شمالی عراق: غار میں گیس کے اخراج سے 8 ترک فوجی جاں بحق
اشاعت کی تاریخ: 7th, July 2025 GMT
ترک وزارت دفاع کے مطابق شمالی عراق میں ایک غار میں میتهین گیس کے اخراج کے باعث 8 ترک فوجی ہلاک اور 11 زخمی ہوگئے۔
بیان میں کہا گیا کہ یہ واقعہ اتوار کے روز پیش آیا، جب ترک فوج کالعدم کردستان ورکرز پارٹی (PKK) کے خلاف جاری آپریشن کے دوران ہلاک ہونے والے فوجی کی باقیات کی تلاش میں مصروف تھی۔
وزارت دفاع کے مطابق، گیس کے اخراج سے متاثرہ 11 دیگر فوجی زخمی حالت میں اسپتال منتقل کیے جا چکے ہیں، جن میں سے بعض کی حالت تشویشناک بتائی گئی ہے۔
مزید تفصیلات کے مطابق، متاثرہ غار PKK کے زیر استعمال ایک چھپنے کی جگہ تھی جس میں ممکنہ طور پر قدرتی یا ذخیرہ شدہ زہریلی گیس موجود تھی۔
فوجی آپریشن شمالی عراق کے متنازع پہاڑی علاقوں میں جاری ہے جہاں ترکی کئی سالوں سے PKK کے خلاف کارروائیاں کرتا رہا ہے۔
.
ذریعہ: Express News
پڑھیں:
عراق ، مقتدیٰ الصد ر کا مسلح گروہ تحلیل کرنیکا مطالبہ ، انتخابات کے بائیکاٹ پر زور
data-id="863a0a8" data-element_type="widget" data-widget_type="theme-post-content.default">
بغداد (انٹرنیشنل ڈیسک) عراق میں الصدر تحریک کے سربراہ مقتدیٰ الصدر نے مطالبہ کیا ہے کہ تمام ہتھیار عراقی ریاست کے حوالے کیے جائیں اور ملیشیاؤں کو تحلیل کیا جائے۔ اس کے ساتھ انہوں نے ایک بار پھر آنے والے پارلیمانی انتخابات کے بائیکاٹ پر زور دیا ۔ مقتدیٰ الصدر نے جمعہ کے روزایکس پلیٹ فارم پر پوسٹ کی گئی ایک تحریر میں کہا کہ ملک کی فوج اور پولیس کو مضبوط کرنا چاہیے، اور عراق کو خود مختار اور غیر تابع ریاست ہونا چاہیے۔ انہوں نے دوبارہ اس بات پر زور دیا کہ وہ آئندہ پارلیمانی انتخابات کا بائیکاٹ کریں گے۔اس سے قبل بھی مقتدیٰ الصدر اعلان کر چکے ہیں کہ وہ اس وقت تک پارلیمانی انتخابات میں شرکت نہیں کریں گے جب تک ملک میں کرپشن اور کرپٹ عناصر کا مسئلہ حل نہ کیا جائے۔ اس کے ساتھ ہی انہوں نے موجودہ حکومت کی مدت کو ایک سال کے لیے بڑھانے کی درخواست کی تھی۔ ذرائع ابلاغ کے مطابق عراقی کابینہ نے اعلان کیا ہے کہ آیندہ پارلیمانی انتخابات 11 نومبر کو ہوں گے اور اس سے پہلے ووٹروں کے اندراج کا عمل مکمل کیا جائے گا۔ اندازے کے مطابق تقریباً 3 کروڑ عراقی شہری ووٹ ڈالنے کے اہل ہوں گے۔ پارلیمانی انتخابات میں 322 سیاسی جماعتیں، انفرادی امیدوار اور انتخابی اتحاد حصہ لیں گے۔ یہ عراق کی جدید تاریخ کے چھٹے پارلیمانی انتخابات ہوں گے، جن کا سلسلہ 2003 ء میں سابق صدر صدام حسین کے دور کے خاتمے کے بعد شروع ہوا تھا۔ عراقی پارلیمنٹ کی موجودہ مدت 9 جنوری 2022 ء کو شروع ہوئی تھی ،جو 4جنوری 2026 ء کو ختم ہو گی۔ انتخابی قانون کے مطابق نئی پارلیمان کے انتخاب کے لیے ووٹنگ مدت کے اختتام سے کم از کم 45 روز قبل ہونی چاہیے۔
پاکستان شاہینز لگاتار تیسرے سال ٹاپ اینڈ ٹی ٹوئنٹی سیریز میں حصہ لیں گے