پیپلز پارٹی وفاق اور پنجاب کی حکومتوں میں شامل ہو سکتی ہے، وزیر دفاع خواجہ آصف
اشاعت کی تاریخ: 1st, July 2025 GMT
وزیر دفاع خواجہ آصف نے کہا ہے کہ پیپلز پارٹی وفاق اور پنجاب کی حکومتوں میں شامل ہو سکتی ہے۔
نجی ٹی وی سے گفتگو کرتے ہوئے انہوں نے کہاکہ میرا اندازہ ہے کہ پیپلزپارٹی کی حکومت میں شمولیت کے امکانات ہیں، تاہم حتمی فیصلہ وزیراعظم شہباز شریف اور صدر مملکت آصف زرداری کریں گے۔
یہ بھی پڑھیں: پیپلزپارٹی کا وزیراعظم شہباز شریف کی قیادت میں قائم حکومت پر مکمل اعتماد کا اظہار
واضح رہے کچھ روز سے یہ خبریں گردش کررہی ہیں کہ حکومت بار بار پیپلزپارٹی کو اقتدار کا حصہ بننے کی دعوت دے رہی ہے، جس پر پی پی قیادت نے اب سنجیدہ غور شروع کردیا ہے۔
قبل ازیں نجی ٹی وی کے پروگرام میں گفتگو کرتے ہوئے وزیر دفاع خواجہ آصف نے کہاکہ پاکستان سمیت دنیا بھر میں اسٹیبلشمنٹ کا کردار اہم اور اب باضابطہ طور پر تسلیم شدہ ہے، اس کی سب سے نمایاں مثال خود امریکا ہے جہاں اسٹیبلشمنٹ داخلی امور، معیشت اور دیگر شعبوں میں فعال کردار ادا کرتی ہے۔
انہوں نے کہاکہ اسٹیبلشمنٹ دنیا کے تمام ممالک میں کسی نہ کسی سطح پر کردار ادا کرتی ہے، اور جب بھی ضرورت پڑی امریکی اسٹیبلشمنٹ نے براہِ راست مداخلت کی ہے۔
انہوں نے کہاکہ پاکستان کے سیاسی نظام میں بھی اسٹیبلشمنٹ کا کردار اہم ہے، چاہے وہ داخلی معاملات ہوں یا معاشی حالات، تمام شعبوں میں اس کا اثر موجود ہے۔ خواجہ آصف کے مطابق اب یہ کردار ’فورملائز‘ ہو چکا ہے، موجودہ حکومت میں ٹیم کے کپتان شہباز شریف ہی ہیں۔
خواجہ آصف نے خیبرپختونخوا حکومت پر بھی تنقید کی اور کہاکہ آج سوات میں دریا کے قریب تجاوزات گرائی جا رہی ہیں، سوال یہ ہے کہ یہ سب کچھ انہیں پہلے کیوں نظر نہیں آیا؟
اپنی بات جاری رکھتے ہوئے وزیر دفاع نے کہاکہ سیالکوٹ میں ایک نہر کے کنارے افغان باشندوں نے قبضہ کر رکھا ہے، جو وہاں بھاری مشینری، خاص طور پر ڈمپرز کے ساتھ موجود ہیں۔ انہوں نے دعویٰ کیا کہ یہی ڈمپرز کراچی، لاہور اور سیالکوٹ سمیت مختلف شہروں میں لوگوں کو ہلاک کررہے ہیں۔
یہ بھی پڑھیں: پیپلزپارٹی کے حکومت سے تحفظات اب تک دور کیوں نہ ہو پائے؟
انہوں نے انکشاف کیا کہ یہ ڈمپرز جاپان سے اسکریپ ریٹس پر تین تین کنٹینرز میں درآمد کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسٹیبلشمنٹ آصف زرداری اقتدار حکومت میں شمولیت خواجہ آصف شہباز شریف صدر مملکت وزیر دفاع وزیراعظم پاکستان وی نیوز.ذریعہ: WE News
کلیدی لفظ: اسٹیبلشمنٹ حکومت میں شمولیت خواجہ ا صف شہباز شریف صدر مملکت وزیر دفاع وزیراعظم پاکستان وی نیوز شہباز شریف خواجہ ا صف وزیر دفاع انہوں نے نے کہاکہ
پڑھیں:
آزاد کشمیر کی حکومت بند کمروں میں بیٹھ کر نہیں چلائیں گے، بلاول بھٹو
ایک بار نہیں 2 بار ہمارے مینڈیٹ کو سازش کے تحتچوری کیا ،اب کہہ سکتا ہوں ہم نے کشمیر میں سیاست کو بحال کیا
کشمیر سے پیپلز پارٹی کا 3 نسلوں کا رشتہ ،عوام کو مبارک باد دیتا ہوں،چیئرمین کی حلف برداری کی تقریب سے خطاب
چیئرمین پیپلز پارٹی بلاول بھٹو زرداری کا کہنا ہے کہ ہم بند کمروں میں بیٹھ کر آزاد کشمیر کی حکومت نہیں چلائیں گے،سازش کے تحت پیپلز پارٹی کے مینڈیٹ کو چوری کیا گیا،ایک بار نہیں 2 بار آزاد کشمیر میں ہمارے مینڈیٹ کو چوری کیا گیا،ماضی میں جو فیصلے ہوئے اس سے آزاد کشمیر میں سیاسی خلا پیدا ہوا۔ وزیراعظم آزاد کشمیر کی حلف برداری کی تقریب سے خطاب کرتے ہوئے بلاول بھٹو زرداری نے کہا کہ کشمیر کے عوام کو مبارک باد دیتا ہوں، اب کہہ سکتا ہوں کہ ہم نے کشمیر میں سیاست کو بحال کیا،کشمیر سے پیپلز پارٹی کا 3 نسلوں کا رشتہ ہے، ذوالفقار علی بھٹو کے قتل پر مظفرآباد اور سری نگر میں بھی احتجاج ہوا تھا،انہوں نے کہا کہ شہید بینظیر بھٹو نے بتایا تھا جہاں کشمیریوں کا پسینہ گرے گا وہاں ہمارا خون گرے گا، پیپپلز پارٹی کے مینڈیٹ پر ڈاکا ڈال کر بانی پی ٹی آئی کو اقتدار دیا گیا تھا۔ چیٔرمین پیپلز پارٹی کا کہنا ہے کہ میں خود انتخابات میں آپ کے پاس آیا تھا، آپ نے اور گلگت بلتستان نے مایوس نہیں کیا، جتنا سیاسی شعور کشمیر میں ہے اتنا کہیں نہیں، کشمیر کے عوام جب سراپا احتجاج تھے تو فیصل راٹھور اس کو بھی دیکھ رہے تھے۔ بلاول بھٹو زرداری نے کہا کہ فیصل راٹھور نے عوام سے جو وعدے کیے وہ میرے پاس آپ کی امانت ہیں، فیصل راٹھور کے اختیار میں عوامی مسائل وہ حل کریں، آپ نے عوام سے کیے وعدے پورا کرنے ہیں،ان کا کہنا تھا کہ جب آپ کا نمائندہ آپ کی نمائندگی نہیں کرسکتا تو عوام کو خود جدوجہد کرنا پڑتی ہے، اب مظفرآباد میں آپ کا نمائندہ فیصل راٹھور ہے،انہوں نے کہا کہ بھارت سے جنگ کے بعد پاکستان کا اسٹینڈرڈ سب کے سامنے ہے۔ بھارت منہ چھپا رہا ہے دنیا سے، بھارت کس سے بات کرے گا، امریکا سے لے دیگر ممالک انہیں یاد دلائیں گے 7 جہاز گرے تھے، بھارت پاکستان اور کشمیر کا جو بھائی چارہ ہے اسے نقصان پہنچاتا ہے۔ چیٔرمین پیپلز پارٹی کا یہ بھی کہنا ہے کہ مودی اپنا منہ دنیا سے چھپا رہا ہے، دنیا کا کوئی فورم ہو بھارت وہاں سے بھاگ رہا ہے، مودی سرکار کو بتانا چاہتا ہوں کہ آپ جنگیں بھی ہارے اور اب سازش بھی ہارو گے۔
پنجاب بھر کی عدالتوں میں سیکیورٹی انتظامات مزید سخت