مریم نواز مری سے واپسی پر فیلڈ اسپتال دیکھ کر رک گئیں، سہولیات کا جائزہ
اشاعت کی تاریخ: 2nd, July 2025 GMT
وزیراعلیٰ پنجاب مریم نواز شریف نے مری سے واپسی کے دوران ایکسپریس وے پر مغل آباد کے قریب قائم فیلڈ اسپتال کا اچانک دورہ کیا۔
وزیراعلیٰ کے قافلے نے فیلڈ اسپتال دیکھ کر وہیں رکنے کا فیصلہ کیا، جہاں انہوں نے اسپتال میں دستیاب طبی سہولیات کا تفصیلی جائزہ لیا۔
وزیراعلیٰ مریم نواز نے فیلڈ اسپتال میں تعینات ڈاکٹرز اور طبی عملے سے گفتگو کی اور اسپتال کی ورکنگ کے بارے میں تفصیلات حاصل کیں۔ اس موقع پر انہوں نے وہاں موجود مریضوں اور ان کے اہل خانہ سے بھی بات چیت کی اور طبی سہولتوں کے حوالے سے ان کے تاثرات سنے۔
مریم نواز مری سے واپس آرہی تھی،اچانک راستے میں فیلڈ ہسپتال دیکھا جہاں خواتین کی بڑی تعداد مفت علاج کی سہولت حاصل کررہی تھیں،خواتین نے فیلڈ ہسپتال پر مریم نواز کا شکریہ ادا کیا۔مریم نواز کا اظہار تشکر۔ pic.
— Saif Awan (@saifullahawan40) July 2, 2025
مریضوں اور شہریوں نے وزیراعلیٰ کو بتایا کہ فیلڈ اسپتال جیسے اقدام سے خاص طور پر ضعیف افراد اور دور دراز علاقوں کے مکینوں کو علاج کی سہولت ان کی دہلیز پر مل رہی ہے۔ ایک مریض نے کہاکہ کبھی سوچا بھی نہیں تھا کہ دشوار گزار راستوں سے گزرے بغیر علاج کی سہولتیں گھر کے قریب ملیں گی۔
وزیراعلیٰ مریم نواز نے طبی ٹیسٹ اور ادویات کی مفت فراہمی سے متعلق بھی دریافت کیا اور شہریوں کی جانب سے مثبت رائے پر اظہارِ اطمینان کیا۔ انہوں نے کہاکہ عوام کی سہولت کے لیے اب فیلڈ اسپتال خود چل کر ان کی دہلیز تک پہنچ چکا ہے۔
انہوں نے بتایا کہ اللہ تعالیٰ کے فضل سے اب تک فیلڈ اسپتال اور ’کلینک آن ویل‘ منصوبے سے سوا کروڑ سے زیادہ مریض مستفید ہوچکے ہیں۔ ان کا کہنا تھا کہ انسانیت کی خدمت ہی مسلم لیگ (ن) کا ہمیشہ سے منشور رہا ہے اور ان سہولتوں کے دائرہ کار کو مزید وسعت دی جائے گی۔
وزیراعلیٰ نے کہا کہ صحت کی سہولت عوام کا بنیادی حق ہے اور حکومت اپنی عوامی ذمہ داریاں بھرپور طریقے سے پوری کرے گی۔
مریم نواز شریف کی اچانک آمد کی خبر ملتے ہی سینکڑوں شہری سڑک کے اطراف میں جمع ہوگئے اور ان کا پُرجوش استقبال کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews رک گئیں سہولیات کا جائزہ فیلڈ اسپتال مریم نواز وزیراعلٰی پنجاب وی نیوزذریعہ: WE News
کلیدی لفظ: سہولیات کا جائزہ مریم نواز وی نیوز مریم نواز انہوں نے کی سہولت
پڑھیں:
وزیر اعلی مریم نواز کا ایک اور اعزاز،اپنی چھت، اپنا گھر پراجیکٹ میں 50ہزارسے زائد گھروں کاہدف مکمل
وزیراعلیٰ پنجاب مریم نواز نے ایک اور اعزاز اپنے نام کر لیا ۔ صوبہ پنجاب میں وزیراعلی کے ویژن کے تحت شروع کیا گیا اپنی چھت، اپنا گھر پراجیکٹ تیزی اور کامیابی سے اپنے اختتام کی طرف کی جانب گامزن ہے۔ صرف جون کے مہینے میں 50 ہزار سے زائد گھروں کا ہدف مکمل کر لیا گیا، جبکہ مجموعی طور پر 51,911 سے زائد افراد کو مکان بنانے کے لیے قرضے جاری کیے جا چکے ہیں۔ پنجاب حکومت کے مطابق مختصر عرصے میں 57 ارب 90 کروڑ روپے کے بلاسود یا آسان اقساط پر قرضے جاری کیے گئے ہیں، جن کی مدد سے ہزاروں خاندانوں نے ذاتی گھر کی تعمیر کا خواب پورا کیا۔ اب تک 5,293 گھروں کی تعمیر مکمل ہو چکی ہے اور یہ مکانات باقاعدہ آباد ہو چکے ہیں۔ وزیراعلیٰ مریم نواز نے پراجیکٹ کی پیشرفت پر اظہارِ اطمینان کرتے ہوئے کہا کہ یہ اسکیم عوام کے لیے آسانی اور سہولت پیدا کرنے کے لیے ہے، اور قرضے سیاسی وابستگی سے بالاتر ہو کر شفاف انداز میں دیے جا رہے ہیں۔
لائی چھنگ دہ کی جانب سے بین الاقوامی قانون کے اختیار کو چیلنج کرنا ناکام ہوگا، چینی میڈیا