یوٹیلٹی اسٹورز پر کیڑوں والا آٹا فروخت، 18 ارب کا اسکینڈل سامنے آ گیا
اشاعت کی تاریخ: 4th, July 2025 GMT
اسلام آباد(نیوز ڈیسک)اسلام آباد سے ایک چونکا دینے والی خبر سامنے آئی ہے کہ یوٹیلٹی اسٹورز پر عوام کو تقریباً 18 ارب روپے کا کیڑوں والا اور مضر صحت آٹا فروخت کیا گیا۔ اس سنگین معاملے پر آڈیٹر جنرل آف پاکستان نے نوٹس لیتے ہوئے سوشل ویلفیئر پروٹیکشن ڈویژن کو باقاعدہ مراسلہ بھیج دیا ہے۔ رپورٹ کے مطابق یوٹیلٹی اسٹورز کارپوریشن نے گزشتہ مالی سال کے دوران ناقص گندم اور آٹا عوام میں تقسیم کیا، جس میں کیڑوں کی موجودگی کی تصدیق ہوئی ہے۔
آڈیٹ رپورٹ میں بتایا گیا ہے کہ ناقص گندم نہ صرف عوام کی صحت کے لیے خطرہ بنی بلکہ سستے آٹے کی اسکیم کے تحت دیے جانے والے چھ ارب روپے سے زائد کے ریلیف کا فائدہ بھی عوام تک نہ پہنچ سکا۔ اسپرے نہ کیے جانے کی وجہ سے ایک ارب روپے مالیت کی گندم ضائع ہو گئی۔ بدانتظامی اور کرپشن کی وجہ سے عوام کو سستی اور معیاری گندم کی فراہمی ممکن نہ ہو سکی۔
اس کے علاوہ یہ بھی انکشاف ہوا ہے کہ نگران حکومت کے دوران بیرون ملک سے درآمد کی گئی گندم بھی ناقص نکلی۔ اگست 2023 سے مارچ 2024 کے دوران پاکستان نے تقریباً 330 ارب روپے کی گندم درآمد کی، جس میں سے 13 لاکھ میٹرک ٹن گندم میں کیڑے پائے گئے۔ نگران دور حکومت میں مجموعی طور پر 28 لاکھ میٹرک ٹن گندم درآمد کی گئی، جس کی لاگت 250 ارب روپے بتائی جا رہی ہے۔ اعلیٰ حکام کے مطابق یوٹیلٹی اسٹورز کو فراہم کی گئی کچھ درآمدی گندم میں معیار کی خرابی پائی گئی، جسے بعد میں آٹے میں تبدیل کر کے سستا آٹا اسکیم کے تحت فروخت کیا گیا۔
جب اس پر وضاحت مانگی گئی تو ایک اعلیٰ سرکاری اہلکار نےنجی ٹی وی سے بات کرتے ہوئے مزید معلومات فراہم کرنے سے انکار کیا اور کہا کہ فی الحال اس پر زیادہ بات نہیں کی جا سکتی۔ سوشل میڈیا پر اس معاملے پر سخت ردعمل سامنے آ رہا ہے اور عوام حکومت سے فوری تحقیقات اور کارروائی کا مطالبہ کر رہے ہیں۔
مزیدپڑھیں:جڈیجا پر بی سی سی آئی کا قانون توڑنے کے باوجود جرمانہ کیوں نہیں؟
ذریعہ: Daily Ausaf
کلیدی لفظ: یوٹیلٹی اسٹورز ارب روپے
پڑھیں:
پیٹرولیم مصنوعات کی فروخت میں 6 فیصد اضافہ ریکارڈ
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)رواں سال اگست میں پاکستان میں مجموعی پیٹرولیم مصنوعات کی فروخت 1.3 ملین ٹن رہی جو گزشتہ ماہ کے مقابلے میں 6 فیصد زیادہ ہے۔عارف حبیب لمیٹڈکی جاری کردہ رپورٹ کے مطابق ملک بھر میں شدید بارشوں کے باوجود فروخت میں اضافہ دیکھا گیا۔رپورٹ میں بتایا گیا کہ فروخت میں اضافے کی بنیادی وجوہات پیٹرول کی قیمتوں میں گزشتہ ماہ کے مقابلے 1.8 فیصد کمی کے بعد طلب میں بہتری اور معاشی سرگرمیوں میں اضافہ ہے۔اگست میں پیٹرول کی فروخت گزشتہ ماہ کے مقابلے 10 فیصد بڑھ کر 0.67 ملین ٹن رہی جبکہ ہائی اسپیڈ ڈیزل کی فروخت 3 فیصد اضافہ کے ساتھ 0.52 ملین ٹن ریکارڈ کی گئی۔اسی دوران فرنس آئل کی فروخت 21 فیصد بڑھ کر 0.02 ملین ٹن ہو گئی۔سالانہ بنیادوں پر اگست میں پیٹرولیم مصنوعات کی فروخت 7 فیصد بڑھ گئی۔ اگست میں پیٹرول (ایم ایس) کی فروخت 8 فیصد بڑھ گئی جبکہ ہائی اسپیڈ ڈیزل (ایچ ایس ڈی) کی فروخت 14 فیصد اضافے کے ساتھ رہی۔دوسری جانب فرنس آئل کی فروخت اگست 2025 میں 71 فیصد کم ہوگئی جس کی وجہ مون سون سیزن کے دوران کم طلب کے باعث بجلی کی پیداوار میں کمی تھی۔رواں مالی سال کے پہلے دو ماہ میں مجموعی پیٹرولیم مصنوعات کی فروخت گزشتہ سال کے اسی عرصے کے مقابلے 5 فیصد بڑھ کر 2.52 ملین ٹن ہو گئی جو پچھلے سال 2.41 ملین ٹن تھی۔مصنوعات کے لحاظ سے اگست میں پیٹرول (ایم ایس) اور ہائی سپیڈ ڈیزل (ایس ایس ڈی) کی فروخت بالترتیب 1.29 ملین ٹن اور 1.03 ملین ٹن رہی جبکہ فرنس آئل (ایف او) کی فروخت کم ہو کر 0.03 ملین ٹن رہ گئی۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل