اسٹیٹ بینک آف پاکستان نے بالآخر نوجوانوں کے لیے شاندار ملازمتوں کے دروازے کھول دیے
اشاعت کی تاریخ: 2nd, July 2025 GMT
کراچی: اسٹیٹ بینک آف پاکستان (SBP) نے نوجوان، باصلاحیت اور پرجوش امیدواروں کے لیے اسسٹنٹ ڈائریکٹر (OG-2) کی آسامیوں پر بھرتی کے لیے “اسٹیٹ بینک آفیسرز ٹریننگ اسکیم (SBOTS) – 28ویں بیچ” کا اعلان کر دیا ہے۔
یہ آسامیاں کراچی میں واقع مرکزی دفتر کے لیے ہیں اور کامیاب امیدواروں کو مالیاتی پالیسی، تحقیقی امور، اسلامی بینکاری، ڈیجیٹل سروسز، آئی ٹی، ہیومن ریسورس، فنانس، آڈٹ، اسٹریٹجک پلاننگ، اور دیگر شعبوں میں خدمات انجام دینے کا موقع دیا جائے گا۔
اہلیت کے معیارتعلیم: کم از کم 16 سالہ تعلیمی قابلیت کے حامل امیدوار، جن کے پاس ماسٹرز یا بیچلرز ڈگری ہو اور انہوں نے 60 فیصد نمبر یا CGPA 2.
بزنس ایڈمنسٹریشن، اکنامکس، کامرس، فنانس، شماریات، ڈیٹا سائنسز، کمپیوٹر سائنس، انفارمیشن ٹیکنالوجی، اکاؤنٹنگ، قانون، اسلامی بینکاری، فلسفہ، میڈیا اینڈ کلچر اسٹڈیز، وغیرہ۔
عمر: زیادہ سے زیادہ 26 سال (مورخہ 29 جون 2025 تک)۔ خواتین، اقلیتی برادری، ٹرانسجینڈر افراد، اور بلوچستان، آزاد کشمیر، گلگت بلتستان و سابق فاٹا سے تعلق رکھنے والے افراد کے لیے 3 سال کی رعایت دی جائے گی۔
درخواست دینے کا طریقہاہل امیدوار SBP کی ویب سائٹ sbp.org.pk پر جا کر آن لائن درخواست دے سکتے ہیں۔
درخواست جمع کروانے کی آخری تاریخ: 14 جولائی 2025 ہے۔
کسی بھی قسم کی فیس نہیں لی جائے گی۔
تمام تر معلومات درست طور پر فراہم کرنا ضروری ہے ورنہ درخواست رد کر دی جائے گی۔
تحریری امتحان اور انتخابامیدواروں کو تحریری ٹیسٹ کے لیے مدعو کیا جائے گا، جس کے بعد کامیاب امیدواروں کو گروپ ڈسکشن، سائیکومیٹرک ٹیسٹ، اور پینل انٹرویو کے مراحل سے گزارا جائے گا۔
منتخب امیدواروں کو تمام اسناد کی اصل کاپیاں، ڈومیسائل اور شناختی کارڈ فراہم کرنا ہوں گے۔
تربیت اور معاوضہمنتخب امیدواروں کو نیشنل انسٹیٹیوٹ آف بینکنگ اینڈ فنانس (NIBAF) اسلام آباد میں رہائشی تربیت دی جائے گی۔
تربیت کے دوران ماہانہ وظیفہ 41,000 روپے ہوگا۔
کامیاب تربیت کے بعد امیدواروں کو اسسٹنٹ ڈائریکٹر (OG-2) کے طور پر 82,000 روپے ماہانہ تنخواہ اور دیگر مراعات کے ساتھ تقرر کیا جائے گا۔
مزید معلومات یا شکایات کے لیے:ای میل کریں: [email protected]
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک آف پاکستان ملازمتوں کے مواقعذریعہ: WE News
کلیدی لفظ: اسٹیٹ بینک ا ف پاکستان ملازمتوں کے مواقع امیدواروں کو اسٹیٹ بینک جائے گا کے لیے
پڑھیں:
ایف بی آر دروازے کھلے رکھے، وزیراعظم: گورنر کنڈی کی ملاقات، خیبر پی کے اسمبلی میں پارٹی پوزیشن پر تبادلہ خیال
اسلام آباد (خبر نگار خصوصی + نوائے وقت رپورٹ) وزیراعظم محمد شہباز شریف نے سال25-2024ء میں وفاقی ٹیکس محصولات میں گزشتہ 10 سالوں کی نسبت 42 فیصد اضافہ پر وزارت خزانہ اور آیف بی آر کی کاوشوں کو سراہتے ہوئے کہا ہے کہ پاکستان کے روشن معاشی مستقبل کے لئے معاشی اہداف کے حصول میں کسی قسم کی کوتاہی برداشت نہیں کی جائے گی۔ وزیراعظم محمد شہباز شریف کی زیر صدارت ایف بی آر کی ڈیجیٹائزیشن اور دیگر اصلاحات کے حوالے سے ہفتہ وار جائزہ اجلاس منعقد ہوا۔ وزیر اعظم نے کہا کہ نئے مالی سال میں محصولات کی وصولی اور دیگر معاشی اہداف کو حاصل کرنے بھی اسی مستعدی کا مظاہرہ کیا جائے ، اس میں کسی قسم کی ادارہ جاتی سستی کو برداشت نہیں کیا جائے گا۔وزیراعظم نے کہا کہ نئے مالی سال میں محصولات کی وصولی اور دیگر معاشی اہداف کو حاصل کرنے کے لئے تمام ادارے مکمل جانفشانی سے کام کریں۔پاکستان کے روشن معاشی مستقبل کے لئے معاشی اہداف کے حصول میں کسی قسم کی کوتاہی برداشت نہیں کی جائے گی۔ وزیراعظم نے کہا کہ محصولات کی وصولی اور معاشی اہداف کے تمام مراحل کی ذاتی طور پر نگرانی کر رہا ہوں۔ انہوں نے ایف بی ار کے افسران کو ہدایت کی کہ محصولات کی وصولی اور اپنے فرائض کی ادائیگی میں ایف بی ار عوام سے عزت و تکریم سے پیش آئیں، کاروباری برادری اور ٹیکس دہندگان کو مکمل سہولیات فراہم کرنے کے لئے ایف بی آر تمام دروازے کھلے رکھے۔ علاوہ ازیں وزیر اعظم محمد شہباز شریف کہا ہے کہ مشرق وسطیٰ میں امن کے لئے سعودی عرب کی کوششوں کے ساتھ ساتھ پاکستان اور بھارت کے درمیان جنگ بندی کے لئے مفاہمت میں اس کے اہم کردار کو سراہتے ہیں۔ محمد شہباز شریف سے پاکستان میں سعودی عرب کے سفیر نواف بن سعید المالکی نے ملاقات کی۔وزیراعظم نے خادم الحرمین الشریفین شاہ سلمان بن عبدالعزیز آل سعود اور سعودی ولی عہد اور وزیر اعظم شہزادہ محمد بن سلمان بن عبدالعزیز آل سعود کے لئے اپنے پر خلوص جذبات کااظہار کیا۔ پاکستان اور بھارت کے درمیان جنگ بندی کے لئے مفاہمت میں اس کے اہم کردار کی تعریف کی۔ وزیراعظم نے بتایا کہ پاکستان نے جولائی کے مہینے کیلئے اقوام متحدہ کی سلامتی کونسل کی صدارت سنبھال لی ہے اور اس مدت کو سعودی عرب کی حمایت سے گزارنے کے عزم کا اظہار کیا۔ سعودی سفیر نے خطے میں امن و استحکام کے لئے پاکستان کے کردار پر وزیراعظم کا شکریہ ادا کیا۔ دریں اثناء وزیراعظم محمد شہباز شریف جمہوریہ آذربائیجان کے دارالحکومت باکو میں 17 ویں اقتصادی تعاون تنظیم کے سربراہی اجلاس میں شرکت کریں گے۔ ترجمان دفتر خارجہ نے بدھ کو یہاں جاری بیان میں کہا کہ اقتصادی تعاون تنظیم (ای سی او) کا 17 واں سربراہی اجلاس 3 اور 4 جولائی کو باکو میں منعقد ہوگا۔ محمد شہباز شریف پاکستانی وفد کی قیادت کریں گے۔ علاوہ ازیں وزیراعظم محمد شہباز شریف نے سوات کے واقعہ میں قیمتی جانوں کے ضیاع پر اظہار افسوس کرتے ہوئے متعلقہ اداروں کو اس قسم کے واقعات کے تدارک اور روک تھام کے لئے اپنی استعداد بڑھانے کی ہدایت کی ہے۔ بدھ کو وزیراعظم آفس کے میڈیا ونگ سے جاری بیان کے مطابق وزیراعظم محمد شہباز شریف سے گورنر خیبر پختونخوا فیصل کریم کنڈی نے ملاقات کی۔ گورنر خیبر پختونخوا نے وزیراعظم کو دریائے سوات میں پیش آنے والے افسوسناک واقعے کے حوالے سے بریفنگ دی۔ وزیر اعظم نے قیمتی جانوں کے ضیاع پر افسوس کا اظہار کیا اور متعلقہ اداروں کو اس قسم کے واقعات کے تدارک اور روک تھام کے لئے اپنی استعداد بڑھانے کی ہدایت کی۔ دریں اثناء گورنر خیبر پی کے فیصل کریم کنڈی نے کہا ہے کہ صوبے میں جے یو آئی اپوزیشن کا حصہ ہے۔ بات چیت ہوتی رہتی ہے۔ وزیراعظم سے ملاقات میں امن و امان اور بجلی کی لوڈشیڈنگ سے متعلق بات ہوئی۔ وزیراعظم سے مخصوص نشستوں سے متعلق صورتحال پر بات چیت ہوئی۔ پی ٹی آئی حکومت کیخلاف ہمیں سازشوں کی ضرورت نہیں‘ یہ خود کافی ہیں۔ خیبر پی کے اپوزیشن دیکھے گی جب نمبرز پورے ہوں گے عدم اعتماد کی تحریک لائے گی۔ نوائے وقت رپورٹ کے مطابق گورنر فیصل کنڈی نے وزیر اعظم سے خیبر پی کے اسمبلی میں پارٹی پوزیشن پر تبادلہ خیال کیا۔علاوہ ازیں خیبر پختونخوا اسمبلی میں مخصوص نشستوں پر ممبران کی بحالی کے بعد اپوزیشن کی تعداد بڑھ گئی جس سے ایوان میں نمبر گیم بھی تبدیل ہو گیا۔ 21 خواتین اور 14 اقلیتی امیدواروں کا اعلامیہ جاری کر دیا گیا۔ اپوزیشن ارکان کی تعداد 52 ہو گئی۔ جمعیت علمائے اسلام (ف) 19 نشستوں کے ساتھ خیبرپختونخوا اسمبلی میں اپوزیشن کی سب سے بڑی جماعت بن گئی، جے یو آئی (ف) کی 8 خواتین اور 2 اقلیتی نشستیں بحال ہوگئیں۔ دوسری جانب، مسلم لیگ (ن) کی صوبائی اسمبلی میں 6 خواتین اور ایک اقلیتی نشست بحال ہونے کے بعد ایوان میں تعداد 16 ہوگئی۔ علاوہ ازیں، پاکستان پیپلزپارٹی کی 5 خواتین اور ایک اقلیتی نشست بحال ہونے کے بعد تعداد 11 ہوگئی جبکہ عوامی نیشنل پارٹی (اے این پی) اور پاکستان تحریک انصاف پارلیمنٹیرین (پی ٹی آئی پی) کی ایک، ایک خواتین کی مخصوص نشست بحال ہوئی۔ ادھر، پاکستان تحریک انصاف (پی ٹی آئی) کی صوبائی اسمبلی میں کل 94 نشستیں ہیں جن میں سے ایک سنی اتحاد کونسل کی ہے۔ ان 94 میں 35 امیدوار بالکل آزاد ہیں جن میں خود وزیر اعلیٰ علی امین گنڈا پور بھی شامل ہے، باقی ارکان نے بیان حلفی جمع کرایا تھا مگر الیکشن کے بعد پارٹی چننے کے لیے 3 دن کا وقت گزر چکا تھا۔
کیا فیشن ڈیزائنر دیپک پروانی پاکستان کے امیر ترین ہندو ہیں؟