کراچی، لیاری کی آگرہ تاج کالونی میں 7 منزلہ عمارت میں دراڑیں، پولیس مکینوں کو نکالنے پہنچ گئی
اشاعت کی تاریخ: 6th, July 2025 GMT
شہر قائد میں لیاری کے علاقے آگرہ تاج کالونی میں واقع ایک 7 منزلہ عمارت میں دراڑیں پڑنے کے بعد پولیس اور ضلعی انتظامیہ نے عمارت کو خالی کرانے کی کارروائی شروع کر دی۔
رات کے وقت پولیس کی بھاری نفری موقع پر پہنچی جہاں انہیں مکینوں کی جانب سے مزاحمت کا سامنا کرنا پڑا۔
عمارت کے رہائشیوں کا کہنا تھا کہ وہ کسی صورت بھی عمارت کو خالی کرنے کے لیے تیار نہیں ہیں۔ مکینوں کی مزاحمت کے باوجود پولیس نے اپنی کارروائی جاری رکھی۔
ضلعی انتظامیہ کے مطابق، لیاری میں مخدوش عمارتوں کے خلاف کارروائی کا آغاز کر دیا گیا ہے تاکہ کسی بھی ناخوشگوار حادثے سے بچا جا سکے۔
ڈپٹی کمشنر جنوبی نے میڈیا سے گفتگو کرتے ہوئے کہا کہ اس سلسلے میں مزید عمارتوں کی بھی جانچ کی جا رہی ہے تاکہ ان کے مکینوں کو ممکنہ خطرات سے بچایا جا سکے۔
.ذریعہ: Express News
پڑھیں:
انجمن امامیہ گلگت بلتستان کے وفد کا نگر خاص کا دورہ، علماء و عمائدین سے ملاقات
علماء اور عمائدین نے واضح کیا کہ نگر کالونی کے عوام اپنے آپ کو کبھی تنہا نہ سمجھیں کیونکہ نگر کے لوگ ان کے شانہ بشانہ کھڑے ہیں۔ نگر کالونی کے خلاف کی جانے والی ہر قسم کی بات، غلط پراپیگنڈہ یا زباندرازی کا کڑوے اور سخت انداز میں جواب دیا جائے گا۔ اسلام ٹائمز۔ مرکزی انجمن امامیہ گلگت بلتستان کے وفد نے صدر سید شرف الدین کاظمی کی سربراہی میں نگر خاص کا دورہ کیا۔ اس دورے کا مقصد علاقے کے علماء کرام، عمائدین اور مختلف سماجی حلقوں سے ملاقات کرنا تھا۔ وفد کی آمد کے موقع پر نگر کے علماء کرام اور عمائدین نے وفد کا بھرپور استقبال کیا اور علاقے کی موجودہ صورتحال پر تفصیلی بریفنگ دی۔ اس دوران نگرخاص کے عمائدین نے گلگت نگر کالونی کے خلاف گزشتہ سی پی او واقعے کے بعد کی جانے والی زبان درازی اور پروپیگنڈے کی شدید الفاظ میں مذمت کی۔ علماء اور عمائدین نے واضح کیا کہ نگر کالونی کے عوام اپنے آپ کو کبھی تنہا نہ سمجھیں کیونکہ نگر کے لوگ ان کے شانہ بشانہ کھڑے ہیں۔ نگر کالونی کے خلاف کی جانے والی ہر قسم کی بات، غلط پراپیگنڈہ یا زباندرازی کا کڑوے اور سخت انداز میں جواب دیا جائے گا۔ وفد سے بات کرتے ہوئے عمائدین نے مزید کہا کہ نگر کی خاموشی کو کسی صورت کمزوری نہ سمجھا جائے۔ یہ خاموشی صرف صبر و تحمل کا مظہر ہے، لیکن جب ضرورت ہوئی تو نگر کی پوری کمیونٹی اپنے موقف کو پوری قوت اور بلند آواز میں پیش کرے گی۔
انہوں نے زور دیا کہ کسی بھی غیر ضروری تنقید یا پروپیگنڈے کی اجازت نہیں دی جائے گی اور کسی بھی ایسی حرکت کو برداشت نہیں کیا جائے گا جو نگر کالونی کے وقار یا عوام کی عزت کو متاثر کرے۔ مزید براں، عمائدین نے موجودہ صورتحال پر اپنی تشویش کا اظہار کرتے ہوئے کہا کہ گزشتہ واقعے کے بعد سوشل میڈیا پر ملت تشیع کے خلاف کی جانے والی زبان درازی پر کوئی کاروائی عمل میں نہیں لائی گئی جو تشویش ناک اور ناقابل قبول ہے۔ انہوں نے حکام سے فوری اور مؤثر کارروائی کرنے کا مطالبہ کیا تاکہ ایسے واقعات کی تکرار روکی جا سکے اور امن و امان کی صورتحال برقرار رہے۔ آخر میں نگر کےعمائدین نے قائد ملت جعفریہ آغا سید راحت حسین الحسینی اور مرکزی انجمن امامیہ گلگت بلتستان کے ہر حکم پر لبیک کہنے کا اعادہ کیا۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں