غزہ میں خوراک لینے کے لیے جمع ہونے والے لوگوں پر فائرنگ، 2 دنوں میں 300 فلسطینی شہید
اشاعت کی تاریخ: 3rd, July 2025 GMT
گزشتہ 48 گھنٹوں کے دوران اسرائیلی فورسز نے 300 سے زیادہ فلسطینیوں کو شہید کیا ہے جن میں سے اکثر افراد امدادی سامان اور خوراک حاصل کرنے کے لیے جمع ہوئے تھے۔
غزہ کی وزارت صحت کے مطابق گزشتہ 24 گھنٹوں میں اسرائیلی حملوں میں کم از کم 118 فلسطینی جاں بحق اور 581 دیگر زخمی ہوئے ہیں۔ ان میں سے کم از کم 73 افراد صبح سے جاں بحق ہو چکے ہیں، جن میں 33 امدادی کارکن بھی شامل ہیں۔
یہ بھی پڑھیے: غزہ میں فلسطینی مزاحمت کاروں کا حملہ، اسرائیلی فوجی ہلاک، 3 زخمی
الجزیرہ کے مطابق یہ افراد اسرائیلی اور امریکا کی حمایت یافتہ غزہ ہیومینٹیرین فاؤنڈیشن (GHF) نامی متنازع تنظیم کے امدادی مراکز پر حملے میں شہید کیے گئے۔
سرکاری میڈیا آفس کے بیان کے مطابق گزشتہ 48 گھنٹوں کے دوران ان حملوں کا ہدف عام شہری خصوصاً خوراک لینے کے لیے جمع ہونے والے فلسطینی تھے۔
یہ بھی پڑھیے: غزہ میں اسرائیلی حملے، مزید 72 فلسطینی شہید، کھانے کے منتظر شہری بھی نشانہ بنے
دوسری طرف غزہ کے علاقے جبال المویسی میں ایک خیمہ پر حملہ ہوا جس میں 13 افراد ہلاک ہوئے، جبکہ غزہ شہر کے مغرب میں پناہ گزین لوگوں کو پناہ دینے والے مصطفیٰ حافظ اسکول پر ہونے والے حملے میں 16 افراد جاں بحق اور کئی زخمی ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی حملہ امدادی سامان امدادی کارکن غزہ فلسطینی.
ذریعہ
ذریعہ: WE News
کلیدی لفظ: اسرائیلی حملہ امدادی کارکن فلسطینی کے لیے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع