سرسید یونیورسٹی میں یومِ حسینؑ کی روحانی اور فکرانگیز مجلس کا انعقاد
اشاعت کی تاریخ: 1st, July 2025 GMT
اسلام ٹائمز: تقریب سے اہل سنت عالم دین مولانا منظرالحق تھانوی، حجۃ الاسلام و المسلمین مولانا رضا داؤدانی اور حجۃ الاسلام و المسلمین مولانا ادریس الحسن، سرسید یونیورسٹی کے چانسلر اکبر علی خان، رجسٹرار کموڈور (ر) سید سرفراز علی نے خطاب کیا۔ مقررین نے امام عالی مقامؑ کی جرات، صبر، وفاداری، اور اصولوں پر استقامت کو عصر حاضر کے لیے مشعلِ راہ قرار دیا۔ متعلقہ فائیلیںاسلام ٹائمز۔ سرسید یونیورسٹی آف انجینئرنگ اینڈ ٹیکنالوجی میں یومِ حسین کے سلسلے میں ایک روحانی اور فکرانگیز مجلس کا انعقاد کیا گیا، جس میں جامعہ کے طلبہ، اساتذہ، اور مختلف مکاتبِ فکر کے معزز مہمانوں نے بھرپور شرکت کی۔ تقریب سے اہل سنت عالم دین مولانا منظرالحق تھانوی، حجۃ الاسلام و المسلمین مولانا رضا داؤدانی اور حجۃ الاسلام و المسلمین مولانا ادریس الحسن نے خطاب کیا اور واقعہ کربلا کے تاریخی، فکری، اور اخلاقی پہلوں پر جامع روشنی ڈالی۔ علمائے کرام نے واقعہ کربلا کی تاریخی، دینی، اور اخلاقی جہتوں پر روشنی ڈالتے ہوئے طلبہ کو پیغام دیا کہ امام حسینؑ کا پیغام صرف مسلمانوں کے لیے نہیں بلکہ پوری انسانیت کے لیے ہے۔ انہوں نے امام عالی مقامؑ کی جرات، صبر، وفاداری، اور اصولوں پر استقامت کو عصر حاضر کے لیے مشعلِ راہ قرار دیا۔ مجلس سے خطاب کرتے ہوئے سرسید یونیورسٹی کے چانسلر اکبر علی خان نے کہا کہ امام حسینؑ کی قربانی تمام انسانیت کے لیے مشعلِ راہ ہے، کربلا محض واقعہ نہیں بلکہ ایک زندہ درسگاہ ہے جو ہمیں ظلم کے خلاف ڈٹ جانے، حق پر قائم رہنے اور باوقار زندگی گزارنے کا سبق دیتی ہے، سرسید یونیورسٹی ایک ایسی درسگاہ ہے جہاں ہر سوچ اور نظریے کو عزت دی جاتی ہے اور ہم اپنے طلبہ کو باہمی احترام، برداشت اور اصولوں کی بنیاد پر آگے بڑھنے کا ماحول فراہم کرتے ہیں۔ اس موقع پر رجسٹرار کموڈور (ر) سید سرفراز علی نے کہا کہ جامعہ میں ملک بھر سے تعلق رکھنے والے مختلف نظریات اور مکاتبِ فکر کے نوجوان زیرِ تعلیم ہیں، جو ایک دوسرے کے ساتھ احترام، ہم آہنگی، اور بھائی چارے کے جذبے کے ساتھ سیکھنے کا عمل جاری رکھتے ہیں۔ تقریب میں اسلام کے اس عظیم معرکے کے شہدا اور امام حسینؑ کی لازوال قربانی کی یاد میں نوحہ خوانی اور صلات السلام پیش کرتے ہوئے خصوصی دعاکی گئی۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ: Islam Times
کلیدی لفظ: حجۃ الاسلام و المسلمین مولانا سرسید یونیورسٹی کے لیے
پڑھیں:
جماعت اسلامی ضلع پشاور کی 26 رکنی ضلعی مجلس شوریٰ نے حلف اٙٹھا لیا
بحراللہ خان ایڈوکیٹ کا کہنا تھا کہ 21 سے 23 نومبر تک جماعت اسلامی کے مرکزی اجتماع عام میں اہلیان پشاور ہر اول دستے کا کردار ادا کریں گے۔ اسلام ٹائمز۔ جماعت اسلامی ضلع پشاور کی نو منتخب 26 رکنی ضلع مجلس شوری کا پہلا اجلاس ضلعی امیر بحراللہ خان ایڈوکیٹ کی زیر صدارت ضلعی سیکرٹریٹ محلہ اسلام آباد پشاور میں منعقد ہوا۔ اجلاس می امیر بحراللہ ایڈوکیٹ نے نومنتخب شوریٰ ممبران سے باقاعدہ حلف لیا۔ شوریٰ اجلاس میں 21 ،22 23 نومبر کو لاہور میں ہونے والے بدل دو نظام اجتماع عام میں پشاور سے شرکت کی منصوبہ بندی کی گئی۔جماعت اسلامی ضلع پشاور کے ترحمان طارق متین نے ضلعی مجلس شوریٰ میں ہونے والے فیصلوں کی تفصیلات جاری کرتے ہوئے کہا کہ اجلاس میں فیصلہ کیا گیا کہ پشاور سٹی این اے 32 سے ایک خصوصی ٹرین 20 نومبر کو رات نو بجے پشاور کینٹ ریلوے اسٹیشن سے روانہ ہوگی جبکہ این اے 29 سے بسوں اور دیگر چھوٹی بڑی گاڑیوں کا بڑا قافلہ المرکز اسلامی پشاور سے این اے 31 سے کا قافلہ حیات آباد سے این اے 30 کا قافلہ بڈھ بیر سے جبکہ این اے 28 کا قافلہ نادرن بائی پاس سے روانہ ہوگا۔
ان کا مزید کہنا تھا کہ خواتین، جے آئی یوتھ اور اسلامی جمعیت طلبہ سمیت دیگر برادار تنظیمات کے الگ الگ قافلوں کے علاوہ میڈیکل ٹیم اور ایمبولینسز بھی قافلوں کے ہمراہ روانہ ہوں گی۔ اجتماع عام میں ہر گاڑی کیلئے امیر سفر بھی مقرر کیا گیا ہے۔ جبکہ ہر قافلہ کیلئے الگ الگ امیر مقرر کیا گیا ہے، جدید ڈیجیٹل نظام کے تحت تمام قافلے ایک دوسرے کیساتھ رابطہ میں ہونگے۔ ضلع پشاور سے جانے والے تمام قافلوں کی قیادت جماعت اسلامی ضلع پشاور کے امیر بحراللہ خان ایڈوکیٹ کرینگے اجتماع میں پشاور سے یزاروں کی تعداد میں مردوزن اور بچے شریک ہوں گے۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟