گورنر خیبرپختونخوا کی وزیراعظم سے ملاقات کو سازش سے عبارت کرنا درست نہیں، سینیٹر عرفان صدیقی
اشاعت کی تاریخ: 3rd, July 2025 GMT
اسلام آباد(نیوز ڈیسک) پاکستان مسلم لیگ (ن) کے سینئر رہنما، سینٹ میں پارلیمانی پارٹی لیڈر اور خارجہ امور کمیٹی کے چیئرمین سینیٹر عرفان صدیقی نے کہا ہے کہ ایک طرف پی ٹی آئی والے مذاکرات کی بات کرتے ہیں تو کبھی جارحیت، تحریک اور گولی کا جواب گولی سے دینے کی بات کی جاتی ہے۔ پی ٹی ائی کی جانب سے کل ہونے والی پریس کانفرنس میں ان کی تمام لیڈرشپ شامل تھی لیکن مذاکرات کے حوالے سے کوئی بھی ٹھوس چیز سامنے نہ آ سکی۔ پی ٹی ائی کے اسیر رہنماؤں کے خط کا ذکر تو کیا گیا لیکن آئندہ کے لائحہ عمل اور پارٹی کے رد عمل کے بارے میں کوئی بات نہیں کی گئی۔ پی ٹی آئی شدید کنفیوژن کا شکار ہے، ماضی میں بھی پی ٹی آئی مذاکراتی کمیٹیوں میں کوئی ٹھوس چیز پیش نہیں کر سکی، نہ ہی ان کی قیادت ایک پیج پر آ سکی۔ پی ٹی آئی نے مذاکراتی کمیٹی میں ہمیشہ بانی پی ٹی آئی سے ملاقات کا مطالبہ کیا اور ملاقات کے بعد بھی کسی قسم کا لائحہ عمل طے کرنے میں ناکام رہے۔ المیہ یہ ہے کہ کبھی رہنمائی کیلئے ملاقات کا مطالبہ کرتے تھے کبھی کہتے تھے کہ ملاقات بند کمروں میں نہیں ہونی چاہیئے لیکن کئی ملاقاتوں کے بعد بھی پی ٹی آئی کوئی ایجنڈا مذاکراتی کمیٹی کے سامنے پیش نہ کر سکی۔ پی ٹی آئی کے کسی رہنماء کو اس بات پر بھی یقین نہیں کہ وہ جو کچھ مذاکراتی کمیٹی کے سامنے کہے گا بانی پی ٹی آئی اس سے اتفاق کرلیں گے۔
پی ٹی آئی کی ملک گیر تحریک چلانے سے متعلق سوال کا جواب دیتے ہوئے مسلم لیگ (ن) کے سینیئر رہنما عرفان صدیقی نے کہا کہ احتجاج پی ٹی آئی سمیت تمام سیاسی جماعتوں کا آئینی اور جمہوری حق ہے۔ احتجاج کی آڑ میں انتشار پھیلانے پر حکومت کارروائی کرے گی۔ پی ٹی آئی کے ہر احتجاج میں ملک کو نقصان پہنچانے کی کوشش کی گئی، 9 مئی میں فوجی تنصیبات کو نشانہ بنایا گیا۔ انہوں نے کہا کہ ریاست انتشار اور فساد کو روکنے کے لیے یقیناً اپنا رد عمل دے گی۔ اگر پی ٹی آئی والے خیبرپختونخوا سے درختوں کو آگ لگاتے ہوئے اور فائرنگ کرتے ہوئے اسلام آباد پر چڑھائی کریں گے تو قانون اپنا راستہ اختیار کرے گا۔ پی ٹی آئی نے ایک بھی احتجاج پُرامن طریقے اور ائینی حدود کے دائرہ کار کے اندر نہیں کیا۔ پی ٹی آئی اپنی سٹریٹ پاور کھو چکی ہے، عوام نے ان کی کال پر نکلنا چھوڑ دیا ہے۔
سینیٹر عرفان صدیقی نے کہا کہ گورنر خیبرپختونخوا کی وزیراعظم سے ملاقات کو سازش سے عبارت کرنا درست نہیں۔ اگر ایک صوبے کا گورنر وزیراعظم سے ملاقات کرتا ہے تو اس میں کسی کو کوئی اعتراض نہیں ہونا چاہیئے۔ انہوں نے کہا کہ اگر مان بھی لیا جائے کہ عدم اعتماد کی کوئی تجویز زیرِ غور ہے بھی تو کیا یہ آئینی راستہ نہیں؟ بانی پی ٹی آئی پر بھی تو عدم اعتماد کیا گیا تھا۔ یہ تمام فساد جس سے پی ٹی آئی دوچار ہے وہ عدم اعتماد کی تحریک کا آئینی طور پر سامنا نہ کرنے کی وجہ سے ہے، انہوں نے اسمبلی توڑ دی اور قاسم سوری سے رولنگ دلوا دی۔ سینیٹر عرفان صدیقی نے کہا کہ 2013 کے انتخابات میں پی ٹی آئی کو خیبرپختونخوا میں واضح اکثریت حاصل نہیں تھی، میں اس اجلاس میں موجود تھا جب سابق وزیراعظم نواز شریف نے یہ فیصلہ کیا تھا کہ پی ٹی آئی کی اکثریت تو نہیں لیکن ووٹ اور نمائندوں کی تعداد ذیادہ ہے۔ ہم نے ان کی حکومت کو بننے دیا جو تب سے قائم ہے۔
ذریعہ: Daily Mumtaz
کلیدی لفظ: سینیٹر عرفان صدیقی عرفان صدیقی نے کہا مذاکراتی کمیٹی سے ملاقات نے کہا کہ پی ٹی آئی
پڑھیں:
سہیل آفریدی کو وزیراعلی بننے پر مبارکباد، ملکر دہشت گردی کا مقابلہ کرینگے، وزیراعظم
سہیل آفریدی کو وزیراعلی بننے پر مبارکباد، ملکر دہشت گردی کا مقابلہ کرینگے، وزیراعظم WhatsAppFacebookTwitter 0 31 October, 2025 سب نیوز
چترال(آئی پی ایس )وزیراعظم شہباز شریف نے کہا ہے کہ وزیراعلی سہیل آفریدی کو مبارکباد دیتا ہوں ، مل کر دہشت گردی کا مقابلہ کریں گے۔
دانش سکول کا سنگ بنیاد رکھنے کی تقریب سے خطاب کرتے ہوئے شہباز شریف کا کہنا تھا کہ چترال خیبرپختونخوا کا خوبصورت علاقہ ہے، خیبرپختونخوا کے غیور عوام نے پاکستان کیلئے بہت قربانیاں دی ہیں۔انہوں نے کہا کہ چترال کے خوبصورت علاقے میں آنے کا موقع ملا، یہاں کے لوگ بہت مہذب اور پرامن ہیں، خیبرپختونخوا اور چترال کی حب الوطنی مثالی ہے۔
وزیراعظم کا کہنا تھا کہ تعلیم کی بہترین سہولیات عوام کا بنیادی حق ہیں،چترال کے لوگوں کیلئے تعلیم کا تحفہ لایا ہوں، دانش سکول کا تحفہ کوئی احسان نہیں، آپ کا حق ہے۔شہباز شریف نے خیبرپختونخوا کے نئے وزیراعلی سہیل آفریدی کومنتخب ہونے پرمبارکباد دی، نئے وزیراعلی کو بھرپور تعاون کرنے کی یقین دہانی کراتے ہوئے کہا کہ مجھے امید ہے وہ میری پیشکش کو قبول کریں گے۔
ان کا کہنا تھا کہ ہم ملکر پاکستان کو عظیم بنائیں گیاور دہشت گردی،بدامنی کا مقابلہ کریں گے، اللہ تعالی نے پاکستان کو بیشماروسائل سے نوازا ہے۔وزیراعظم نے مزید کہا کہ بھارت کوچاردن کی جنگ میں شکست فاش دی، فیلڈ مارشل اورافواج پاکستان کی بہادری کوسلام پیش کرتا ہوں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمہمند ڈیم ہائیڈرو پاور منصوبہ، پاکستان کویت کے درمیان 25ملین ڈالر کے قرض پروگرام پر دستخط مہمند ڈیم ہائیڈرو پاور منصوبہ، پاکستان کویت کے درمیان 25ملین ڈالر کے قرض پروگرام پر دستخط شاہ محمود قریشی اسپتال منتقل، پی ٹی آئی پرانی قیادت کی ریلیز عمران خان تحریک چلانے کیلئے ملاقات ایف آئی اے کا یوٹرن، شبر زیدی کے خلاف مقدمہ واپس لینے کا فیصلہ پنجاب بلدیاتی انتخابات، الیکشن کمیشن نے حد بندیوں کیلئے ڈھائی ماہ کی مہلت دیدی ایل پی جی کی قیمت میں بڑی کمی کا اعلان، اوگرا نے نوٹیفکیشن جاری کردیا پی پی آزاد کشمیر کی پارلیمانی پارٹی کا اجلاس بے نتیجہ ختم، تحریک عدم اعتماد کا فیصلہ نہ ہوسکاCopyright © 2025, All Rights Reserved
رابطہ کریں ہماری ٹیم
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی