ہماری حکومت گر گئی تو سیاست چھوڑ دوں گا، علی امین گنڈاپورکاکھلاچیلنج
اشاعت کی تاریخ: 2nd, July 2025 GMT
اسلام آباد: وزیر اعلیٰ خیبر پختونخوا علی امین گنڈاپور نے کہا ہے کہ اگر ہماری حکومت گر گئی تو سیاست چھوڑ دوں گا۔
وزیر اعلیٰ خیبر پختونخوا علی امین گنڈاپور نے دیگر پاکستان تحریک انصاف (پی ٹی آئی) رہنماؤں کے ہمراہ پریس کانفرنس کرتے ہوئے کہا کہ میں 9 مئی سے پہلے گرفتار ہوا تھا۔ اور مجھے گرفتار کر کے بانی پی ٹی آئی عمران خان کے خلاف بیان دلوانے کی کوشش کی گئی۔
انہوں نے کہا کہ اپنے حقوق کے لیے ہماری جدوجہد جاری رہے گی۔ ہماری مخصوص نشستیں دوسری جماعتوں کو دے دی گئیں۔ تاہم پی ٹی آئی میں دراڑ پیدا کرنا مخالفین کی بھول ہے۔
علی امین گنڈاپور نے کہا کہ بانی سے بجٹ پر ملاقات نہ کرانا سازش تھی۔ اور میں ان کی سازش جان چکا تھا۔ اس لیے میں نے اسٹینڈ لیا۔ اگر ہماری حکومت گر گئی تو سیاست چھوڑ دوں گا۔
انہوں نے کہا کہ خیبر پختونخوا میں گورنر راج لگانا ہے تو لگا کر دیکھیں۔ آئینی طریقے سے ہماری حکومت کو نہیں گرایا جاسکتا۔ ہماری حکومت اور اختیار سب بانی پی ٹی آئی کے پاس ہے۔ اور بانی پی ٹی آئی جب چاہیں حکومت گرانے کا حکم دے دیں۔ چیلنج کرتا ہوں کسی میں دم ہے تو میری حکومت گرا کر دکھائے۔
وزیر اعلیٰ خیبر پختونخوا نے کہا کہ ہم نے کبھی کسی کو نہیں کہا کہ عدم اعتماد نہ لائیں۔ خیبر پختونخوا نے ڈھائی سو ارب روپے کا سرپلس دیا ہے۔ اور جب حکومت سنبھالی تو صحت کارڈ کو بحال کیا۔ جبکہ خیبرپختونخوا میں اس بجٹ میں کوئی ٹیکس نہیں لگایا گیا۔ سانحے اللہ کی طرف سے ہوتے ہیں۔
انہوں نے کہا کہ خیبر پختونخوا میں ہونے والی دہشت گردی کا تعلق افغانستان سے ہے۔ اور وفاق میں پی ٹی آئی کی حکومت جانے کے بعد خیبرپختونخوا میں دہشتگردی بڑھی۔ افغانستان سے کیسے دہشتگرد خیبرپختونخوا میں آ رہے ہیں۔ ہم آخری دہشتگرد کے خاتمے تک جنگ جاری رکھیں گے۔
ذریعہ: Daily Mumtaz
کلیدی لفظ: خیبر پختونخوا پختونخوا میں ہماری حکومت پی ٹی ا ئی نے کہا کہ علی امین
پڑھیں:
سندھ کی تقسیم مشکل ہی نہیں ناممکن ہے،سندھ حکومت
سندھ کوئی کیک نہیں ہے کہ اس کو بانٹ دیا جائے، نفرت کی سیات بند کریں،مچھلی پانی کے بغیر اور ایم کیو ایم اقتدار کے بغیر نہیں رہ سکتی،ان کی سیاست ختم ہوچکی ہے،شرجیل میمن کامیڈیا ٹاک پر ردعمل
سندھ کے سینئر وزیر شرجیل انعام میمن نے کہا ہے کہ سندھ کی تقسیم مشکل ہی نہیں ناممکن ہے۔مصطفیٰ کمال کی میڈیا ٹاک پر ردعمل میں شرجیل میمن نے کہا کہ آج ایم کیو ایم کے وفاقی وزیر نے بغیر ہوم ورک کے پریس کانفرنس کی۔انہوں نے کہا کہ یہ جن بلدیاتی انتخابات کا ذکر کررہے ہیں، انہوں نے زمینی حقائق دیکھ کر بائیکاٹ کیا، انہیں پتا تھا بلدیاتی انتخاب لڑیں گے تو شکست ہوگی۔سندھ کے سینئر وزیر نے مزید کہا کہ سندھ کی تقسیم مشکل نہیں ناممکن ہے، سندھ کوئی کیک نہیں ہے کہ اس کو بانٹ دیا جائے۔اُن کا کہنا تھا کہ ایم کیو ایم چاہتی ہے کہ ہم جذباتی جواب دیں اور وہ سیاست کریں، وہ ہر وقت اقتدار میں رہنا چاہتے ہیں، ایم کیو ایم کی سیاست ختم ہوچکی۔شرجیل میمن نے یہ بھی کہا کہ ایم کیو ایم چاہتی ہے، ان کی بات کا جواب دیا جائے، وہ کہتے ہیں ان کی بات ایک کان سے سنو دوسرے سے نکال دو۔انہوں نے کہا کہ چیٔرمین بلاول بھٹو کے ٹوئٹ میں بلدیاتی اداروں کا معاملہ تھا ہی نہیں، نفرت کی سیات بند کریں، ایم کیو ایم اپنی مردہ سیاست میں جان ڈالنا چاہتی ہے۔سندھ کے سینئر وزیر نے کہا کہ 27ویں ترمیم میں بہت سے نکات تھے جن کو پیپلز پارٹی نے قبول نہیں کیا، مچھلی پانی کے بغیر اور ایم کیو ایم اقتدار کے بغیر نہیں رہ سکتی۔
پنجاب بھر کی عدالتوں میں سیکیورٹی انتظامات مزید سخت