سوست پورٹ پر کسٹم گھپلا کیس میں 12 ملزمان کی ضمانت قبل از گرفتاری منسوخ
اشاعت کی تاریخ: 5th, July 2025 GMT
ملزمان پر الزام ہے کہ انہوں نے 9 کروڑ مالیت کے سامان پر کسٹم ڈیوٹی چھوٹ کیلئے ہیرا پھیری کی کوشش کی۔ فریقین کے وکلاء کے دلائل سننے کے بعد عدالت نے ملزمان کی ضمانت قبل ازگرفتاری منسوخ کر دی۔ اسلام ٹائمز۔ سوست ڈرائی پورٹ پر 9 کروڑ سے زائد مالیت کے سامان کی کلیئرنس میں مبینہ ہیرا پھیری کے کیس میں 12 ملزمان کی ضمانت قبل از گرفتاری منسوخ کر دی گئی اور کسٹم کے 2 انسپکٹرز کے ناقابل ضمانت وارنٹ جاری کر دئے گئے۔ تفصیلات کے مطابق کسٹم جج گلگت بلتستان غلام عباس چوپا نے سوست میں 9 کروڑ 22 لاکھ 70 ہزار 2 سو 2 روپے مالیت کے سامان کے کلیرنس میں مبینہ گھپلا/ہیرا پھیری پر 12 ملزمان کی قبل از گرفتاری ضمانت منسوخ کر دی اور عدالت نے کسٹم کے 2 انسپکٹرز کے ناقابل ضمانت وارنٹ بھی جاری کر دیئے۔ ملزمان پر الزام ہے کہ انہوں نے 9 کروڑ مالیت کے سامان پر کسٹم ڈیوٹی چھوٹ کیلئے ہیرا پھیری کی کوشش کی۔ فریقین کے وکلاء کے دلائل سننے کے بعد عدالت نے ملزمان کی ضمانت قبل ازگرفتاری منسوخ کر دی۔
.ذریعہ: Islam Times
کلیدی لفظ: ملزمان کی ضمانت قبل مالیت کے سامان ہیرا پھیری
پڑھیں:
مہدی جو کی گرفتاری صدر کے دورہ گلگت بلتستان کو ثبوتاژ کرنے کی سازش ہے، بشارت ظہیر
پیپلزپارٹی ضلع سکردو کے صدر بشارت ظہیر نے کہا ہے کہ جب پارٹی کے صوبائی صدر امجد ایڈووکیٹ کی سربراہی میں فیس بک پیج کا مسئلہ حل کرلیا گیا تھا تو مہدی جو کو گرفتار کیوں کیا گیا؟ اسلام ٹائمز۔ پیپلزپارٹی ضلع سکردو کے صدر بشارت ظہیر نے کہا ہے کہ جب پارٹی کے صوبائی صدر امجد ایڈووکیٹ کی سربراہی میں فیس بک پیج کا مسئلہ حل کرلیا گیا تھا تو مہدی جو کو گرفتار کیوں کیا گیا؟ گرفتاری کی وجہ کیا ہے؟ یہ عمل صرف اور صرف صدر مملکت آصف علی زرداری کے دورہ گلگت کو سبوتاژ کرنے کی سازش ہے۔ انہوں نے کہا کہ ہم پارٹی کارکن اور جیالے کی حیثیت سے مہدی جو کے شانہ بشانہ کھڑے ہیں، انہیں تنہا نہیں چھوڑیں گے۔ مہدی جو نے گورنر کا آفیشل پیج بہت پہلے ڈیلیٹ کر لیا تھا اب گرفتاری کی وجہ ہی نہیں بنتی۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی