سورۃ الناس پڑھنا شروع کی تو جن فوراً بولا پڑھنا بند کرو، ثاقب سمیر نے خوفناک واقعہ سُنا دیا
اشاعت کی تاریخ: 3rd, July 2025 GMT
پاکستان شوبز کے اداکار ثاقب ثمیر نے اپنی زندگی کے سب سے خوفناک تجربے کا انکشاف کردیا۔
ایک حالیہ ٹی وی پروگرام میں گفتگو کرتے ہوئے اداکار ثاقب ثمیر نے بتایا کہ وہ ایک ایسی لڑکی کی مدد کر چکے ہیں جس پر جنات تھے۔ انہوں نے بتایا کہ وہ ان کی زندگی کا سب سے خوفناک لمحہ تھا جس کو وہ کبھی نہیں بھول سکتے۔
اداکار نے بتایا کہ وہ ایک گھر میں کرائے پر رہتے تھے جہاں ساتھ ہی کے ایک گھر میں دو لڑکیاں رہتی تھیں جن سے ان کی چھت پر ملاقات ہوئی وہ ساتھ وقت گزارنے لگے اور ان کی دوستی ہوگئی۔
ثاقب کے مطابق ایک دن چھت پر باتوں کے دوران ان لڑکیوں نے بتایا کہ ان میں سے ایک پر جنات کا سایہ ہے جس کی وجہ سے وہ بہت پریشان ہیں کیونکہ وہ جن کبھی بھی آجاتا ہے اور انہیں پریشانی کا سامنا کرنا پڑتا ہے کیونکہ وہ اکیلی رہتی ہیں۔
اداکار نے ان کی مدد کرنے کا ارادہ کیا اور انہیں کہا کہ اب کبھی جب ایسا ہو تو انہیں مدد کیلئے بُلا لیں۔ ثاقب ثمیر نے بتایا کہ ایک دن جب اس لڑکی پر جن آیا اور اسے دورے پڑنے لگے تو انہوں نے مدد طلب کی تاہم میں نے ان کے گھر جانا مناسب نہیں سمجھا کہ لوگ باتیں بنائیں گے بلکہ انہیں اپنے گھر بُلا لیا۔
انہوں نے مزید بتایا کہ جب اس لڑکی پر جنات نمودار ہوئے تو اس کے سارے بال اس کے چہرے پر بکھر گئے اور وہ عجیب آوازیں نکالنے لگی تب وہ بہت ڈر گئے اور دل ہی دل میں سورہ الناس پڑھنا شروع کردی، تاہم وہ تب حیران رہ گئے جب اس جن نے ان کی طرف دیکھتے ہوئے کہا کہ ’پڑھنا بند کرو‘۔
ثاقب ثمیر کا کہنا تھا کہ وہ لمحہ ان کے لئے سب سے خوفناک لمحہ تھا کیونکہ وہ تو دل ہی دل میں تلاوت کر رہے تھے مگر اس جن کو معلوم ہوگیا اور اس نے انہیں پڑھنے سے روک دیا تب وہ کپکپانے لگ گئے تاہم پھر بھی ان لڑکیوں کی مدد کی۔
.ذریعہ: Express News
کلیدی لفظ: نے بتایا کہ
پڑھیں:
لیبوبو، خوفناک گڑیا کا ٹرینڈ کس کی سازش ہے؟ مشی خان کا انکشاف
معروف پاکستانی اداکارہ و میزبان مشی خان نے حالیہ دنوں سوشل میڈیا پر شہرت حاصل کرنے والی گڑیا ’لیبوبو ڈول‘ کے ٹرینڈ پر تنقید کرتے ہوئے اسے ایک ’خوفناک شیطانی شے‘ قرار دیا۔
دنیا بھر میں مقبول ہونے والی یہ گڑیا اپنے عجیب و غریب نین نقش، نوکدار دانتوں اور جانور جیسے جسم کے باعث لوگوں کی توجہ کا مرکز بنی ہوئی ہے۔ اس کی خوفناک صورت کے باوجود خواتین اور شوبز شخصیات اسے فیشن کا حصہ بنا رہی ہیں، جن میں پاکستانی اداکارائیں سجل علی، مایا علی، اور ہانیہ عامر بھی شامل ہیں۔
مشی خان نے اس ٹرینڈ کو "بھیڑ چال" قرار دیتے ہوئے کہا کہ صرف اس لیے کہ یہ ٹرینڈ میں ہے، لوگ اسے مہنگے بیگز پر لگا کر اسے اپنے اسٹائل کا حصہ بنا رہے ہیں۔ انہوں نے خبردار کیا کہ اس طرح کی گڑیائیں منفی توانائیوں، جنات اور بدقسمتی کو دعوت دے سکتی ہیں۔
View this post on InstagramA post shared by Mishi Khan MK (@mishikhanofficial2)
اداکارہ کے مطابق یہ رجحان اُن قوتوں کی سازش ہے جو دنیا کو گمراہ کرنے کے درپے ہیں اور جن کا شیطانی مقصد واضح ہے۔
یاد رہے کہ لیبوبو ڈول چینی کمپنی ’پاپ مارٹ‘ بناتی ہے اور اس کی قیمت 7 ہزار سے 35 ہزار روپے تک ہے، جبکہ جعلی ورژنز بھی مارکیٹ میں دستیاب ہیں۔ ان دنوں یہ سوشل میڈیا پر ٹرینڈ کر رہی ہے جس کی وجہ سے اس کی قیمت میں اضافہ ہورہا ہے اور اس کو بنانے والی کمپنی ملین ڈالرز کا بزنس کر چکی ہے۔
سپریم کورٹ فیصلے کیخلاف اسمبلی،عوامی سطح پراحتجاج کریں گے( تحریک انصاف)