بائیو میٹرک تصدیق لازمی مگر، ایزی پیسا نے اکاؤنٹ بند ہونے کی افواہوں پر وضاحت کردی
اشاعت کی تاریخ: 2nd, July 2025 GMT
ایزی پیسا نے اسٹیٹ بینک آف پاکستان کی ہدایات کے تحت یکم جولائی 2025 سے نقد ٹرانزیکشنز (کیش جمع کرانے یا نکلوانے) کے لیے بائیو میٹرک تصدیق لازمی قرار دے دی۔
ایزی پیسا کے ترجمان کے مطابق اس اقدام کا بنیادی مقصد صارفین کے مالیاتی ڈیٹا کی سیکیورٹی کو مزید بہتر بنانا ہے۔ ترجمان نے واضح کیا کہ سوشل میڈیا پر بائیومیٹرک تصدیق سے متعلق پھیلائی جانے والی افواہیں بے بنیاد ہیں۔
ترجمان نے کہاکہ بائیومیٹرک تصدیق کے عمل سے نہ تو کسی صارف کا اکاؤنٹ بلاک ہوگا اور نہ ہی آن لائن ٹرانزیکشنز میں کوئی رکاوٹ آئے گی۔ صارفین بدستور اپنی تمام ڈیجیٹل اور آن لائن ٹرانزیکشنز حسب معمول جاری رکھ سکیں گے۔ صرف نقد رقم کے لین دین کے لیے بائیومیٹرک تصدیق کی شرط لاگو ہوگی۔
ایزی پیسا نے یقین دہانی کروائی ہے کہ ان کے تمام ریٹیل ایجنٹس صارفین کی مکمل معاونت کریں گے تاکہ تصدیقی عمل آسان، تیز اور شفاف بنایا جا سکے۔
ترجمان کا مزید کہنا تھا کہ یہ اقدام مالی دھوکہ دہی، شناخت کی چوری جیسے جرائم کی روک تھام میں اہم سنگ میل ثابت ہوگا اور ملک میں ڈیجیٹل بینکاری کے نظام میں صارفین کے اعتماد اور شفافیت کو فروغ دے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایزی پیسا بائیومیٹرک تصدیق ڈیجیٹل بینکنگ وضاحت وی نیوز.
ذریعہ
ذریعہ: WE News
کلیدی لفظ: ایزی پیسا بائیومیٹرک تصدیق ڈیجیٹل بینکنگ وی نیوز بائیومیٹرک تصدیق ایزی پیسا
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا