بلوچستان حکومت کا گرفتار ملازمین کی رہائی کا فیصلہ، گرینڈ الائنس نے احتجاج مؤخر کردیا
اشاعت کی تاریخ: 3rd, July 2025 GMT
بلوچستان حکومت اور سرکاری ملازمین کی تنظیموں پر مشتمل گرینڈ الائنس کے درمیان ہونے والے مذاکرات میں اہم پیشرفت ہوئی ہے، جس کے بعد گرینڈ الائنس نے ایک ہفتے سے جاری احتجاجی تحریک کو مؤخر کرنے کا اعلان کردیا ہے۔
یہ فیصلہ وزیراعلیٰ سیکریٹریٹ میں ہونے والے مذاکرات کے پہلے دور کے بعد سامنے آیا، جس میں حکومت نے کوئٹہ اور مچھ جیل میں قید تمام گرفتار ملازمین کی فوری رہائی کا فیصلہ کیا۔ اس کے ساتھ ہی حکومت نے تمام مقدمات اور محکمانہ کارروائیاں بھی واپس لینے پر آمادگی ظاہر کی ہے۔
اجلاس کے دوران بلوچستان حکومت نے ملازمین کے مسائل کے حل کے لیے صوبائی وزیر میر شعیب نوشیروانی کی سربراہی میں ایک مذاکراتی کمیٹی تشکیل دی ہے۔ کمیٹی میں صوبائی وزیر راحیلہ درانی، پارلیمانی سیکریٹری اسفندیار کاکڑ، محکمہ خزانہ کے افسر جہانگیر خان اور گرینڈ الائنس کے نمائندے شامل ہیں۔ مذاکرات کا دوسرا دور آج متوقع ہے، جس کے بعد کمیٹی کی سفارشات منظوری کے لیے وزیراعلیٰ بلوچستان کو پیش کی جائیں گی۔
مزید پڑھیں: بلوچستان گرینڈ الائنس کا احتجاج دوسرے روز بھی جاری، عدالتی کارروائی کا بائیکاٹ
گرینڈ الائنس کے سینئر رہنما کلیم اللہ نے وی نیوز سے گفتگو کرتے ہوئے کہا کہ حکومت کی یقین دہانی کے بعد فی الحال احتجاج مؤخر کیا جا رہا ہے، تاہم مطالبات بدستور قائم ہیں۔ ان میں سب سے اہم مطالبہ یہ ہے کہ صوبائی ملازمین کی تنخواہوں میں وفاقی حکومت کے طرز پر اضافہ کیا جائے۔ علاوہ ازیں، یونیورسٹی ملازمین کا الائنس ختم کرنے سے متعلق نوٹیفکیشن کی واپسی کا بھی مطالبہ برقرار ہے۔
کلیم اللہ کے مطابق گرینڈ الائنس توقع رکھتا ہے کہ اس بار حکومت سابقہ رویہ نہیں اپنائے گی اور ڈی آر اے سمیت دیگر مطالبات پر عملی پیشرفت کرے گی۔
یاد رہے کہ گرینڈ الائنس کی جانب سے کوئٹہ سمیت مختلف شہروں میں تالہ بندی، بچوں کے ہمراہ احتجاجی مظاہرے اور سڑکوں کی بندش جیسے اقدامات کیے جا رہے تھے، جن کے باعث تعلیمی و سرکاری سرگرمیاں شدید متاثر ہوئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Balochistan-Grand-Alliance بلوچستان گرینڈ الائنس گرینڈ الائنس کے سینئر رہنما کلیم اللہ.
ذریعہ
ذریعہ: WE News
کلیدی لفظ: بلوچستان گرینڈ الائنس گرینڈ الائنس کے ملازمین کی کے بعد
پڑھیں:
پیٹرول پمپس اونرز ایسوسی ایشن کاکل کی ہڑتال مؤخر کرنے کا اعلان
اسلام آباد(ڈیلی پاکستان آن لائن)پیٹرول پمپس اونرز ایسوسی ایشن اور ڈیلرز ایسوسی ایشن نے کل کی ہڑتال مؤخر کرنے کا اعلان کردیا۔پاکستان پیٹرولیم ڈیلرز ایسوسی ایشن کی جانب سے جاری بیان میں کہا گیا کہ ہڑتال کی کال مؤخر کردی، حکومت نے پیٹرول ڈیلرز کا مارجن بڑھانے کی یقین دہانی کرائی ہے، حکومتی یقین دہانی پر احتجاج کی کال مؤخر کرتے ہیں۔سیکرٹری اطلاعات پیٹرول پمپس اونرز ایسوسی ایشن ندیم خان نے کہا کہ ہمیں یقین دہانی کرائی گئی ہے کہ ہمارے مطالبات پورے کیے جائیں گے، امید ہے کہ دو ہفتوں میں پمپس اونرز کے کمیشن کامعاملہ حل ہوجائے گا، یومیہ نرخ کا نظام بھی دو ہفتے ٹرائل بیسز پر چلانے کا کہا گیا ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم