بجلی کا بل ٹھیک کرانے آئی خاتون پر سیکیورٹی گارڈ کا تشدد، گھسیٹ کر باہر نکال دیا
اشاعت کی تاریخ: 2nd, July 2025 GMT
پنجاب کے شہر شیخوپورہ میں بجلی کا بل ٹھیک کرانے کے لیے آنے والی بزرگ خاتون پر لیسکو آفس میں سیکیورٹی گارڈ نے بدترین تشدد کیا جس کی ویڈیو سوشل میڈیا پر وائرل ہو رہی ہے۔
وائرل ویڈیو میں دیکھا جا سکتا ہے کہ بل درست کرانے آئی خاتون منت سماجت کرتی رہی لیکن سیکیورٹی گارڈ نے ایک نہ سنی اور خاتون کو گھسیٹ کر گیٹ سے باہر نکال دیا۔
????ظلم کی انتہا۔ شیخوپورہ واپڈا آفس میں بزرگ خاتون کے ساتھ سکیورٹی کارڈ کا انسانیت سوز سلوک۔ بل زیادہ انے پر اور اسے درست کروانے آئی خاتون کو گھسیٹ کر گیٹ سے باہر نکال دیا۔ وہاں بیٹے شخص نے سکیورٹی گارڈ کو حکم دیا کہ اسکو باہر نکالو۔
خاتون منت سماجت کرتی رہی، مگر اس ملک میں ہر… pic.
— Mehwish Qamas Khan (@MehwishQamas) July 1, 2025
واقعے کی ویڈیو سوشل میڈیا پر بھی وائرل ہوئی تو صارفین کی جانب سے شدید غم و غصے کا اظہار کیا گیا، صارفین کا کہنا تھا کہ اس ملک میں ہر جگہ ظالم لوگ ہیں۔ ایک صارف نے لکھا کہ ساتھ کھڑے لوگ بےحسی سے دیکھ رہے ہیں اور کوئی روک تک نہیں رہا۔
اس پورے معاشرے کو ڈوب مرنا چاہیے جہاں یہ سب اور یوں ہوتا ہے????
اندازہ کریں ساتھ کھڑے لوگ بےحسی سے دیکھ رہے ہیں کوئ روک تک نہیں رہا
— Mohsin Raza Bhutta (@Excellence006) July 1, 2025
سعدیہ نامی صارف نے لکھا کہ اس بزرگ عورت کو انصاف چاہیے، ان کو وہ عزت دی جائے جو ہر عورت کا حق ہے۔ انہوں نے مزید کہا کہ واقعہ میں ملوث سیکورٹی گارڈ اور افسران کو سزا دی جائے تاکہ دوبار ایسا واقع پیش نہ آئے۔
@hinaparvezbutt @MaryamNSharif
اس بزرگ عورت کو انصاف چاہیے اور وہ عزت دی جائے جو ہر عورت ماں بہن کا حق ہے
اور سیکورٹی گارڈ اور افسران کو سز دی جائے جو دوبار آسیا واقع نہ ہو https://t.co/ZvfI72keX6
— Sayth Sadia Sumbal Ansari (@SadiaAn23996396) July 1, 2025
فاحد علی لکھتے ہیں کہ یہ انتہائی گھٹیا حرکت ہے۔ اس کے کرداروں کو سخت سزا ملنی چاہیے۔
یہ نظام کب بدلے گا؟
یہ انتہائی گھٹیا حرکت ہے۔ اس کے کرداروں کو سخت سزا ملنی چاہیے۔ ????????????
— Fahad Ali (@FahadAli64391) July 2, 2025
ایک ایکس صارف نے مطالبہ کیا کہ اس سیکیورٹی گارڈ کو نوکری سے فارغ کر کے قانون کے مطابق سزا دی جائے۔
اس سیکیورٹی گارڈ کو پہلی فرصت میں نوکری سے فارغ کر کے اور اس کو قانون کے مطابق سزا دی جائے
— Majid_Ali_Mughal ???? (@MajidMughal01) July 1, 2025
علی مغل نے لکھا کہ یہ مریم نواز کا پنجاب ہے۔
Bilkul ya Maryam ka Panjab ha Yaha easy hi chly ga https://t.co/0HCQ3xrJRC
— AliMughal (@AliMughal2575) July 2, 2025
ذرائع کے مطابق واقعے کی ویڈیو سوشل میڈیا پر وائرل ہونے کے بعد ایس ای واپڈا نے سیکیورٹی گارڈ کے خلاف انکوائری کا حکم دے دیا ہے اور کہا ہے کہ کسی کے ساتھ بھی ایسا ناروا سلوک قبول نہیں۔ جبکہ ڈی پی او کے نوٹس پر سیکیورٹی گارڈ کو گرفتار کرکے مقدمہ درج کرلیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجلی کا بل پنجاب شیخو پورہ لیسکو آفس ویڈیو وائرل
ذریعہ
ذریعہ: WE News
کلیدی لفظ: بجلی کا بل شیخو پورہ لیسکو آفس ویڈیو وائرل سیکیورٹی گارڈ گارڈ کو
پڑھیں:
گوگل کا نیا سیکیورٹی فیچر، کیا اب پاس ورڈ کی ضرورت ہی نہیں رہے گی؟
گوگل نے صارفین کی آن لائن سیکیورٹی مزید مضبوط بنانے کے لیے سیلفی ویڈیو پر مبنی نئی بایومیٹرک شناختی سہولت متعارف کرا دی ہے جس کے ذریعے اہل صارفین پاس ورڈ یا ریکوری ڈیوائس دستیاب نہ ہونے کی صورت میں اپنے اکاؤنٹس تک دوبارہ رسائی حاصل کر سکیں گے۔
کمپنی کے مطابق نیا فیچر بنیادی طور پر اکاؤنٹ ریکوری کے لیے تیار کیا گیا ہے۔ صارفین ابتدائی مرحلے میں اسکرین پر دی گئی ہدایات کے مطابق ایک مختصر سیلفی ویڈیو ریکارڈ کریں گے جس میں مختلف زاویوں سے چہرہ دکھانا ہوگا تاکہ شناخت محفوظ کی جا سکے۔
یہ بھی پڑھیں: گوگل پلے کی نئی پالیسی، متبادل ایپ مارکیٹس کو راستہ مل گیا
اگر بعد میں صارف اپنا پاس ورڈ بھول جائے، فون گم ہو جائے یا ٹو فیکٹر آتھنٹیکیشن استعمال نہ کر سکے تو وہ نئی سیلفی ویڈیو ریکارڈ کر کے اپنی شناخت کی تصدیق کرا سکے گا۔
گوگل کا سیکیورٹی سسٹم نئی ویڈیو کا پہلے سے محفوظ ویڈیو سے موازنہ کرے گا اور جدید لائیونیس چیک اور اینٹی اسپوفنگ ٹیکنالوجی کی مدد سے اس بات کی تصدیق کرے گا کہ سامنے حقیقی شخص موجود ہے، نہ کہ تصویر، ریکارڈ شدہ ویڈیو یا مصنوعی ذہانت (AI) سے تیار کردہ ڈیپ فیک۔
یہ بھی پڑھیں: راستوں کی تلاش کے بعد گوگل میپس میں کھانا منگوانے کا فیچر متعارف کرائے جانے کی تیاریاں
گوگل کا کہنا ہے کہ یہ سہولت روزمرہ لاگ اِن کے لیے نہیں بلکہ صرف اکاؤنٹ ریکوری کے دوران استعمال کی جائے گی۔ کمپنی اس سے قبل پاس کیز (Passkeys)، سیکیورٹی کیز اور ٹو فیکٹر آتھنٹیکیشن جیسے متبادل طریقے بھی متعارف کرا چکی ہے تاکہ روایتی پاس ورڈز پر انحصار کم کیا جا سکے۔
پرائیویسی سے متعلق خدشات کے جواب میں گوگل نے کہا ہے کہ صارفین کی سیلفی ویڈیوز مکمل طور پر انکرپٹڈ انداز میں محفوظ کی جائیں گی، ان پر صارف کا مکمل اختیار ہوگا اور وہ کسی بھی وقت انہیں حذف کر سکیں گے۔ کمپنی کے مطابق یہ ویڈیوز صرف شناخت کی تصدیق کے لیے استعمال ہوں گی جب تک کہ صارف کسی اضافی استعمال کی اجازت نہ دے۔
یہ بھی پڑھیں: گوگل میپ کی ایک غلطی اور تاجر علی جمیل کے سفرِ آخرت کی کہانی
ماہرین کے مطابق گوگل کا یہ اقدام ٹیکنالوجی کی دنیا میں پاس ورڈ کے بغیر محفوظ لاگ اِن سسٹمز کی جانب بڑھتے ہوئے رجحان کا حصہ ہے۔ اس سے قبل ایپل، مائیکروسافٹ سمیت متعدد بینک، ایئرلائنز اور سرکاری ادارے بھی بایومیٹرک شناختی نظام اپنا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گوگل گوگل پاسپورڈ
پاکستان نے ورلڈ کپ 2028 کیلیے براہ راست کوالیفائی کر لیا