پسماندہ علاقوں میں تعلیمی انقلاب، 19 ارب روپے کے دانش سکول منصوبے منظور
اشاعت کی تاریخ: 4th, July 2025 GMT
ا سلام آ باد(ڈیلی پاکستان آن لائن)وزیراعظم شہباز شریف کے تعلیمی وژن کے تحت ملک کے پسماندہ علاقوں میں دانش سکولز کے قیام کے لیے 19 ارب 25 کروڑ روپے مالیت کے منصوبے منظور کر لیے گئے۔ وفاقی وزیر برائے منصوبہ بندی احسن اقبال کی زیر صدارت سینٹرل ڈویلپمنٹ ورکنگ پارٹی (سی ڈی ڈبلیو پی) کے اجلاس میں مجموعی طور پر تعلیم سے متعلق چھ منصوبوں کی منظوری دی گئی۔
نجی ٹی وی آ ج نیوز نے اعلامیے کے حوالے سے بتایا کہ دانش سکولز قلعہ سیف اللہ، ژوب، موسیٰ خیل، ڈیرہ بگٹی اور دیگر پسماندہ اضلاع میں قائم کیے جائیں گے۔ ان منصوبوں کی لاگت وفاقی اور صوبائی حکومتیں مشترکہ طور پر برداشت کریں گی، جن میں ہر فریق 50 فیصد حصہ ادا کرے گا۔
وفاقی وزیر احسن اقبال کا کہنا تھا کہ ملک میں ڈھائی کروڑ بچے تاحال سکولوں سے باہر ہیں، ایسے میں تعلیم کا فروغ اور خواندگی میں اضافہ قومی ضرورت ہے۔ ان کا کہنا تھا کہ دانش سکولز پسماندہ علاقوں میں تعلیمی انقلاب کا پیش خیمہ ثابت ہوں گے۔
انہوں نے کہا کہ ان سکولز میں جدید تدریسی سہولیات، لائبریری، کمپیوٹر لیب، لیبارٹریز، اور اساتذہ کے لیے رہائشی سہولیات فراہم کی جائیں گی تاکہ معیاری تعلیم کو فروغ دیا جا سکے۔
وفاقی حکومت کی جانب سے تعلیمی بجٹ میں اضافے اور عملی منصوبوں کی منظوری کو ماہرین تعلیم نے خوش آئند قرار دیا ہے، اور اسے پاکستان میں تعلیمی نظام کو بہتر بنانے کی جانب ایک مثبت قدم قرار دیا گیا ہے۔
کراچی: بی آر ٹی اور پیپلز بس سروس جزوی معطل، ترجمان
مزید :.
ذریعہ
ذریعہ: Daily Pakistan
کلیدی لفظ: میں تعلیم
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع