کراچی میں قبر کا ریٹ 14,300 روپے مقرر، تمام قبرستان رجسٹر کرنے کا فیصلہ
اشاعت کی تاریخ: 7th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی میں بے ہنگم اور غیر منظم قبرستانوں کے معاملے پر بلدیہ عظمیٰ کراچی نے بڑا فیصلہ کر لیا۔
میئر کراچی مرتضیٰ وہاب نے کہا ہے کہ شہر میں موجود تمام قبرستانوں کو باضابطہ رجسٹرڈ کیا جائے گا تاکہ شہریوں کو سہولیات کی فراہمی اور شفاف نظام یقینی بنایا جا سکے۔
مرتضیٰ وہاب نے بتایا کہ اس وقت کراچی میں 200 سے زائد قبرستان موجود ہیں، لیکن ان میں سے صرف 38 قبرستان ہی بلدیہ عظمیٰ کراچی کے ریکارڈ میں رجسٹرڈ ہیں، یہ صورت حال ناقابل قبول ہے، اسی لیے فیصلہ کیا ہے کہ ہر قبرستان کو رجسٹریشن کے عمل سے گزارا جائے گا تاکہ انتظامات کو بہتر اور شفاف بنایا جا سکے۔
میئر کراچی نے مزید کہا کہ تمام قبرستانوں کے انچارجز کو ہدایت جاری کر دی گئی ہے کہ وہ فوری طور پر رجسٹریشن مکمل کریں۔
انہوں نے سختی سے تنبیہ کی کہ کسی بھی قبر کے لیے مقررہ سرکاری نرخ سے زیادہ رقم وصول نہ کی جائے، قبر کا سرکاری نرخ 14,300 روپے مقرر ہے اور اس سے زیادہ وصولی کی اجازت ہرگز نہیں دی جائے گی، خلاف ورزی پر سخت کارروائی ہوگی۔
انہوں نے واضح کیا کہ اس اقدام کا مقصد عوام کو لوٹ مار سے بچانا اور قبرستانوں کے نظام کو منظم کرنا ہے تاکہ شہریوں کو اس نازک مرحلے پر بھی آسانیاں میسر آئیں۔
.ذریعہ: Jasarat News
پڑھیں:
فیکٹری کے ایک ملازم کے اکاؤنٹ میں تمام ملازمین کی تنخواہ ٹرانسفر
data-id="863a0a8" data-element_type="widget" data-widget_type="theme-post-content.default">
ماسکو: روس میں ایک فیکٹری ملازم کو غلطی سے تمام ملازمین کی تنخواہ ایک ساتھ وصول ہوگئی۔ تاہم جب کمپنی نے اس سے واپسی کا مطالبہ کیا تو اس نے انکار کردیا۔
خانٹی مانسیسک میں ایک فیکٹری نے اپنے ورکر ولادیمیر ریچاگوف پر 7 ملین روبلز (87,000 ڈالرز) واپس کرنے سے انکار پر مقدمہ دائر کیا ہے۔ یہ رقم سافٹ ویئر کی خرابی کی وجہ سے غلطی سے ملازم کو وصول ہوگئی تھی۔ جب اسے اپنی بینکنگ ایپ سے رقم کی اطلاع موصول ہوئی تو ولادیمیر ریچاگوف کو اپنی آنکھوں پر یقین نہیں آیا۔ اس نے 7,112,254 روبل (87,000 ڈالرز) کی رقم کو بونس سمجھا۔
ملازم کے ساتھیوں کے درمیان اگرچہ یہ افواہیں پھیلی ہوئی تھیں کہ ان کی فیکٹری ان کے لیے ایک نفع بخش سال کے بعد 13ویں تنخواہ تیار کر رہی ہے، لیکن اس نے کبھی بھی اس طرح کی توقع نہیں کی تھی۔
لیکن یہ کروڑ پتی بننے کی اس کی خوشی کچھ ہی دیر کے لیے رہی کیونکہ اسے جلد ہی محکمہ اکاؤنٹنگ سے فون کالز موصول ہونے لگیں کہ اسے غلطی سے 7 ملین روبل منتقل کر دیے گئے ہیں اور اسے واپس کرنا پڑے گا۔
لیکن آن لائن کچھ تحقیق کرنے کے بعد ولادیمیر نے ایک تکنیکی error کی نشاندہی کی بنا پر رقم واپس کرنے سے انکار کردیا اور اب کیس سپریم کورٹ میں داخل کرادیا گیا ہے جہاں اس کا حتمی فیصلہ ہوگا۔
ایکس اکاؤنٹ کو اپ ڈیٹ نہ کرنے پر اس کے لاک آؤٹ ہونیکا خطرہ