نوجوانوںکوکاروبار کے مواقع فراہم کرنے کیلیے کوشاںہے‘ڈاکٹرفواد
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) گلشن اقبال ٹاؤن کے چیئرمین ڈاکٹر فواد احمد نے کہا ہے کہ کراچی کے نوجوانوں کو کاروبار کے مواقع فراہم کرنے کے لیے ہر ممکن اقدامات کریں گے۔ سوشل میڈیا پر معروف ہونے والے محنتی بچے احمد کو چیئرمین گلشن اقبال ٹاؤن ڈاکٹر فواد احمد نے اپنے دفتر مدعو کیا اور ان کی نہ صرف حوصلہ افزائی کی۔ بلکہ مسکن چورنگی کے قریب اسٹوڈنٹ فوڈ اسٹریٹ میں کاروبار کے لیے مواقع فراہم کرنے کی یقین دہانی کرائی۔ ڈاکٹر فواد احمد نے کہا کہ احمد جیسے باہمت نوجوانوں کی سہولت کے لیے ہی فوڈ اسٹریٹ کا تصور متعارف کرایا گیا تاکہ وہ تعلیم کے ساتھ روزگار میں بھی شریک ہو سکیں۔ یہ ہمارے لیے باعثِ فخر ہے کہ ہم ایسے بچوں کا سہارا بنیں۔انہوں نے کہا کہ فوڈ اسٹریٹ کا مقصد ان نوجوانوں کو عملی مدد فراہم کرنا ہے جو محدود وسائل کے باوجود آگے بڑھنے کا حوصلہ رکھتے ہیں۔ڈاکٹر فواد نے کہا کہ اکثر یہ نوجوان جب کارٹس لے کر آتے ہیں تو چند گھنٹوں میں ہٹا دیے جاتے ہیں، ہمیں ایسا ماحول بنانا ہوگا جہاں ان کی حوصلہ شکنی کے بجائے مدد کی جائے۔احمد نے اس موقع پر اظہارِ خیال کرتے ہوئے کہا کہ میں چیئرمین گلشن اقبال ٹاؤن کا شکر گزار ہوں کہ مجھے یہ موقع ملا میں تعلیم کے ساتھ کاروبار جاری رکھنا چاہتا ہوں اور امید ہے کہ لوگ میرا ساتھ دیں گے۔
.
ذریعہ
ذریعہ: Jasarat News
کلیدی لفظ: ڈاکٹر فواد نے کہا کہا کہ
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ