پنجاب حکومت کے مثالی انتظامات نے محرم الحرام کو پرامن بنایا: عظمٰی بخاری
اشاعت کی تاریخ: 8th, July 2025 GMT
لاہور، فیصل آباد (نیوز رپورٹر، نمائندہ خصوصی) وزیر اطلاعات پنجاب عظمیٰ بخاری نے گزشتہ روز فیصل آباد میں یوم عاشور کے مرکزی جلوس کے موقع پر میڈیا سے گفتگو کرتے ہوئے کہا وزیر اعلیٰ پنجاب مریم نواز کی خصوصی ہدایت پر وہ خود فیلڈ میں موجود رہیں تاکہ سکیورٹی، سہولیات اور انتظامات کا براہ راست جائزہ لیا جا سکے۔ انہوں نے کہا الحمدللہ پورے پنجاب میں یوم عاشور انتہائی عقیدت، امن اور اخوت کے ماحول میں منایا گیا اور تمام جلوس بحفاظت اپنے مقررہ مقامات تک پہنچے۔عظمیٰ بخاری نے کہا حکومت پنجاب نے محرم الحرام کے دوران مجالس و جلوسوں کے لیے جو فول پروف اور تاریخی نوعیت کے اقدامات کیے، ان کی مثال ماضی میں نہیں ملتی۔ فیصل آباد سمیت صوبے بھر میں ضلعی و ڈویژنل انتظامیہ، امن کمیٹیاں، پولیس، ریسکیو اور دیگر ادارے مکمل طور پر الرٹ اور متحرک رہے۔ انہوں نے وزیر اعلیٰ کی جانب سے بھرپور تعاون اور نگرانی پر اظہار تشکر کیا اور کہا عزاداران وزیر اعلیٰ کو ان شاندار انتظامات پر دعائیں دے رہے ہیں، جو عوامی اعتماد کی بہترین عکاسی ہے۔انہوں نے مذہبی ہم آہنگی کو نقصان پہنچانے والے عناصر کیخلاف کارروائی کی تفصیلات بھی شیئر کیں۔ ان کے مطابق سوشل میڈیا پر مذہبی منافرت پھیلانے والوں کے خلاف سخت اقدامات کیے گئے ہیں، 417 سے زائد سوشل میڈیا اکاؤنٹس کو بلاک کیا جا چکا ہے اور نفرت انگیز مواد پھیلانے والے افراد کے خلاف قانونی کارروائی کرتے ہوئے مقدمات درج اور گرفتاریاں عمل میں لائی گئی ہیں۔ ان کا کہنا تھا کہ تفرقہ بازی کسی صورت برداشت نہیں کی جائے گی اور ہمیں ایک دوسرے کے مسالک کا احترام یقینی بنانا ہوگا۔صوبائی وزیر اطلاعات نے فیصل آباد ڈویژن کی انتظامیہ کو مثالی کارکردگی پر شاباش دیتے ہوئے کہا کہ ضلعی افسران اور سکیورٹی ادارے مکمل جانفشانی سے امن و امان برقرار رکھنے میں مصروف عمل رہے۔ انہوں نے کہا کہ جلوسوں اور مجالس کے مکمل اختتام تک انتظامی ٹیمیں فیلڈ میں موجود رہیں تاکہ کسی بھی ہنگامی صورتحال سے بروقت نمٹا جا سکے۔عظمیٰ بخاری نے بتایا وزیر اعلیٰ پنجاب مریم نواز خود تمام اضلاع سے لمحہ بہ لمحہ رپورٹس حاصل کرتی رہیں اور انہوں نے حالات کی براہ راست نگرانی کی۔ انہوں نے کہا رینجرز اور پاک فوج کی کمپنیاں بھی تمام اہم شہروں میں تعینات رہیں، جو حکومت پنجاب کی سنجیدگی، انتظامی بصیرت اور امن قائم رکھنے کے عزم کی روشن مثال ہے۔
.
ذریعہ
ذریعہ: Nawaiwaqt
کلیدی لفظ: فیصل ا باد وزیر اعلی انہوں نے نے کہا
پڑھیں:
بانی سے ملاقات نہ ہوئی تو وفاقی بجٹ پاس نہیں ہونے دیں گے: سہیل آفریدی
راولپنڈی (اپنے سٹاف رپورٹر سے) وزیراعلیٰ خیبر پی کے محمد سہیل آفریدی نے اپنی اور صوبائی مشیر خزانہ کی بانی چیئرمین پاکستان تحریک انصاف سے ملاقات کرانے کا مطالبہ کرتے ہوئے کہا ہے کہ بانی سے بجٹ پر رہنمائی حاصل کرنا ضروری‘ اس کے لیے اسلام آباد ہائیکورٹ سے بھی رجوع کیا جائے گا۔ علیمہ خان کے ساتھ اڈیالہ جیل کے باہر گفتگو کرتے ہوئے وزیراعلیٰ نے کہا کہ ہمیں مزید دیوار سے لگانے کی کوشش اور ملاقات کا حق نہ دیا گیا تو 10 جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیا جائے گا۔ انہوں نے کہا کہ خیبر پی کے میں حکومت عمران خان کی ہے، اسے ان کے سوا کوئی ختم نہیں کر سکتا۔ انہوں نے مزید کہا کہ حکومت کے پاس نہ موثر داخلہ پالیسی ہے اور نہ ہی خارجہ پالیسی۔ آنے والا وفاقی بجٹ عوام پر ایک معاشی ایٹم بم ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ