شہری فلیٹ خریدنے سے پہلے منظوری کی جانچ یقینی بنائیں، وزیر اعلیٰ سندھ
اشاعت کی تاریخ: 6th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی: وزیر اعلیٰ سندھ مراد علی شاہ کاکہنا ہے کہ لیاری میں عمارت گرنے کا واقعہ انتہائی افسوسناک اور دکھی کرنے والا ہے، انسانی جانوں کے تحفظ کیلئے حکومت ہر ممکن اقدامات کر رہی ہے۔
میڈیا سے گفتگو کرتے ہوئے وزیر اعلیٰ سندھ نے شہریوں سے اپیل کی ہے کہ وہ فلیٹ یا مکان خریدنے سے پہلے اس بات کی مکمل جانچ ضرور کریں کہ جس عمارت میں وہ سرمایہ کاری کر رہے ہیں، اسے سندھ بلڈنگ کنٹرول اتھارٹی (SBCA) سمیت تمام متعلقہ اداروں سے قانونی طور پر منظوری حاصل ہے یا نہیں۔
مراد علی شاہ نے کہا کہ لیاری عمارت حادثے میں جانوں کے ضیاع کا دکھ ہے، ہماری پوری کوشش رہی کہ زیادہ سے زیادہ زندگیاں بچائی جائیں، متاثرہ عمارت کا ملبہ اٹھانے کا کام آج مکمل کرلیا جائے گا جبکہ حادثے کی وجوہات جاننے کیلئے کمیٹی بھی قائم کر دی گئی ہے،کل اس حوالے سے اجلاس ہوگا جس میں ابتدائی رپورٹس کا جائزہ لیا جائے گا ۔
وزیر اعلیٰ سندھ نے کہاکہ گزشتہ شب آگرہ تاج کالونی میں خالی کرائی گئی عمارت بغیر کسی منظوری کے چند سال قبل تعمیر کی گئی تھی، پرانے علاقوں میں 400 سے زائد خطرناک قرار دی گئی عمارتوں کے مکینوں کیلئے متبادل رہائش کا بھی جائزہ لیا جا رہا ہے تاکہ مستقبل میں کسی بڑے سانحے سے بچا جا سکے۔
انہوں نے شہریوں کو ایک بار پھر متنبہ کیا کہ وہ فلیٹ یا مکان خریدنے سے پہلے قانونی منظوریوں کی مکمل تصدیق کریں تاکہ غیر قانونی اور ناقص تعمیرات سے اپنی اور اپنے خاندان کی جان خطرے میں نہ ڈالیں۔
محرم الحرام کے سکیورٹی انتظامات پر بات کرتے ہوئے مراد علی شاہ نے بتایا کہ یوم عاشور کے مرکزی جلوسوں کیلئے سکیورٹی کے فول پروف انتظامات کیے گئے ہیں، سندھ بھر میں ساڑھے 17 ہزار سے زائد مجالس منعقد ہو رہی ہیں جن میں سے 1400 سے زائد مجالس کو خصوصی سکیورٹی فراہم کی جا رہی ہے، جبکہ جلوسوں کی حفاظت پر 50 ہزار سے زائد پولیس اہلکار تعینات کیے گئے ہیں۔
.
ذریعہ
ذریعہ: Jasarat News
کلیدی لفظ: وزیر اعلی
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ