر صوبائی اسمبلی پنجاب پروفیسر محمد وقاص خان، امیر جماعت اسلامی ٹیکسلا، عتیق کاشمیری، امیر جماعت اسلامی واہ کینٹ منصور احمد، پی ٹی سی ایل ورکرز اتحاد فیڈریشن پاکستان CBA کے سینئر وائس پریذیڈنٹ وحید حیدرشاہ ، عبد الوحید اعوان، چوہدری خالد ،ملک فرخ اقبال اعوان نے خصوصی شرکت کی۔
ڈاکٹر عبد الرحمن قاسم، ایان فیصل ایڈووکیٹ، ڈاکٹر حسن مسعود خان، ڈاکٹر ارسلان قریشی، احسن کمال خان، سبحان ادریس نے گیسٹ ہاؤس کے گیٹ پر پرتپاک استقبال کیا اور پھولوں کی پتیاں نچھاور کیں۔
ڈاکٹر مسعود خان نے اپنے خیر مقدمی کلمات میں کہا کہ نیشنل لیبر فیڈریشن پاکستان کو بین الاقوامی سطح پر پاکستان کی نمائندگی ملنا ہمارے لیے باعث افتخار ہے۔ شمس الرحمن سواتی اور ان کی ٹیم نے دن رات محنت کر کے NLF کو پاکستان کی سب سے بڑی تنظیم بنا دیا ہے۔ جس پر ہم اللہ تعالیٰ کا شکر ادا کرتے ہیں۔ اور ہمیں فخر ہے ان کا تعلق ہمارے علاقہ سے ہے۔
شمس الرحمن سواتی نے احباب اور نوجوانوں کا شکریہ ادا کیا کہ انہوں نے ایسی خوبصورت محفل سجائی۔ انہوں نے کہا کہ ہم نے جنیوا کانفرنس میں معمول کے پروگرام کے ساتھ ساتھ اہل فلسطین کے ساتھ اظہار یکجہتی کے لیے اسرائیلی وزیر کی تقریر کے دوران بھاری تعداد کے ساتھ بائیکاٹ کرکے واک آؤٹ کیا۔ اور باہر شدید نعرہ بازی کی۔
کانفرنس میں 187 ممالک کے وفود شریک تھے۔ ہم نے بہت سارے وفود کے ساتھ ملاقاتیں کیں۔ اور باہمی دلچسپی کے امور پر تبادلہ خیال کیا۔ اس کانفرنس میں پلیٹ فارم ورکرز کے حق میں ایک قرارداد منظور کی گئی۔جس سے ان کے لیے انجمن سازی کے حق کے لیے راہیں ہموار ہوں گی۔ ہم نے پاکستان کے 8کروڑ 19 لاکھ لیبرز کے حقوق کے لیے موثر آواز اٹھائی۔ میرے ساتھ NLF کے سیکرٹری جنرل حسیب الرحمان چوہدری نے بھی مختلف کمیٹیوں میں اپنے موقف کی بھرپور ترجمانی کی۔ ہم ملک میں بھی مزدور حقوق کے لیے اپنی جہدوجہد جاری رکھیں گے۔ آخر میں احباب کی جانب سے شمس الرحمن سواتی کو یادگاری شیلڈ پیش کی گئی۔
ذریعہ: Jasarat News
کلیدی لفظ: شمس الرحمن سواتی فیڈریشن پاکستان جماعت اسلامی نیشنل لیبر واہ کینٹ کے ساتھ کے لیے
پڑھیں:
ٹرمپ کا مجوزہ غزہ امن منصوبہ نوآبادیاتی نظام کی بحالی کا اعلان ہے‘ حافظ نعیم الرحمن
لاہور (اُردو پوائنٹ اخبارتازہ ترین - این این آئی۔ 02 اکتوبر2025ء) امیر جماعت اسلامی پاکستان حافظ نعیم الرحمن نے امریکی صدر ڈونلڈ ٹرمپ کے مجوزہ غزہ امن معاہدہ کو نوآبادیاتی نظام کی بحالی کا اعلان قرار دیتے ہوئے حکومت پاکستان پر واضح کیا ہے کہ اس کے اسرائیلی ریاست کو تسلیم کرنے کے کسی مذموم ارادے کی ہر سطح پر اس طرح مزاحمت ہوگی کہ حکمران طبقہ عبرت کا نشان بن جائے گا، آزاد کشمیر میں مظاہرین کے جائز مطالبات کی حمایت کرتے ہیں، حکومت دانش مندی سے معاملہ حل کرے۔منصورہ میں پریس کانفرنس سے خطاب کرتے ہوئے انہوں نے مطالبہ کیا کہ حکومت فی الفور واضح اعلان کرے کہ پاکستان واحد فلسطینی ریاست کا قیام چاہتا ہے۔ ملک میں جو کوئی بھی قائداعظم اور پچیس کروڑ عوام کے اصولی موقف کے خلاف جائے گا وہ مظلوموں کے خون کا سودا کرے گا اور اسرائیل کا ہمدرد تسلیم کیا جائے گا۔(جاری ہے)
نائب امیر لیاقت بلوچ، سیکرٹری جنرل امیر العظیم اور سیکرٹری اطلاعات شکیل ترابی بھی اس موقع پر موجود تھے۔
امیر جماعت اسلامی نے صمود فلوٹیلا پر اسرائیلی نیوی کے حملہ اور امدادی کارکنوں کو یرغمال بنانے کی شدید الفاظ میں مذمت کی اور فلسطین سے اظہار یکجہتی، ٹرمپ کے غزہ امن معاہدہ اور فلوٹیلا پر اسرائیلی حملہ کے خلاف جمعہ کو ملک بھر میں احتجاج کا اعلان کیا۔ جماعت اسلامی ہفتہ چار اکتوبر کو لاہور اور پانچ اکتوبر کو کراچی میں فلسطین ملین مارچ کا انعقاد کرے گی، سات اکتوبر کو اسلام آباد میں مارچ اور ملک گیر احتجاج ہوگا۔ حافظ نعیم الرحمن نے کہا کہ وزیراعظم شہباز شریف کی جانب سے ٹرمپ منصوبہ پیش کیے جانے سے قبل ہی اس کی حمایت کا اعلان خوشامد اور چاپلوسی کی نئی مثال ہے۔ حکمران ابراہم اکارڈ کی جانب پیش رفت کرنے سے گریز کریں اور قائدین اسلامیان برصغیر علامہ اقبال، قائداعظم محمد علی جناح اور دیگر کے فلسطین اور اسرائیل سے متعلق سو سالہ موقف کے خلاف جانے کی جرآت نہ کریں۔ انہوں نے کہا شہباز شریف کے اعلان کے بعد نائب وزیراعظم اسحق ڈار وضاحتیں پیش کررہے ہیں، جو ناکافی ہیں، حکومت فوری اعلان کرے کہ پاکستان صرف اور صرف فلسطینی ریاست چاہتا ہے۔ حافظ نعیم الرحمن نے کہا کہ جماعت اسلامی حماس کو جمہوری اور قانونی مزاحمتی تحریک تسلیم کرتی ہے۔ حماس کو غیر مسلح کردیا گیا تو فلسطینیوں کا وہی حال ہوگا جو سربوں نے بوسنیائی مسلمانوں کا کیا تھا۔ انہوں نے کہا کہ جماعت اسلامی امریکی امن معاہدہ پر حماس کے موقف کی تائید کریگی۔ فلسطین پر اصولی موقف سے دستبرداری کا مطلب ہوگا کہ پاکستان کشمیر پر قومی موقف پر بھی سودے بازی کرلے گا، مسئلہ فلسطین و کشمیر ایک ہی طرح کی صورتحال کی عکاسی کرتے ہیں، دونوں مسائل پر اقوام متحدہ کی واضح قراردادیں موجود ہیں۔امیر جماعت اسلامی نے آزاد کشمیر میں جاری صورتحال پر افسوس کا اظہار کیا اور حکومت سے مطالبہ کیا کہ مظاہرین کے جائز مطالبات تسلیم کرے۔ انہوں نے مظاہرین سے بھی اپیل کی کہ اگرچہ سیاسی مزاحمت ان کا حق ہے اور انہیں پرامن طریقہ سے یہ مزاحمت جاری رکھنی چاہیے تاہم تشدد سے گریز کیا جائے، اس سے نہ صرف عوامی تحریک کو نقصان پہنچے گا بلکہ کشمیر کا مقدمہ بھی کمزور ہوگا۔ انہوں نے کہا کہ جماعت اسلامی مظاہرین کے جائز مطالبات کی حمایت کرتی ہے تاہم انھیں بھی اپنی صفوں کا جائزہ لینا چائیے کہ کوئی ملک دشمن اپنے مذموم مقاصد کے حصول کے لئے گُھس نہ گیا ہو۔مظاہرین کا کشمیری پناہ گزینوں کی بارہ مخصوص سیٹیں ختم کرنے کا مطالبہ بھی کسی حد تک درست ہے، ہم نے امیر جماعت اسلامی آزاد کشمیر ڈاکٹر مشتاق خان اور حکومتی وزراء سے رابطے کیے ہیں اور مسئلہ کے حل کے لیے کوششیں کررہے ہیں۔ حکومت اور کشمیری عوام ہر ایسے اقدام سے باز رہیں جس سے شکست خوردہ ہندوستان فائدہ اٹھائے۔ایک سوال کے جواب میں ان کا کہنا تھا کہ بے نظیر انکم سپورٹ پروگرام کرپشن کا گڑھ ہے، پی ڈی ایم جماعتیں اور خاص طور پر ن لیگ اور پیپلز پارٹی نورا کشتی کی سیاست کررہی ہیں جس کی عوام کو مکمل سمجھ ہے۔
کپل شرما سے بھتہ مانگنے والا گینگسٹر گرفتار