سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
اشاعت کی تاریخ: 30th, June 2025 GMT
سعودی وزارت حج و عمرہ کی جانب سے حجاج کرام کے لیے مثالی انتظامات کرنے پر پاکستان حج مشن کو خراج تحسین پیش کیا گیا ہے۔
پیر کے روز سعودی وزارت حج و عمرہ کے اعلیٰ سطحی وفد نے پاکستان حج مشن مکہ مکرمہ کا دورہ کیا اور حج 2025 کی شاندار تکمیل پر پاکستانی مشن کو مبارکباد پیش کی، وفد نے پاکستانی حجاج کرام کے لیے کیے گئے مثالی انتظامات اور خدمات کو سراہتے ہوئے انہیں قابل تقلید قرار دیا۔
یہ بھی پڑھیں: وزارت حج وعمرہ نے خواتین کے احرام سے متعلق ہدایات جاری کردیں
سعودی وفد میں نائب وزیر برائے حج و عمرہ ڈاکٹر عبدالفتاح بن سلیمان مشاط، اسسٹنٹ نائب وزیر برائے حج آپریشن ایاد بن احمد رہبینی، اور ڈائریکٹر جنرل حج امور ڈاکٹر بدر محمد السالمی شامل تھے، وفد کا پرتپاک استقبال ڈائریکٹر جنرل حج جدہ پاکستان، عبدالوہاب سومرو، سینئر جوائنٹ سیکریٹری وزارتِ مذہبی امور میرزا علی محسود، چیف فنانس و اکاؤنٹس آفیسر ذوالفقار خان اور ڈائریکٹر حج مکہ عزیزاللہ خان نے کیا۔
اس موقع پر ملاقات کے دوران دونوں ممالک کے عہدیداران نے اس بات پر زور دیا کہ حج 2026 کے لیے بھی اُسی جذبہ خدمت، باہمی ہم آہنگی اور ٹیم ورک کے ساتھ کام جاری رکھا جائے گا، تاکہ عازمینِ حج کو ہر ممکن سہولیات فراہم کی جاسکیں۔
یہ بھی پڑھیں: حجاج کی واپسی جاری، پی آئی اے کی پرواز 151 حاجیوں کو لیکر کوئٹہ پہنچ گئی
نائب وزیر ڈاکٹر مشاط نے پاکستان حج مشن کی پیشہ ورانہ صلاحیتوں، مخلصانہ کاوشوں اور منظم حج انتظامات کی کھل کر تعریف کی اور عبد الوہاب سومرو کو لبیتم ایوارڈ حاصل کرنے پر مبارکباد بھی پیش کی اور کہا کہ پاکستانی حجاج کی خدمت کے لیے جو اقدامات کیے گئے، وہ لائق تحسین ہیں۔
اس موقع پر ڈائریکٹر جنرل پاکستان حج مشن جناب عبدالوہاب سومرو نے معزز مہمانوں کو خوش آمدید کہتے ہوئے ان کی آمد کو باعثِ اعزاز قرار دیا۔ انہوں نے کہا کہ سعودی وزارتِ حج و عمرہ کی رہنمائی اور مسلسل تعاون ہمارے لیے نہایت اہمیت کا حامل ہے، اور پاکستان اس شراکت داری کو ہمیشہ قدر کی نگاہ سے دیکھتا ہے۔
یہ بھی پڑھیں: حج کے کامیاب انعقاد کا اعتراف، پاکستان حج مشن کو ایکسی لینس ایوارڈ سے نوازا گیا
ملاقات کے اختتام پر ڈی جی حج عبدالوہاب سومرو نے سعودی وفد کے اعزاز میں یادگاری شیلڈ پیش کی، جس کا مقصد نہ صرف ان کی آمد کا خیرمقدم کرنا تھا بلکہ مستقبل میں باہمی روابط کو مزید مضبوط بنانے کے عزم کا اظہار بھی تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان حج مشن ڈاکتر مشاط ڈاکٹر عبدالفتاح بن سلیمان مشاط سعودی عرب مکہ مکرمہ وزارت حج و عمرہ.ذریعہ: WE News
کلیدی لفظ: پاکستان مکہ مکرمہ پاکستان حج مشن پیش کی مشن کو کے لیے
پڑھیں:
صدر مملکت اور وزیر اعظم کی سکیورٹی فورسز کے قافلے پر حملے کی مذمت
اسلام آباد: صدر آصف علی زرداری، وزیر اعظم شہباز شریف اور وزیر داخلہ محسن نقوی نے شمالی وزیرستان میں فتنہ الخوارج کے سیکیورٹی فورسز کے قافلے پر حملے کی شدید مذمت کی۔
صدر آصف علی زرداری نے آپریشن کے دوران جامِ شہادت نوش کرنے والے 13 بہادر جوانوں کو خراجِ عقیدت پیش کرتے ہوئے کہا کہ شہدا نے اپنی جانوں کا نذرانہ دے کر مادرِ وطن کے تحفظ کو یقینی بنایا۔
انہوں نے کہا کہ قوم اپنے شہداء کی قربانیوں کو کبھی فراموش نہیں کرے گی۔ اور دفاع وطن کی راہ میں جان قربان کرنے والے ہمارے اصل ہیرو ہیں۔ ایسا بزدلانہ حملہ قوم کے حوصلے پست نہیں کر سکتا۔
آصف علی زرداری نے شمالی وزیرستان میں سکیورٹی فورسز کی جانب سے 14 خوارج جہنم واصل کرنے پر فورسز کو خراج تحسین پیس کیا۔ اور کہا کہ پاکستانی قوم اور سیکیورٹی فورسز بھارتی سرپرست دہشتگردی کو جڑ سے ختم کرنے کے لیے پُرعزم ہیں۔
انہوں نے زخمی شہریوں، بچوں اور خاتون کی جلد صحت یابی کے لیے دعا کی۔ اور کہا کہ اللہ تعالیٰ شہداء کے درجات بلند فرمائے اور لواحقین کو صبر جمیل دے۔
وزیراعظم شہباز شریف نے دہشت گرد حملے میں شہید ہونے والے پاک فوج کے جوانوں کو خراج عقیدت پیش کیا۔
شہباز شریف نے دہشت گرد حملے میں معصوم شہریوں کے زخمی ہونے پر افسوس کا اظہار کیا۔ اور شہدا کے لیے بلندی درجات کی دعا کی۔ وزیر اعظم نے شہدا کے اہل خانہ سے اظہار تعزیت کیا۔
شہباز شریف نے جوابی کارروائی میں 14 خوارجی دہشت گردوں کو ہلاک کرنے پر سیکیورٹی فورسز کو خراج تحسین پیش کیا۔ اور کہا کہ بھارتی حمایت یافتہ دہشت گردوں نے بزدلانہ کارروائی کی۔ پوری قوم شہدا کو سلام پیش کرتی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی