کراچی سے انتہائی افسوسناک خبرجاں بحق افراد کی تعداد 27 ہوگئی
اشاعت کی تاریخ: 6th, July 2025 GMT
کراچی کے علاقے لیاری بغدادی میں 2 روز قبل منہدم ہونے والی عمارت کے ملبے سے 27 افراد کی لاشیں نکال لی گئی ہیں۔
لیاری کے علاقہ بغدادی میں جمعہ کی صبح پانچ منزلہ عمارت منہدم ہونے کے بعد ریسکیو کا عمل مکمل کرلیا گیا، واقعے میں اب تک ہونے والی اموات کی تعداد 27 ہوگئی۔
ریسکیو حکام نے 48 گھنٹے بعد جائے حادثہ کو کلیئر قرار دے دیا ہے۔ احتیاطی طور سرچنگ کاعمل جاری ہے۔ جمعہ کو صبح 10 بجے افسوسناک واقعہ پیش آیا تھا، جس میں 27 افراد جاں بحق ہوچکے ہیں۔
دوسری جانب لیاری آگرہ تاج کالونی ایک اورعمارت میں دراڑیں پڑگئیں۔ پولیس اور ایس بی سی اے رات گئے 7 منزلہ رہائشی عمارت کو خالی کرانے پہنچی تو مکیںوں کی جانب سے مزاحمت کا سامنا کرنا پڑا۔ جس کے بعد انتظامیہ نے کامیاب مذاکرات کے بعد عمارت کو خالی کروا کر پانی کی ٹنکی توڑی اوربجلی منقطع کرنے کے عمارت کو سیل کردیا۔
انتظامیہ کے مطابق مکینوں کو سرکاری اسکول منتقل کردیا گیا ۔ ڈی سی ساؤتھ جاوید نبی کا کہنا ہے کہ دو سال پہلے 60 گز پرسات منزلہ عمارت تعمیرکی گئی تھی۔ عمارت میں 11 خاندانوں کے 57 افراد رہائش پزیرتھے۔ عمارت کے رہائشیوں کو بلڈرمعاوضہ ادا کرے گا جبکہ ایس بی سی اے نے بلڈرمنصورشاہ اور ٹھیکیدارکیخلاف کلری تھانے میں مقدمہ درج کرلیا۔
ایف آئی آرکے متن کے مطابق بلڈنگ کو ناقص مٹیریل استعمال کرکے غیرقانونی طورپرتعمیرکیا گیا، متاثرہ عمارت جانی ومالی نقصان کا باعث بن سکتی تھی۔ عمارت کو خطرناک قراردے کرناقابل رہائش قراردے دیا گیا۔
Post Views: 3.ذریعہ: Daily Mumtaz
کلیدی لفظ: عمارت کو
پڑھیں:
لیاری میں گرنے والی عمارت رات سے جھول رہی تھی، آوازیں بھی آرہی تھیں
کراچی کے علاقے لیاری میں گرنے والی عمارت کل رات سے جھول رہی تھی، اس میں سے آوازیں بھی آرہی تھیں، لیکن مکینوں نے نظر انداز کیا یا سنجیدہ نہیں لیا۔
علاقہ مکینوں کے مطابق عمارت کے گرنے سے کافی پہلے اس میں ٹوٹ پھوٹ کی آوازیں آنے لگی تھیں۔
لیاری کے علاقے بغدادی میں پانچ منزلہ عمارت گرگئی، حادثے میں 8 افراد جاں بحق، 7 زخمی ہوگئے، ملبے تلے 25 سے 30 افراد کے دبے ہونے کا خدشہ ہے۔
اہلِ علاقہ کے مطابق عمارت میں 6 خاندان رہائش پذیر تھے، گرنے والی عمارت کے ساتھ والی 7 منزلہ عمارت کی سیڑھیاں بھی گر گئيں، تاہم وہاں پھنسے افراد کو نکال لیا گیا اور عمارت خالی کروالی گئی۔
لیاری میں گرنے والی 5 منزلہ عمارت کے ہر فلور پر 3 پورشن تھےعمارت کی مالکن کے بھتیجے نے جیو نیوز سے گفتگو کرتے ہوئے بتایا کہ ان کے خاندان کے افراد چوتھی منزل پر رہتے تھے، خاتون کو تشویش ناک حالت میں نکالا گیا ہے، بیٹا انتقال کر گیا، تین رشتہ دار اب بھی پھنسے ہوئے ہیں۔
گرنے والی عمارت کے ساتھ واقع ایک 2 منزلہ مکان بھی جزوی متاثر ہوا، ہیوی مشینری کی مدد سے ملبا ہٹانے کا کام جاری ہے۔
میئر کراچی مرتضیٰ وہاب اور وزیر بلدیات سعید غنی متاثرہ علاقے میں پہنچ گئے، ریسکیو اور امدادی کاموں میں تیزی کی خاطر علاقے سے بجلی و گیس کے کنکشن کاٹ دیے گئے۔
مرتضیٰ وہاب نے کہا کہ اس عمارت کو مخدوش قرار دیا گيا تھا، کوشش ہوتی ہے لوگوں کو جبری گھروں سے نہ نکالیں، انہيں معلوم ہے کہ لوگوں کے لیے دوسرے مکان کا انتظام کرنا مشکل ہوتا ہے۔
میئر کراچی نے بتایا کہ اولڈ سٹی ایریا میں 434 عمارتیں مخدوش قرار دی جاچکی ہیں۔
پاکستان کا سندھ طاس معاہدے پر ثالثی عدالت کے فیصلے کا خیرمقدم، بھارت سے فوری عملدرآمد کا مطالبہ