کمپٹیشن کمیشن نے فارماسیوٹیکل سیکٹر میں ممنوعہ معاہدے پر 2 کمپنیوں کو جرمانہ عائد کردیا
اشاعت کی تاریخ: 2nd, July 2025 GMT
کمپٹیشن کمیشن آف پاکستان (سی سی پی) نے یونائیٹڈ ڈسٹری بیوٹرز پاکستان لمیٹڈ اور انٹرنیشنل برانڈز (پرائیویٹ) لمیٹڈ کو کمپٹیشن ایکٹ کے سیکشن 4 کی خلاف ورزی کرتے ہوئے ممنوعہ معاہدہ اور اس پر عملدرآمد کرنے پر مجموعی طور پر 4 کروڑ 20 لاکھ روپے جرمانہ عائد کیا ہے۔
کمیشن نے اپنے تفصیلی فیصلے میں دونوں کمپنیوں کو ممنوعہ معاہدے کرنے پر قصوروار قرار دیا۔ اس معاہدے کے تحت یونائیٹڈ ڈسٹری بیوٹرز کو تین سال تک پاکستان میں انسانی استعمال کی فارماسیوٹیکل مصنوعات کی ڈسٹری بیوشن کی مارکیٹ میں داخلے سے روکا گیا۔ اس کے بدلے میں انٹرنیشنل برانڈز نے یونائیٹڈ ڈسٹری بیوٹرز کو کو ایک ارب 13 کروڑ روپے سے زائد کی رقم بطور معاوضہ ادا کی۔ یونائیٹڈ ڈسٹری بیوٹرز نے کمپٹیشن کمیشن کی منظوری کے بغیر پاکستان اسٹاک ایکسچینج میں اس معاہدے کا اعلان بھی کیا ۔
کمپٹیشن کمیشن نے اپنے فیصلے میں کہا ہے کہ مذکورہ معاہدہ قانون کی واضح خلاف ورزی ہے، اس معاہدے کے ذریعے غیرقانونی مارکیٹ شیئرنگ کا بندوبست کیا گیا جس سے مارکیٹ میں منصفانہ مقابلے کی فضا کو نقصان پہنچا۔ حکم نامے میں مزید کہا گیا ہے کہ اس طرح کا طرز عمل مارکیٹ میں کمپٹیشن کو کمزور کرتا ہے اور صارفین کے مفاد کو نقصان پہنچاتا ہے۔ اس معاہدے میں ایک ایسی شق بھی شامل تھی جس میں کہا گیا تھا کہ کمپٹیشن کمیشن سے ریگولیٹری استثنیٰ کی درخواست کی جائے گی، تاہم فریقین کی جانب سے جون 2024 میں شوکاز نوٹس جاری ہونے تک ایسی کوئی بھی درخواست کمیشن کو جمع نہیں کرائی گئی۔ کمیشن نے قرار دیا ہے کہ مذکورہ شق قانون کی خلاف ورزی سے بچے رہنے کے لیے ناکافی ہے۔
کمپٹیشن ایکٹ کی خلاف ورزی کرنے پر یونائیٹڈ ڈسٹری بیوٹرز اور انٹرنیشنل برانڈز پر دو، دو کروڑ روپے کا جرمانہ عائد کیا گیا ہے۔ جبکہ ریگولیٹری کلیئرنس کے بغیر پاکستان اسٹاک ایکسچینج میں معاہدے کا اعلان کرنے پر یونائیٹڈ ڈسٹری بیوٹرز کو 10 لاکھ روپے اضافی جرمانہ کیا گیا ہے۔
کمیشن کے فیصلے میں کمپنیوں کو تیس دن کے اندر تعمیل کی رپورٹ جمع کرانے کی ہدایت کی گئی ہے ۔ مزید برآں، کمیشن نے مزید ریگولیٹری و قانونی کارروائی کے لیے اس معاملے کو سیکیورٹیز اینڈ ایکسچینج کمیشن آف پاکستان اور پاکستان اسٹاک ایکسچینج کو بھی بھجوا دیا ہے۔
اشتہار
.ذریعہ: Al Qamar Online
کلیدی لفظ: کمپٹیشن کمیشن خلاف ورزی اس معاہدے
پڑھیں:
نئی دہلی میں پاکستانی ہائی کمشن میں یوم آزادی کی تقریب، پرچم کشائی کی گئی
پاکستان ہائی کمیشن نئی دہلی کے ناظم الامور کا کہنا تھا کہ قائداعظم محمد علی جناح کی متحرک قیادت میں برصغیر کے مسلمانوں نے آزاد وطن کی تخلیق کے لئے تاریخ کا دھارا بدل کر رکھ دیا، آزادی ایک عظیم نعمت اور خداوند کریم کا انمول تحفہ ہے، اور آزادی ہمہ وقت دفاع کرنا ضروری ہے۔ اسلام ٹائمز۔ پاکستان ہائی کمیشن نئی دہلی کے زیر اہتمام پاکستان کی آزادی کی 78ویں سالگرہ منائی گئی، ناظم الامور سعد احمد وڑائچ نے پرچم کشائی کی۔ نئی دہلی میں پاکستانی ہائی کمیشن کے زہراہتمام پاکستان کی آزادی کی 78ویں سالگرہ منائی گئی، بھارت میں پاکستان کے ناظم الامور سعد احمد وڑآئچ نے ایک پروقار تقریب میں ہائی کمیشن کے چانسری لان میں قومی پرچم لہرایا۔
تقریب میں صدر پاکستان، وزیراعظم اور نائب وزیر اعظم و وزیر خارجہ کے پیغامات پڑھ کر سنائے گئے، جبکہ ناظم الامور سعد احمد وڑائچ نے آزادی کی عظیم جدوجہد کو خراج عقیدت پیش کیا۔ انہوں نے کہا کہ قائداعظم محمد علی جناح کی متحرک قیادت میں برصغیر کے مسلمانوں نے آزاد وطن کی تخلیق کے لئے تاریخ کا دھارا بدل کر رکھ دیا، آزادی ایک عظیم نعمت اور خداوند کریم کا انمول تحفہ ہے، اور آزادی ہمہ وقت دفاع کرنا ضروری ہے۔ یوم آزادی کی تقریب میں ہائی کمیشن کے افسران، عملے اور ان کے اہل خانہ نے شرکت کی۔
طبیعت ناساز، چیف جسٹس سپریم کورٹ کا اسلام آباد میں میڈیکل چیک اپ