حیدرآباد :حالی روڈ سے امریکن کوارٹڑ تک بچائی گئی سیوریج لائن ناکارہ
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سچل سرمست ٹائون لطیف آباد کے علاقہ حالی روڈ سے امریکن کوارٹرز تک بچھائی گئی زیر زمین سیوریج کی لائن واٹر اینڈ سیوریج کارپوریشن حکام کی لاپرواہی اور غفلت کے باعث ناکارہ ہو چکی ہے اورحالیہ ہونے والی بارشوں کے بعد مذکورہ سیوریج لائن بند ہونے کے بعد گٹروں سے گند اپانی باہر نکل کرمرکزی سڑک اور گلی محلوں میں جمع ہو رہا ہے جبکہ محرم الحرام میں بھی نکاسی آب کے مسائل پر کوئی توجہ نہیں ہے اور اسی طرح دیگر مذہبی تہواروں پر بھی مذکورہ سیوریج لائن کی صفائی پر کوئی توجہ نہیں دی جا رہی ہے، امریکن کوارٹر زاور اس سے ملحقہ علاقوں کے آمد ورفت کیلئے یہ واحد سڑک ہے اور اس سڑک کے زیر زمین بند ہونے والی سیوریج لائن کو واسا کا عملہ کھولنے میں ناکام رہاہے اور عارضی طور پر سیوریج لائن کھول دی جاتی ہے اور اس کے دوسرے روز ہی دوبارہ گندا پانی جمع ہوجاتا ہے اور اب بھی مرکزی سڑک پر گذشتہ 15روز سے گندا پانی کھڑا ہے اور اس سڑک کے باالکل ساتھ ہی گورنمنٹ وزیر علی مڈل اسکول سمیت کئی اسکول اور کلینکس بھی ہیں لیکن علاقہ مکینوں کی شکایات کے باوجود واسا حکام سمیت دیگر متعلقہ اداروں کے سربراہان اور علاقہ سے منتخب ہونے والے بلدیاتی نمائندوںنے بھی خاموشی اختیار کررکھی ہے جبکہ پانی جمع ہونے سبب حالیہ تعمیر ہونے والا سی سی روڈبھی جگہ جگہ سے ٹوٹ پھوٹ کا شکار ہے۔مذکورہ زیر زمین سیوریج کی لائن بند ہونے کے حوالے سے معلوم ہوا ہے کہ اس سیوریج لائن نجی رہائشی اسکیموں کی سیوریج لائنیں بھی اس لائن میں شامل کردی ہیں اور اس کے ساتھ ہی مذکور شاہراہ کے مین ہولز پر ڈھکن بھی نہیں ہیں اور پانی جمع ہونے کے بعد کھلے مین ہولز نظر نہیں آتے جس کی وجہ سے حادثات روز کا معمول بن گئے ہیں لیکن واسا حکام کی جانب سے گندے پانی کی نکاسی سمیت سیوریج کی بند لائن کھلوانے کے لئے کسی بھی طرح کے اقدامات نہیں کئے جارہے ہیں۔ امریکن کوارٹرز اور گلشن حالی کے مکینوں نے وزیر اعلیٰ سندھ اور وزیر بلدیات سمیت دیگر متعلقہ اداروں کے سربراہان سے اپیل کی ہے کہ اس معاملے کا نوٹس لے کرواسا کے افسران کے خلاف کاروائی کرکے علاقے میں جمع گندے پانی کی نکاسی کو یقینی بنایا جائے۔
.ذریعہ: Jasarat News
کلیدی لفظ: سیوریج لائن ہے اور اس
پڑھیں:
نئی گج ڈیم کیس: وفاقی آئینی عدالت نے درخواست کے قابلِ سماعت ہونے پر دلائل جاری
وفاقی آئینی عدالت میں نئی گج ڈیم کیس کی سماعت کے دوران نجی کمپنی کے وکیل مسعود خان نے مؤقف اختیار کیا کہ کیس سے متعلق 3 تحریری جوابات عدالت میں جمع کروائے جا چکے ہیں۔
چیف جسٹس امین الدین خان کی سربراہی میں آئینی عدالت کے 2 رکنی بینچ نے کیس کی سماعت کی۔
انہوں نے بتایا کہ اس سے قبل سندھ ہائیکورٹ کے 2 ججز نے اس حوالے سے حکم جاری کیا تھا، تاہم وفاقی آئینی عدالت میں یہ مقدمہ اب تک قابلِ سماعت قرار نہیں دیا گیا۔
یہ بھی پڑھیں: سپریم کورٹ نے وفاقی حکومت سے نئی گچ ڈیم منصوبے کی لاگت پر رپورٹ طلب کرلی
سماعت کے دوران چیف جسٹس امین الدین خان نے ریمارکس دیے کہ آئین میں ایسا کوئی اصول یا پابندی موجود نہیں جو 2 ججز کا فیصلہ دوسرے 2 ججز کے نہ سننے سے متعلق ہو۔
انہوں نے کہا کہ یہ پابندی سپریم کورٹ رولز کا حصہ ہوا کرتی تھی، آئین کا نہیں۔
وکیل مسعود خان نے موقف اختیار کیا کہ 27ویں آئینی ترمیم کے مطابق اس نوعیت کی تمام درخواستیں وفاقی آئینی عدالت کو منتقل ہو جائیں گی۔
مزید پڑھیں:آئینی عدالتیں شاہی دربار نہیں، جو ججز کیسز نہیں سن سکتے گھر چلے جائیں: اعظم نذیر تارڑ
انہوں نے مزید کہا کہ ایف ون سی کے تحت بھی کیس کے میرٹ کا جائزہ لینے سے پہلے اس کی قابلِ سماعت ہونے یا نہ ہونے کا فیصلہ ضروری ہے۔
وکیل نے یہ مؤقف بھی اپنایا کہ ان کے نزدیک سپریم کورٹ کے قواعد ابھی بھی قابلِ عمل ہیں۔
عدالت نے وکیل کے اعتراضات اور دلائل سننے کے بعد کیس کی سماعت پیر تک ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس امین الدین خان سپریم کورٹ سپریم کورٹ رولز قابل سماعت نئی گج ڈیم کیس وفاقی آئینی عدالت
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ