منعم ظفر لیاری پہنچ گئے‘متاثرین کو متبادل جگہ دینے کا مطالبہ
اشاعت کی تاریخ: 5th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیر جماعت اسلامی کراچی منعم ظفر خان نے لیاری بغدادی میں گرنے والی5 منزلہ عمارت کے مقام کا دورہ کیا اور صورتحال کا جائزہ لیا ، اس موقع پر میڈیا کے نمائندوں سے گفتگو کرتے ہوئے انہوں نے عمارت گرنے اور9افراد کے جاں بحق ہونے پر انتہائی دکھ اور افسوس کا اظہار کیا اور سندھ حکومت اور سندھ بلڈنگ کنٹرول اتھارٹی کی نا اہلی اور بد انتظامی کی مذمت کی اور کہا کہ حکومت کی ذمے داری ہے کہ متاثرین کو سہولت فراہم کرے ،متاثرہ خاندانوں کو 6ماہ کا کرایہ اور متبادل جگہ دی جائے ۔ انہوں نے کہا کہ المیہ یہ ہے کہ شہر میں40اور 60گز کی جگہ پر کئی کئی منزلہ عمارتیں بن جاتی ہیں اورسندھ حکومت اور بلڈنگ کنٹرول اتھارٹی کوئی نوٹس نہیں لیتی ، ایک رپورٹ کے مطابق گزشتہ 5سال میں ایک لاکھ عمارتیں تعمیر کی گئیں ہیں جن میں سے صرف 14سے 15ہزارعمارتوں کی منظوری لی گئی جبکہ 85فیصد عمارتوں کی باقاعدہ منظوری ہی نہیں ہے ، شہر میں غیر قانونی تعمیرات کا کوئی نوٹس نہیں لیا جا رہا ، سندھ بلڈنگ کنٹرول اتھارٹی رشوت اور کرپشن کا اڈہ بن چکا ہے جس کی وجہ سے ایک جانب شہر کنکریٹ کا جنگل بن گیا ہے ،پورشن مافیا کا راج ہے اور دوسری جانب عمارت گرنے جیسے افسوسناک واقعات رونما ہو رہے ہیں ،حکومت اور سندھ بلڈنگ کنٹرول اتھارٹی اپنی ذمے داری پوری کرے تاکہ اس قسم کے واقعات کی روک تھام کی جاسکے ۔اس موقع پر سینئر ڈپٹی سیکرٹری اطلاعات و انچارج میڈیا سیل صہیب احمد، نائب امیر ضلع جنوبی جواد شعیب و دیگر بھی موجود تھے۔
.
ذریعہ: Jasarat News
کلیدی لفظ: بلڈنگ کنٹرول اتھارٹی
پڑھیں:
(سندھ بلڈنگ) اسکیم 33 میں ناقص تعمیرات سے انسانی جانوں کو خطرہ
سفاری سگنیچر، فلک ناز ٹوئن ٹاور انضار ریزیڈنسی کی تعمیر میں مجرمانہ غفلت ، محصولات کا خطیرنقصان
اسسٹنٹ ڈائریکٹر عدیل قریشی اور الطاف سومروکاگروہ غیرقانونی تعمیرات میں ملوث مافیا سے گٹھ جوڑ
سندھ بلڈنگ کھوڑو سسٹم کے کماؤ افسران کرپشن کے باوجود تحقیقاتی اداروں کی پہنچ سے دور اسکیم 33 میں غیر قانونی تعمیرات میں اضافہ اسسٹنٹ ڈائریکٹر عدیل قریشی اور الطاف سومرو ملکی محصولات کو بھاری نقصان پہنچانے میں مگن فلک ناز ٹوئن ٹاور انضار ریزیڈنسی اور سفاری سنگنیچر جیسی کمزور عمارتیں زمین پر موجود کرپشن کا منہ بولتا ثبوت جرآت سروے ٹیم کی جانب سے موقف لینے کی کوشش ناکام۔ سندھ بلڈنگ کنٹرول اتھارٹی میں رائج کھوڑو سسٹم کے بدعنوان افسران غیر قانونی دھندوں سے خطیر رقوم کی کرپشن کرنے کے باوجود بھی تحقیقاتی اداروں کی پہنچ سے دور ہیںڈسٹرکٹ ایسٹ اسکیم 33 میں غیر قانونی تعمیرات میں اضافہ دیکھنے میں آ رہا ہے اسسٹنٹ ڈائریکٹر عدیل قریشی اور الطاف سومرو ملکی محصولات کو بھاری نقصان پہنچاتے ہوئے خلاف ضابطہ تعمیرات کروانے میں مگن ہیں غیر قانونی دھندوں سے لین دین کے لئے کئی بلڈنگ افسران کی خدمات بھی حاصل کی گئی ہیں جنہیں سرکاری طور پر علاقے کے کے لیے مقرر نہیں کیا گیا ہے الطاف سومرو سمیت کئی نجی افراد شامل ہیں جنکے غیر قانونی تعمیرات میں ملوث ہونے کے واضح ثبوت فلک ناز ٹوئن ٹاور انضار ریزیڈنسی اور سفاری سنگنیچر جیسی کمزور عمارتیں زمین پر موجود ہیں جو انتظامیہ کی جانے والی کرپشن کا منہ بولتا ثبوت ہیں گزشتہ دنوں تبادلے کے باوجود بھی موصوف کے غیر قانونی تعمیرات سے وصولیوں کے دھندے تا حال جاری ہیںجسکی تفصیلات جلد شائع کی جائیں گی جاری غیر قانونی دھندوں پر جرآت سروے ٹیم کی جانب ڈی جی اسحاق کھوڑو سے رابطہ کرنے کی کوشش کی گئی مگر رابطہ ممکن نہ ہوا۔
قال اللہ تعالیٰ و قال رسول اللہ ﷺ