ملک بھر میں مون سون بارشوں کا سلسلہ کب تک جاری رہے گا، الرٹ جاری
اشاعت کی تاریخ: 2nd, July 2025 GMT
اسلام آباد(نیوز ڈیسک)ملک بھر میں مون سون بارشوں میں اضافے کی پیشگوئی کردی گئی، خیبرپختونخوا، کشمیر اور گلگت بلتستان کے مختلف علاقوں میں موسلا دھار بارش کا امکان ہے۔
گلگت بلتستان میں 6 جولائی سے 10 جولائی تک بارش کی پیشگوئی کی گئی ہے، اسلام آباد اوربالائی علاقوں میں بھی 5 سے 10 جولائی تک بارشیں متوقع ہیں۔
بلوچستان کے متعدد علاقوں میں 6 سے 8 جولائی تک بارشوں کا امکان ہے جبکہ جنوبی پنجاب میں 3 سے 6 جولائی تک گرج چمک کے ساتھ بارش متوقع ہیں۔
مری، گلیات، سوات، کوہستان، کشمیر میں لینڈ سلائیڈنگ کا خطرہ ہے، بارشوں کے باعث درجہ حرارت میں واضح کمی کا امکان ہے جبکہ عوام، مسافروں اور سیاحوں کو احتیاطی تدابیر اختیار کرنے کی ہدایت کی گئی ہے۔
این ڈی ایم اے کا مختلف علاقوں کیلئے مون سون بارشوں کا الرٹ جاری
دوسری جانب این ڈی ایم اے نے 2 سے 8 جولائی 2025 کے دوران مختلف علاقوں کے لیے مون سون بارشوں اورممکنہ سیلاب کے حوالے سے الرٹ جاری کردیا۔
خیبرپختونخوا، آزاد کشمیر اور شمال مشرقی پنجاب میں 5 سے 8 جولائی کے دوران شدید بارشوں کا امکان ہے۔
دریائے کابل میں نوشہرہ کے مقام پر پانی کے بہاؤ میں اضافہ ہونے سے منسلکہ ندی نالوں میں طغیانی کا خدشہ ہے جبکہ تربیلا ڈیم میں پانی کے بہاؤ میں اضافے کے باعث نچلے درجے کی سیلابی صورتحال پید ا ہونے کا امکان ہے۔
گلگت بلتستان اور خیبرپختونخوا کے علاقوں میں گلیشائی جھیلیوں کے پھٹنے کے باعث سیلاب، لینڈ سلائیڈنگ سمیت نشیبی علاقوں میں سیلاب کا خطرہ ہے۔
لاہور، سیالکوٹ اور نارووال میں شہری سیلاب جبکہ ڈی جی خان اور راجن پور کے ہل ٹورنٹس میں پانی کے بہاؤ میں اضافہ متوقع ہے۔
لاہور، سیالکوٹ، گجرات اور نارووال کے نالوں بشمول ایک، دیگ، بیئن اور پلکھو میں پانی کے بہاؤ میں اضافہ متوقع ہے۔
این ڈی ایم اے نے متنبہ کیا ہے کہ بارش اور تیز ہواؤں کے دوران کمزور تعمیرات، کچی دیواروں، بجلی کے کھمبوں اوربل بورڈز سے دور رہیں، آندھی اور طوفان کے دوران حد نگاہ بھی کم ہو سکتی ہے جو حادثات کا باعث بنتی ہے لہذا محتاط رہیں، بارشوں کے باعث مقامی ندی نالوں میں پانی کے بہاؤ میں اچانک اضافہ ہو جاتا ہے لہذا محتاط رہیں۔
این ڈی ایم اے نے تمام متعلقہ اداروں کو ہدایات جاری کی ہیں کہ کسی بھی ممکنہ ہنگامی صورتحال سے نمٹنے کے لیے پیشگی اقدامات کو یقینی بنایا جائے۔
مزیدپڑھیں:شاہ محمود قریشی نے بانی پی ٹی آئی بارے بڑی بات کہہ دی
ذریعہ: Daily Ausaf
کلیدی لفظ: میں پانی کے بہاؤ میں ڈی ایم اے کا امکان ہے علاقوں میں بارشوں کا جولائی تک کے دوران کے باعث
پڑھیں:
ملک میں حالیہ بارشوں سے اموات کی مجموعی تعداد 63 ہوگئی
data-id="863a0a8" data-element_type="widget" data-widget_type="theme-post-content.default">
اسلام آباد: ملک کے مختلف حصوں میں جاری موسلادھار بارشوں اور سیلابی صورتحال کے نتیجے میں جاں بحق ہونے والوں کی تعداد 63 ہو گئی، جن میں بڑی تعداد بچوں اور خواتین کی ہے۔
نیشنل ڈیزاسٹر مینجمنٹ اتھارٹی (این ڈی ایم اے) کی جانب سے جاری کردہ رپورٹ کے مطابق 26 جون سے یکم جولائی کے دوران ہونے والے مختلف حادثات میں 30 بچے، 20 مرد اور 13 خواتین اپنی جان کی بازی ہار چکے ہیں جب کہ 113 افراد زخمی ہوئے۔
قدرتی آفات سے متاثرہ علاقوں میں مجموعی طور پر 56 مکانات مکمل طور پر منہدم ہو گئے، جب کہ 76 گھروں کو جزوی نقصان پہنچا، متاثرہ خاندان کھلے آسمان تلے زندگی گزارنے پر مجبور ہیں۔
دوسری جانب محکمہ موسمیات نے پیشگوئی کی ہے کہ شہر قائد میں 8 جولائی سے 11 جولائی کے درمیان معتدل درجے کی بارش کا امکان ہے، جس کے باعث موسم میں خوشگوار تبدیلی متوقع ہے۔
محکمہ موسمیات نے آئندہ چوبیس گھنٹوں کے دوران بھی ملک کے کئی علاقوں میں مزید بارشوں کی پیشگوئی کی ہے۔
محکمہ موسمیات کے مطابق خیبرپختونخوا کے مختلف اضلاع بشمول دیر، سوات، مالاکنڈ، کوہستان، باجوڑ، شانگلہ، بٹگرام، مانسہرہ، ایبٹ آباد، ہری پور اور کوہاٹ میں گرج چمک کے ساتھ بارش کا امکان ہے۔
پنجاب کے بیشتر اضلاع میں موسم گرم اور مرطوب رہے گا تاہم راولپنڈی، مری، گلیات، جہلم، گجرات، چکوال، اٹک، لاہور، سیالکوٹ، گوجرانوالہ، ساہیوال، پاکپتن، ڈیرہ غازی خان، بہاولپور اور بھکر میں بادل برسنے کی توقع ہے۔
سندھ اور بلوچستان میں موسم بدستور گرم اور نمی سے بھرپور رہے گا، البتہ موسیٰ خیل، بارکھان، خضدار، قلات اور مستونگ کے بعض مقامات پر بارش کا امکان ہے۔
ماہرین کا کہنا ہے کہ مون سون کا یہ سلسلہ آئندہ چند دنوں تک برقرار رہنے کا امکان ہے، جس سے ندی نالوں میں طغیانی اور شہری علاقوں میں اربن فلڈنگ کا خطرہ بھی بڑھ گیا ہے۔
احمد آباد میں رتھ یاترا کے دوران ہاتھی بے قابو، لوگوں میں خوف و ہراس