ویان ملڈر نے برائن لارا کا 400 رنز کا ریکارڈ نہ توڑنے کی وجہ بتادی
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
بلاوایو ٹیسٹ میں جنوبی افریقا کے کپتان ویان ملڈر نے ویسٹ انڈیز کے لیجنڈری بیٹر برائن لارا کا ٹیسٹ کرکٹ کی ایک اننگ میں 400 رنز کا تاریخی ریکارڈ نہ توڑنے کی وجہ بتادی۔
گزشتہ روز بلاوایو ٹیسٹ میں جنوبی افریقہ کے کپتان ویان ملڈر نے زمبابوے کے خلاف دلکش ٹرپل سنچری داغ دی، مگر انہوں نے اس موقع پر ایک ایسا فیصلہ کیا جس نے دنیائے کرکٹ کو حیران کردیا، 367 رنز پر پہنچنے کے باوجود ملڈر نے اننگ ڈکلیئر کرنے کا اعلان کردیا اور برائن لارا کے 400 رنز کے تاریخی ریکارڈ کو توڑنے کا موقع گنوا دیا۔
میچ کے دوسرے دن کھیل کے اختتام پر سابق کپتان اور کمنٹیٹر شان پولاک سے گفتگو کرتے ہوئے 27 سالہ ویان ملڈر نے اپنے فیصلے کی وضاحت کرتے ہوئے کہا کہ برائن لارا کرکٹ کے ایک لیجنڈ ہیں، میں نہیں چاہتا تھا کہ ان کا یہ ریکارڈ ٹوٹے۔
ویان ملڈر کا کہنا تھا کہ برائن لارا نے انگلینڈ کے خلاف 400 رنز بنائے تھے اور میں سمجھتا ہوں کہ یہ ریکارڈ ان کے ہی نام رہنا چاہیے، اگر آئندہ کبھی موقع ملا تو بھی میں یہی فیصلہ کروں گا۔
انہوں نے مزید کہا کہ یہ اننگ میرے لیے خواب جیسی تھی، میں نے کبھی ڈبل سنچری کا بھی نہیں سوچا تھا، ٹرپل سنچری تو بہت دور کی بات ہے، سب سے بڑی خوشی یہ ہے کہ میری اننگ ٹیم کے کام آئی، میں نے کوچ سے بھی بات کی کہ ریکارڈ لیجنڈز کے پاس ہی اچھا لگتا ہے۔
یاد رہے کہ ملڈر نے محض 334 گیندوں پر 49 چوکوں اور 4 چھکوں کی مدد سے 367 رنز کی شاہکار اننگ کھیلی، جنوبی افریقہ نے جب اپنی اننگ ختم کرنے کا اعلان کیا تو اسکور بورڈ پر 5 وکٹوں کے نقصان پر 626 رنز سج چکے تھے۔
ملڈر کی اس اننگ نے انہیں ہاشم آملہ کے بعد ٹیسٹ کرکٹ میں ٹرپل سنچری بنانے والا دوسرا جنوبی افریقی بیٹر بنا دیا، لیکن جب وہ برائن لارا کے عالمی ریکارڈ سے صرف 34 رنز کی دوری پر تھے تو انہوں نے اننگ ڈکلیئر کر کے شائقین کو ششدر کردیا۔
.ذریعہ: Jasarat News
کلیدی لفظ: ویان ملڈر نے برائن لارا
پڑھیں:
شریاس ایّر کو اسپتال سے ڈسچارج کر دیا گیا
بھارتی ون ڈے ٹیم کے نائب کپتان شریاس ایّر کو اسپتال سے ڈسچارج کر دیا گیا۔
بھارتی کرکٹ بورڈ کے مطابق شریاس ایّر کو پیٹ اور پسلیوں کی انجری میں بہتری کے بعد اسپتال سے ڈسچارج کیا گیا ہے۔
شریاس ایّر سڈنی میں تیسرے ون ڈے میچ کے دوران انجری کا شکار ہوئے تھے اور انہیں اسپتال داخل کروایا گیا تھا۔
یاد رہے کہ بھارتی ون ڈے ٹیم کے نائب کپتان شریاس ایّر آسٹریلیا کے خلاف تیسرے ون ڈے میچ میں فیلڈنگ کے دوران زخمی ہوگئے تھے اور سنجیدہ انجری کے باعث انہیں انتہائی نگہداشت وارڈ (آئی سی یو) میں داخل کرایا گیا تھا۔
بھارتی کرکٹ بورڈ کا کہنا ہے کہ شریاس ائیر سفر کے لیے مکمل فٹ ہونے تک سڈنی میں قیام کریں گے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق