مودی حکومت کی ناکامیوں کے سبب تمام ممالک ہمارے دشمن بنتے جا رہے ہیں، ملکارجن کھڑگے
اشاعت کی تاریخ: 5th, July 2025 GMT
کانگریس صدر نے کہا کہ آپریشن سندور کے چلتے مودی حکومت نے کہا کہ ہم پاکستان کو برباد کردیں گے، جس میں اپوزیشن نے انکا مکمل ساتھ دیا، لیکن انہوں نے کچھ بھی نہیں کیا۔ اسلام ٹائمز۔ کانگریس صدر نے کہا کہ مودی حکومت کی خارجہ پالیسی کی ناکامی کے سبب ہی آج تمام ممالک ہمارے دشمن بنتے جا رہے ہیں۔ ملکارجن کھڑگے نے تلنگانہ کے حیدر آباد میں پارٹی کارکنان کی میٹنگ سے خطاب میں "آپریشن سندور" کا تذکرہ کرتے ہوئے کہا کہ ٹرمپ کہتا ہے اس نے جنگ ختم کی، لیکن نریندر مودی اس بات پر خاموش ہیں۔ بھارت اور پاکستان کے درمیان گزشتہ دنوں بڑھی کشیدگی کا حوالہ دیتے ہوئے ملکارجن کھڑگے نے کہا کہ مودی حکومت نے کہا کہ ہم پاکستان کو برباد کر دیں گے، جس میں اپوزیشن نے ان کا مکمل ساتھ دیا، لیکن انہوں نے کچھ بھی نہیں کیا۔ انہوں نے اپنے بیان میں بی جے پی اور آر ایس ایس کو بھی ہدف تنقید بنایا، وہ کہتے ہیں کہ ہم ملک کے لئے لڑنے اور جان دینے کے لئے تیار ہیں۔ انہوں نے کہا کہ مہاتما گاندھی، اندرا گاندھی اور راجیو گاندھی ان سب نے ملک کے لئے جان دے دی، لیکن آر ایس ایس-بی جے پی کے کسی آدمی نے ملک کے لئے جان نہیں دی۔
کانگریس صدر نے مودی حکومت پر تنقید کرتے ہوئے کہا کہ نریندر مودی کی خارجہ پالیسی ٹھیک نہیں ہے، جس کی وجہ سے آج سبھی ہمارے دشمن بنے ہوئے ہیں۔ انہوں نے کہا کہ ایک طرف چین ہے، دوسری طرف پاکستان، حالات یہ ہیں کہ اب نیپال بھی ہم سے دور ہو رہا ہے۔ انہوں نے کہا کہ ہر ملک ہم سے دوری بنا رہا ہے اور نریندر مودی کیا کر رہے ہیں۔ کانگریس صدر نے ایک آر ایس ایس لیڈر کے ذریعہ ہندوستانی آئین سے "سوشلسٹ" اور "سیکولر" لفظ ہٹانے کا مطالبہ کئے جانے کو بھی تنقید کا نشانہ بنایا۔ انہوں نے کہا کہ آر ایس ایس کے جنرل سکریٹری نے کہا کہ ہمیں ہندوستانی آئین سے سیکولر اور سوشلسٹ لفظ ہٹا دینا چاہیئے۔ ملکارجن کھڑگے نے بی جے پی کے آئین کی کچھ سطریں بھی جلسہ میں سنائیں اور بتایا کہ اس میں بھی "سوشلسٹ" اور "سیکولر" لفظ موجود ہے۔
ذریعہ: Islam Times
کلیدی لفظ: انہوں نے کہا کہ کانگریس صدر نے ملکارجن کھڑگے مودی حکومت ا ر ایس ایس کے لئے
پڑھیں:
مودی ٹرمپ سے خوفزدہ ہیں اور انکا ریموٹ کنٹرول بڑے کاروباریوں کے ہاتھوں میں ہے، راہل گاندھی
کانگریس لیڈر نے دعویٰ کیا کہ مودی حکومت کے تمام بڑے فیصلے جیسے جی ایس ٹی اور نوٹ بندی کا مقصد چھوٹے کاروباروں کو تباہ کرنا اور بڑے صنعت کاروں کو فائدہ پہنچانا ہے۔ اسلام ٹائمز۔ کانگریس لیڈر راہل گاندھی نے اتوار کو الزام لگایا کہ وزیراعظم نریندر مودی نہ صرف امریکی صدر ڈونالڈ ٹرمپ سے "خوفزدہ" ہیں بلکہ ان کا "ریموٹ کنٹرول" بڑے کاروباریوں کے ہاتھ میں ہے۔ پارلیمنٹ میں اپوزیشن کے لیڈر راہل گاندھی نے بہار میں انتخابی مہم میں حصہ لیا اور این ڈی اے پر سخت حملہ کیا۔ راہل گاندھی نے بیگوسرائے اور کھگڑیا اضلاع میں لگاتار ریلیوں سے خطاب کرتے ہوئے نریندر مودی پر شدید تنقید کی۔ انہوں نے کہا کہ بہت چوڑا سینہ ہونا آپ کو مضبوط نہیں بناتا۔ ذرا مہاتما گاندھی کو دیکھیں، جو دبلے تھے لیکن اس وقت کے سپر پاور انگیزروں سے مقابلہ کیا۔ انہوں نے الزام لگایا کہ دوسری طرف ہمارے پاس 56 انچ کے سینے کی گھمنڈ کے ساتھ نریندر مودی ہیں، جنہیں ٹرمپ نے آپریشن سندور کے دوران فون کیا، جس کی وجہ سے مودی گھبراہٹ کا شکار ہوگئے اور پاکستان کے ساتھ فوجی تنازعہ دو دن میں ختم ہوگیا، وہ نہ صرف ٹرمپ سے خوفزدہ ہیں، بلکہ امبانی اور اڈانی کے ہاتھوں میں ان کا ریموٹ کنٹرول ہے۔
کانگریس لیڈر نے کہا کہ 1971ء میں اس وقت کی وزیر اعظم اندرا گاندھی کو امریکہ نے دھمکی دی تھی، لیکن وہ خوفزدہ نہیں ہوئیں اور انہوں نے وہ سب کچھ کیا جس کی ضرورت تھی، لیکن جب ٹرمپ نے مودی کو آپریشن سندور روکنے کے لئے کہا تو انہوں نے اسے روک دیا۔ راہل گاندھی نے دعویٰ کیا کہ مودی حکومت کے تمام بڑے فیصلے جیسے جی ایس ٹی اور نوٹ بندی کا مقصد چھوٹے کاروباروں کو تباہ کرنا اور بڑے صنعت کاروں کو فائدہ پہنچانا ہے۔ انہوں نے کہا کہ ہمارا نقطہ نظر مختلف ہے، ہم چھوٹے کاروبار کو فروغ دینا چاہتے ہیں، ہم آپ کے فونز اور ٹی شرٹس پر میڈ ان چائنا لیبلز کو بہار کے ٹیگز سے بدلنا چاہتے ہیں۔ یہ دعوی کرتے ہوئے کہ مودی ووٹوں کے لئے کچھ بھی کر سکتے ہیں، راہل گاندھی نے کہا کہ وہ ووٹوں کے لئے اسٹیج پر بھی ناچیں گے۔ الیکشن کے دن تک آپ جو کچھ کہیں گے، مودی وہی کریں گے لیکن انتخابات کے بعد وہ صرف اپنے پسندیدہ اداروں کے لئے ہی کام کریں گے۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے