ڈیمو پرراگ الاپنا ملکی سالمیت کے پر حملے کے مترادف ہے،عوامی تحریک
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) عوامی تحریک کے مرکزی صدر ایڈووکیٹ وسند تھری، مرکزی سینئر نائب صدر نور احمد کاتیار، مرکزی رہنما ڈاکٹر رسول بخش خاصخیلی، ایڈووکیٹ اظہار دائودپوٹو اور حسنہ راہوجو نے اپنے مشترکہ پریس بیان میں کہا ہے کہ ڈیموں کا راگ الاپنے والے ملکی سالمیت پر حملہ کر رہے ہیں۔ کالا باغ ڈیم کو تینوں صوبوں کی اسمبلیاں پہلے ہی مسترد کر چکی ہیں۔ دریائے سندھ پر نئے کینال اور ڈیم بنانے کی بات کرنے والے ملک دشمن ہیں۔ ملک کا عوام ایک وقت کی روٹی کے لیے پریشان ہے اور حکمران ڈیموں اور کینالز پر عوام کی ٹیکس سے اربوں روپے خرچ کر رہے ہیں۔ انہوں نے کہا کہ منصوبہ بندی کے وفاقی وزیر احسن اقبال کی جانب سے دیامر بھاشا ڈیم اور مہمند ڈیم پر مزید رقم خرچ کرنے کا بیان ملک پر حملہ ہے،سندھ کا عوام بھاشا ڈیم سمیت دریائے سندھ پر کسی بھی کینال اور ڈیم کو اپنی بقا کے لیے خطرہ سمجھتا ہے۔ بھاشا ڈیم اور مہمند ڈیم کے ذریعے دریائے سندھ مکمل خشک ہو جائے گا۔ حکمران سندھ کو ویران اور بنجر بنانا چاہتے ہیں۔ سندھ کا عوام کینالوں اور ڈیموں کے خلاف بھرپور جدوجہد کرے گا۔
.ذریعہ: Jasarat News
پڑھیں:
تحریکِ تحفظِ آئینِ پاکستان غزہ و کشمیر کے عوام کے ساتھ کھڑی ہے: سلمان اکرام راجہ
سلمان اکرام راجہ—فائل فوٹوتحریکِ تحفظِ آئینِ پاکستان و پی ٹی آئی رہنما سلمان اکرام راجہ کا کہنا ہے کہ تحریکِ تحفظِ آئینِ پاکستان غزہ کے عوام کے ساتھ کھڑی ہے، ہم کشمیری عوام کے ساتھ بھی کھڑے ہیں، ان سے مذاکرات کیے جائیں۔
اسلام آباد میں تحریکِ تحفظِ آئینِ پاکستان کے رہنماؤں کے ہمراہ پریس کانفرنس کرتے ہوئے انہوں نے کہا کہ غزہ میں امدادی سامان لے جانے والے بیڑے کو اسرائیل نے قبضے میں لے لیا ہے۔
سلمان اکرام راجہ نے کہا کہ پاکستان کی معیشت جبر سے نہیں چل سکتی، نوجوان نسل بیرونِ ممالک جا رہی ہے، یہاں دن بدن مہنگائی بڑھ رہی ہے، ملک میں گندم کا بحران سر اٹھا رہا ہے۔
پشاور ہائیکورٹ نے پاکستان تحریک انصاف (پی ٹی آئی) کے سیکریٹری جنرل سلمان اکرم راجاکی ضمانت منظور کرلی۔
اس موقع پر سینیٹر علامہ راجہ ناصر عباس نے گفتگو کرتے ہوئے کہا کہ ٹرمپ اسرائیل کے ساتھ ملا ہوا ہے، غزہ میں ہزاروں لوگوں کو شہید کیا گیا، فلسطین میں بچوں اور عورتوں پر ظلم کیا جا رہا ہے۔
مصطفیٰ نواز کھوکھر نے کہا کہ امریکی صدر کے 20 نکاتی امن منصوبے میں امن کی کوئی بات نہیں، ٹرمپ کے 20 نکاتی ایجنڈے کی وزیرِ اعظم پاکستان نے تعریف کی، وزیرِ اعظم نے ایجنڈا پڑھے بغیر ہی اس کی تعریفیں کرنا شروع کر دیں۔
انہوں نے کہا کہ وزیرِ خارجہ نے پریس کانفرنس میں کہا کہ یہ وہ امن منصوبہ نہیں جو ہم نے دیکھا تھا، پاکستان کو اس ایجنڈے میں شامل نہیں ہونا چاہیے، کمشیر کی جوائنٹ ایکشن کمیٹی کے 38 مطالبات عوامی ہیں۔
مصطفیٰ نواز کھوکھرکا کہنا ہے کہ کشمیریوں کا سب سے بڑا مطالبہ ہے کہ مہاجرین کی 12 نشستیں ختم کی جائیں، کشمیر کی صورتحال پر وزیرِ اعظم آزاد کشمیر کو مستعفی ہو جانا چاہیے، کشمیر میں حقیقی قیادت کے لیے نئے انتخابات کی طرف جانا ہو گا۔
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا