جماعت اسلامی کے 9 ٹاؤن چیئرمینوں نے کے الیکٹرک کے خلاف ہائی کورٹ سے رجوع کر لیا
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی:شہر قائد میں جاری بدترین اور غیر اعلانیہ لوڈشیڈنگ کے خلاف جماعت اسلامی نے قانونی محاذ پر قدم بڑھا دیا، جماعت اسلامی کراچی کے 9 ٹاؤن چیئرمینوں نے کے الیکٹرک کے خلاف سندھ ہائی کورٹ میں آئینی درخواست دائر کر دی ہے، جس میں وفاقی حکومت، کے الیکٹرک اور نیپرا کو فریق بنایا گیا ہے۔
درخواست میں مؤقف اختیار کیا گیا ہے کہ کے الیکٹرک شہر کراچی کے بیشتر علاقوں میں غیر انسانی اور غیر قانونی طرز عمل اپناتے ہوئے بدترین لوڈشیڈنگ کر رہی ہے جو آئین پاکستان کی خلاف ورزی ہے، درخواست گزاروں نے عدالت سے استدعا کی ہے کہ اس غیر قانونی اقدام کو آئین کے منافی قرار دیا جائے اور نیپرا کو کے الیکٹرک کے خلاف فوری کارروائی کا حکم دیا جائے۔
آئینی درخواست میں کہا گیا ہے کہ آئین پاکستان کے تحت شہریوں کو بجلی کی مسلسل اور قابل بھروسہ فراہمی ریاست کی ذمے داری ہے جب کہ نیپرا اس شعبے کی نگرانی کرنے والی ریگولیٹری اتھارٹی ہے، کے الیکٹرک ایک نجی ادارہ ہے جسے بجلی کی پیداوار، ترسیل اور تقسیم کا لائسنس دیا گیا ہے لیکن یہ ادارہ اپنے لائسنس کی خلاف ورزی کرتے ہوئے شہریوں کو بجلی فراہم کرنے میں ناکام ہے۔
درخواست گزاروں نے نشاندہی کی ہے کہ نیپرا خود اس بات کا اعتراف کر چکی ہے کہ کے الیکٹرک کی جانب سے لوڈشیڈنگ غیر قانونی ہے، نیپرا کے 2 اپریل 2024 کے فیصلے کا حوالہ دیتے ہوئے کہا گیا ہے کہ نیپرا نے واضح طور پر کہا تھا کہ کے الیکٹرک کا یہ عمل کہ وہ لائن لاسز کے تناسب سے مخصوص علاقوں میں لوڈشیڈنگ کرے، قانون کے خلاف ہے کیونکہ اس سے وہ صارفین بھی متاثر ہوتے ہیں جو باقاعدگی سے بجلی کے بل ادا کرتے ہیں۔
درخواست میں مزید کہا گیا ہے کہ کے الیکٹرک کی یہ ذمے داری ہے کہ وہ بغیر کسی رکاوٹ کے، تسلسل کے ساتھ اور قابل بھروسہ نظام کے ذریعے بجلی فراہم کرے لیکن کمپنی نے اس بنیادی اصول کی خلاف ورزی کی ہے، کراچی میں اس وقت شدید گرمی کا موسم ہے اور بجلی کی بندش نے شہریوں کی زندگی اجیرن بنا دی ہے، عدالت سے مطالبہ کیا گیا ہے کہ وہ اس غیر انسانی رویے کا نوٹس لے۔
درخواست گزاروں نے عدالت کو یہ بھی یاد دلایا ہے کہ سپریم کورٹ سمیت ملک کی اعلیٰ عدلیہ پہلے ہی قرار دے چکی ہے کہ بجلی کی مسلسل فراہمی عوام کا آئینی اور بنیادی حق ہے، جسے کسی صورت سلب نہیں کیا جا سکتا، کے الیکٹرک ان عدالتی فیصلوں، آئینی تقاضوں اور قانونی ضوابط کو یکسر نظر انداز کر رہی ہے۔
جماعت اسلامی کا کہنا ہے کہ وہ کراچی کے عوام کے ساتھ ہونے والی زیادتیوں کے خلاف ہر محاذ پر آواز بلند کرے گی، چاہے وہ سڑکوں پر احتجاج ہو یا عدالتوں میں قانونی جنگ ہو۔
واضح رہے کہ اس سے قبل جماعت اسلامی کراچی کے امیر منعم ظفر خان کی جانب سے بھی اسی نوعیت کی ایک آئینی درخواست سندھ ہائی کورٹ میں دائر کی جا چکی ہے، جو اس وقت زیر سماعت ہے۔
.ذریعہ: Jasarat News
کلیدی لفظ: کہ کے الیکٹرک جماعت اسلامی گیا ہے کہ کراچی کے کی ہے کہ بجلی کی کے خلاف
پڑھیں:
سرکاری اسکولوں کو 50کمپیوٹرز کی فراہمی گلبرگ ٹائون کا تحفہ ہے ، منعم ظفر خان
data-id="863a0a8" data-element_type="widget" data-widget_type="theme-post-content.default">
251118-08-27
کراچی(اسٹاف رپورٹر)امیر جماعت اسلامی کراچی منعم ظفر خان نے کہا ہے کہ تعلیم سے ترقی کا سفر جماعت اسلامی کا وژن ہے ، موجودہ دور انفارمیشن ٹیکنالوجی کا دور ہے ، گلبرگ ٹائون کی جانب سے سرکاری اسکولوں کے لیے 50کمپیوٹرز کی فراہمی ایک قیمتی تحفہ ہے ، ٹیکنالوجی امپاور منٹ کے نام سے گلبرگ ٹائون کی یہ کاوش لائق تحسین ہے اور اس پر ٹائون چیئر مین سمیت ٹائون کی پوری ٹیم مبارکباد کی مستحق ہے ، جماعت اسلامی کا عزم ہے کہ اختیارات سے بڑھ کر کام کریں گے اور تعلیم و صحت سمیت ہر شعبے میں اہل کراچی کی خدمت کرتے رہیں گے ، منعم ظفر خان نے وزیر اعظم کی کراچی آمد کا ذکر کرتے ہوئے کہا کہ 6 ماہ بعد شہباز شریف کراچی آئے ہیں جب وہ وزیر اعظم نہیں تھے توانہوں نے کہا تھا کہ میں کراچی کو پیرس بنا دوں گا ، ہم ان سے کہتے ہیں کہ آپ کراچی کو پیرس نہ بنائیں ، کراچی کو اس کا حق دیں ، کراچی جتنے وسائل دیتا ہے اسے وہ وسائل واپس لوٹا دیں ، ہم خود کراچی کو تعمیر بھی کریں گے اور ترقی بھی دیں گے ،اس کی رونقیں بحال کریں گے ، یہ شہرا ہمارا ہے ، ہم اس کے ہیں اور ہم اہل کراچی کو تنہا نہیں چھوڑیں گے ۔ ان خیالات کا اظہار انہوں نے فیڈل بی ایریا بلاک 17میں رابعہ بصری گورنمنٹ گرلز اسکول کے آڈیٹوریم میں 50کمپیوٹرز کی تقسیم کی تقریب سے خطاب اور بلاک 18میں سمن آباد ہیلتھ کیئر یونٹ کے دورے کے موقع پر ڈاکٹروں و اسٹاف سے ملاقات و میڈیا سے گفتگو کرتے ہوئے کیا ۔ تقریب میں مختلف اسکولوں کی پرنسپلز ، اساتذہ ، والدین اور طلبہ و طالبات کی بڑی تعداد نے شرکت کی ۔ اس موقع پر امیر ضلع گلبرگ وسطی کامران سراج ، ٹائون چیئر مین گلبرگ نصرت اللہ ، ٹائون میونسپل کمشنر عبد الحمید ، ڈائریکٹر پارک ایڈ لینڈ ندیم حنیف ، اسکول پرنسپل عائشہ قمر ، محترمہ نشاط ، سائزہ کامران و دیگر نے بھی خطاب کیا ۔ منعم ظفر خان نے سمن آباد ہیلتھ کیئر یونٹ میں ڈاکٹروں و پیرا میڈیکل اسٹاف ، علاج کے لیے آنے والے مریضوں سے ملاقات اور فراہمی کی سستی طبی سہولیات کا جائزہ لیا ، منعم ظفر خان نے تقریب سے خطاب اور میڈیا سے گفتگو کرتے ہوئے مزید کہا کہ جماعت اسلامی اپنے 9ٹائونز کے تحت آنے والے اسکولوں اور صحت کے مراکز کو بہتر اور بحال کر رہی ہے ، 2001سے2005کے دوران نعمت اللہ خان کے دور میں بھی جماعت اسلامی نے شہر میں 32نئے کالجز قائم کیے اور 6کالجوں میں آئی ٹی ایجوکیشن شروع کی گئی جبکہ ان کے بعد گزشتہ 20برس کا جائزہ لیا جائے تو 10سے 12کالجز سے زیادہ نہیں بنے اور آج صورتحال یہ ہے کہ آئی ٹی ایجوکیشن کی بات تو بہت کی جاتی ہے لیکن عملاً کچھ نہیں کیا جاتا ، اسکولوں اور کالجوں میں کمپیوٹر تک موجود نہیں ہیں ، پیپلز پارٹی 17برس سے سندھ پر مسلط ہے اور اس نے تعلیم اور صحت سمیت ہر شعبے کو تباہ وبرباد کر کے رکھ دیا ہے ، صوبے سندھ کا تعلیم بجٹ 613ارب روپے جبکہ صحت کا 371ارب روپے ، جو کل ملا کے 1 ہزار ارب روپے بنتا ہے لیکن اسپتالوں میں مریضوں کو اور نہ اسکولوں و کالجوں میں طلبہ و طالبات کو بنیادی سہولیات میسر ہیں ، صوبہ سندھ میں 78لاکھ بچے ایسے ہیں جن کی عمر 5سے 16سال تک کی ہے اور ان کو اسکولوں میں ہونا چاہیے تھا مگر وہ تعلیم سے محروم ہیں اور پورے ملک میں ان بچوں کی تعداد 2کروڑ 62لاکھ ہے جبکہ آئین کی دفعہ 25-Aکے تحت مفت تعلیم کی فراہمی حکومت و ریاست کی ذمے داری ہے ۔ تعلیم ، صحت اور عوام خدمت ہی ہمیشہ جماعت اسلامی کی ترجیح رہی ہے اور گزشتہ 2سال کے دوران بھی ہم ان ہی خطوط پر عمل کر رہے ہیں ، جماعت اسلامی نے حکومت میں نہ ہونے کے باوجود کراچی میں بنوقابل آئی ٹی پروگرام کے تحت نوجوانوں کو مفت آئی ٹی کورسز کرانے کا سلسلہ شروع کیا اور اب تک 50ہزار سے زائد طلبہ و طالبات مفت آئی ٹی کے کورسز کر کے اپنے اہل خانہ کا سہارا بن چکے ہیں جبکہ بنو قابل پروگرام میں 12لاکھ نوجوان رجسٹریشن کراچکے ہیں ، ہم نے اپنے ٹائون میں 42سرکاری اسکولوں کی حالت بہتر کر کے ان کو بحال کیا جس کے نتیجے میں ان اسکولوں میں 7ہزار طلبہ و طالبات کی رجسٹریشن کا اضافہ ہوا ۔
امیر جماعت اسلامی کراچی منعم ظفر خان گلبرگ ٹائون کے تحت سرکاری اسکولوں کو 50کمپیوٹر ز تقسیم کی تقریب’’ ٹیکنالوجی امپاورمنٹ‘‘ میں اسکول پرنسپل کو کمپیوٹر پیش کررہے ہیں ، دوسری جانب سمن آباد ہیلتھ کیئر یونٹ کا دورہ کررہے ہیں‘ امیر ضلع کامران سراج، ٹائون چیئرمین نصرت اللہ بھی ساتھ ہیں
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن