وہاب کا دل پھر گیند تھامنے کیلیے مچلنے لگا
اشاعت کی تاریخ: 3rd, July 2025 GMT
وہاب ریاض کا دل پھر گیند تھامنے کیلیے مچلنے لگا، پی سی بی کے ساتھ منسلک سابق پیسر ورلڈ چیمپیئن شپ آف لیجنڈز میں حصہ لیں گے، اس سے قبل انھیں پی ایس ایل میں بولنگ کوچ بننے کی اجازت نہیں ملی تھی، البتہ اب این او سی جاری کیے جانے کا امکان ہے۔
وہ مستقبل میں شاہینز کی کوچنگ میں دلچسپی رکھتے ہیں، سرفراز احمد کا نام بھی پاکستان چیمپئنز اسکواڈ میں شامل ہے۔
تفصیلات کے مطابق ویاب ریاض کافی عرصے سے مختلف حیثیتوں میں پاکستان کرکٹ بورڈ کے لیے کام کر رہے ہیں، انھیں چیمپیئنز کپ کے لیے منتخب شدہ پانچوں مینٹورز کا ’’باس‘‘ بھی بنایا گیا تھا، اب یہ پروجیکٹ ہی ختم ہو چکا، البتہ پی سی بی کی جانب سے واضح اشارے دیے جانے کے باوجود سوائے شعیب ملک کے کوئی مستعفی نہیں ہوا، دیگر مینٹورز مصباح الحق، سرفراز احمد، ثقلین مشتاق اور وقار یونس ہیں، 50 لاکھ روپے ماہانہ تنخواہ وصول کرنے والے مینٹورز کو برطرف کرنے پر بورڈ کو 3 ماہ کی تنخواہ ادا کرنا پڑے گی۔
وہاب ریاض کو انٹرنیشنل کرکٹ چھوڑے 5 برس ہو چکے، اب ان کا نام سابق کرکٹرز کی ورلڈ چیمپیئن شپ آف لیجنڈز کی ٹیم پاکستان چیمپیئنز میں شامل ہے، اس کے اونر وقار یونس کے ہم زلف کامل خان ہیں، وہاب کو پی ایس ایل 10میں کوئٹہ گلیڈی ایٹرز کا بولنگ کوچ بننے کی اجازت نہیں ملی تھی۔
البتہ ذرائع کا کہنا ہے کہ رواں ماہ انگلینڈ میں شیڈول ایونٹ کے لیے انھیں این او سی جاری کر دیا جائے گا، وہاب مستقبل میں پاکستان شاہینز کی کوچنگ کے بھی خواہاں ہیں، اسکلز کیمپ میں وہ بولرز کی ’’رہنمائی‘‘ کرتے نظر آئے تھے، سابق کپتان سرفراز احمد بھی لیجنڈز ایونٹ میں حصہ لیں گے۔
پی سی بی کا کہنا ہے کہ موجودہ کھلاڑیوں کی طرح سابق کرکٹرز کو بھی سال میں 2 لیگز کھیلنے کی اجازت ہے، البتہ اس دوران انھیں بورڈ کی جانب سے تنخواہ ادا نہیں کی جاتی، ورلڈ چیمپیئن شپ آف لیجنڈز کی ٹیم پاکستان چیمپیئنز کو گذشتہ برس فائنل میں بھارت نے ہرایا تھا، اس وقت قیادت یونس خان نے سنبھالی تھی۔
رواں ایڈیشن میں یونس خان سمیت مصباح الحق کی شرکت بھی مشکوک ہے، تاحال 10 کھلاڑیوں شاہد آفریدی، شعیب ملک، سرفراز احمد، شرجیل خان، وہاب ریاض، آصف علی، کامران اکمل، عامر یامین، سہیل خان اور سہیل تنویر کی شرکت کی تصدیق ہو پائی ہے۔
Post Views: 4.ذریعہ: Daily Mumtaz
پڑھیں:
مشتاق احمد خان سمیت تمام پاکستانیوں کی رہائی کیلیے ایک یورپی ملک سے رابطے میں ہیں، اسحاق ڈار
اسلام آباد (نیوز ڈیسک) نائب وزیر اعظم و وزیر خارجہ اسحاق ڈار کا کہنا ہے کہ مشتاق احمد خان سمیت تمام پاکستانیوں کی باحفاظت رہائی کیلیے ایک تیسرے یورپی ملک سے مسلسل رابطے میں ہیں۔
اسپیکر ایاز صادق کی زیر صدارت قومی اسمبلی کے اجلاس میں اظہار خیال کرتے ہوئے اسحاق ڈار نے کہا کہ غزہ جانب سے گلوبل صمود فلوٹیلا میں ہمارے سابق سینیٹر مشتاق احمد خان بھی سوار تھے۔
اسحاق ڈار نے کہا کہ فارن آفس کی اطلاع کے مطابق 45 فلوٹیلا میں سے 22 کو اسرائیل نے پکڑ لیا ہے، اطلاع ہے کہ سابق سینیٹر مشتاق احمد خان بھی گرفتار ہونے والوں میں شامل ہیں، جب سے یہ خبر آئی ہے ہم نے یورپی ممالک کو انگیج کیا ہے۔
نائب وزیر اعظم نے کہا کہ ہم نے یورپی ممالک سے کہا ہے کہ ہمارے سابق سینیٹر مشتاق احمد خان کو فوری طور پر ریلیز کروائیں، پاکستان اپنی پوری کوشش کر رہا ہے یہ ہماری ذمہ داری ہے، یہ ہمارا ذاتی مسئلہ نہیں بلکہ اسلامی ذمہ داری ہے، ایک حدیث ہے کہ مسلم امہ ایک جسم کی مانند ہے۔
ان کا کہنا تھا کہ اسرائیل سے تعلق رکھنے والے یورپ کے بڑے ملک سے ہم رابطے میں ہیں، انھوں نے ہمیں کہا ہے کہ اتوار تک ہم آپ کو واضح صورتحال سے آگاہ کریں گے، ہماری کوشش ہے تمام پاکستانیوں کو بحفاظت ایگزٹ کروائیں۔
گزشتہ روز وزیر اعظم شہباز شریف نے سوشل میڈیا پلیٹ فارم ایکس پر جاری اپنے بیان میں فلوٹیلا میں اسرائیل کے ہاتھوں گرفتار تمام پاکستانیوں کی رہائی کا مطالبہ کیا تھا۔
وزیر اعطم شہباز شریف نے بیان میں کہا تھا کہ فلوٹیلا میں پاکستانیوں کی باوقار شرکت کو سراہتا ہوں، مشتاق احمد خان، مظہر سعید، وہاج احمد، اسامہ ریاض، اسماعیل خان، عزیز نظامی، فہد اشتیاق و دیگر پاکستانیوں نے امدادی مشن میں حصہ لیا۔
شہباز شریف نے کہا تھا کہ یہ اقدام پاکستانیوں کی انصاف کیلیے جدوجہد اور مدد کے جذبے کی نمائندگی ہے، حکومت پاکستان انسانی جان کا احترام، محفوظ رسائی اور بلاتعطل امداد کے اصولوں کی حمایت کرتی ہے۔
انہوں نے کہا تھا کہ حکومت پاکستان اپنے شہریوں کی واپسی کا بھرپور مطالبہ کرتی ہے، پاکستانیوں کی سلامتی، وقار اور جلد وطن واپسی کیلیے دعاگو اور کوشاں ہیں۔
واضح رہے کہ اسرائیل نے غزہ کے فلسطینیوں کیلیے امداد لے جانے والے فلوٹیلا پر دھاوا بول کر کارکنوں کو گرفتار کیا۔ قافلے میں 44 ممالک کے شہری شریک ہیں جن میں پاکستانی بھی شامل ہیں۔
کپل شرما سے بھتہ مانگنے والا گینگسٹر گرفتار