کراچی میں یوم عاشور کا مرکزی جلوس نشتر پارک سے برآمد ہوگا
اشاعت کی تاریخ: 6th, July 2025 GMT
مرکزی جلوس نمائش، صدر، ریڈیو پاکستان، جامع کلاتھ، ڈینسو ہال کھارادر سے ہوتا ہوا حسینیہ ارانیاں پر اختتام پذیر ہوگا۔ جلوس کے شرکا علامہ شہنشاہ نقوی کی اقتدا میں تبت سینٹر کے مقام پر نماز ظہرین ادا کریں گے۔ اسلام ٹائمز۔ پاک محرم ایسوسی ایشن کے بینر تلے یوم عاشور کا مرکزی جلوس صبح نشتر پارک سے 8:30 بجے برآمد ہوگا۔ جلوس سے قبل عاشور کی مجلس نشتر پارک میں برپا ہوگی۔ مجلس سے علامہ شہنشاہ نقوی خطاب کریں گے اور امام عالی مقامؑ و رفقا کے مصائب بیان کرینگے۔ جلوس کی قیادت بوتراب اسکاؤٹس کریگی۔ مرکزی جلوس نمائش، صدر، ریڈیو پاکستان، جامع کلاتھ، ڈینسو ہال کھارادر سے ہوتا ہوا حسینیہ ارانیاں پر اختتام پذیر ہوگا۔ جلوس کے شرکا علامہ شہنشاہ نقوی کی اقتدا میں تبت سینٹر کے مقام پر نماز ظہرین ادا کریں گے۔
بعد نماز ظہرین امامیہ اسٹوڈنٹس آرگنائزیشن کی جانب سے مظلومین فلسطینوں کے حق میں احتجاج کیا جائیگا۔ حالیہ ایران جنگ میں شہید ہونے والے ایرانی سائنسدانوں، عسکری قیادت اور عوام کی شہادتوں پر انہیں خراج عقیدت پیش کیا جائیگا۔ مرکزی جلوس کے موقع پر شہر میں سیکیورٹی کے سخت انتظامات کئے گئے ہیں، جلوس کی گزرگاہ اور اطراف کی گلیوں اور سڑکوں کو کنٹینر لگا کر سیل کیا گیا ہے جبکہ جلوس کی سیکیورٹی کے لئے پولیس و رینجرز بھی تعینات ہے اور جلوس کی سی سی ٹی وی کیمروں سے بھی مانیٹرنگ کی جائے گی۔
ذریعہ: Islam Times
کلیدی لفظ: مرکزی جلوس جلوس کی
پڑھیں:
سکھر: 500 سالہ نو ڈھالہ تعزیہ جلوس برآمد
—فائل فوٹوسندھ کے شہر سکھر کے علاقے روہڑی میں 500 سالہ تاریخی کربلائے معلیٰ کا 9 محرم کا نو ڈھالہ تعزیہ جلوس برآمد ہو گیا، جلوس یوم عاشور کی شام ختم ہو گا۔
کراچی میں 9 محرم کا جلوس دوپہر ایک بجے نشتر پارک سے برآمد ہو گا، کراچی کے بعض علاقوں میں انٹر نیٹ سروس متاثر ہے۔
لاہور میں نویں محرم کا مرکزی جلوس پانڈو اسٹریٹ اسلام پورہ سے برآمد ہو گا جبکہ اسلام آباد میں نویں محرم کا مرکزی جلوس جی 6 سے برآمد ہو گا۔
ملتان میں قدیمی امام بارگاہ ممتاز آباد سے علم اور تعزیہ کا جلوس برآمد ہوگا۔
ڈیرہ اسماعیل خان میں آج نو محرم کا جلوس مرکزی امام بارگاہ سے برآمد ہو گیا ہے جو مسجد یاعلی پر اختتام پذیر ہو گا۔
فیصل آباد میں مرکزی جلوس امام بارگاہ حیدریہ امین پور بازار اے سے رات 9 بجے برآمد ہو گا۔
پاکستان کو دنیا کے اولین سیاحتی مراکز کی فہرست میں شامل کریں گے: وزیر اعظم شہباز شریف