نانگا پربت سر کرنے والی قطری شہزادی پاکستان کی برانڈ ایمبیسڈر مقرر
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
وزیراعظم شہباز شریف نے قطری شہزادی شیخہ اسماء الثانی کو پاکستان میں پہاڑوں اور سیاحت کے شعبے کے لیے برانڈ ایمبیسڈر مقرر کر دیا۔
سماجی رابطے کی ویب سائٹ ’ایکس‘ پر جاری بیان میں وزیراعظم نے کہا کہ انہیں یہ اعلان کرتے ہوئے خوشی محسوس ہو رہی ہے کہ عزت مآب شیخہ اسماء کو پاکستان کی سیاحت اور بلند و بالا پہاڑوں کے فروغ کے لیے برانڈ ایمبیسڈر نامزد کیا گیا ہے۔
وزیراعظم نے شہزادی شیخہ اسماء کو نانگا پربت کی حالیہ کامیاب سرکردگی پر مبارکباد پیش کرتے ہوئے کہا کہ یہ کارنامہ واقعی قابلِ فخر اور متاثر کن ہے۔
انہوں نے مزید کہا کہ شہزادی کی یہ کامیابی نہ صرف ہمت، عزم اور حوصلے کی علامت ہے بلکہ یہ پاکستان اور قطر کے درمیان گہری اور پائیدار دوستی کی ایک خوبصورت مثال بھی ہے۔
یاد رہے کہ شہزادی شیخہ اسماء نے حال ہی میں 8,126 میٹر بلند نانگا پربت کو سر کیا، جس کے ساتھ ہی وہ یہ کارنامہ انجام دینے والی پہلی قطری خاتون بن گئی ہیں۔
انتہائی خطرناک موسم اور دشوار گزار راستوں کے باوجود انہوں نے نانگا پربت، جسے ’قاتل پہاڑ‘ بھی کہا جاتا ہے، پر قطر کا پرچم لہرایا۔ یہ ان کی 14 بلند ترین چوٹیوں کو سر کرنے کی عالمی مہم کا نواں کامیاب مرحلہ ہے، جو انہیں دنیا کے نمایاں کوہ پیماؤں کی صف میں لا کھڑا کرتا ہے۔
شہزادی شیخہ اسماء کی یہ کامیابی نہ صرف قطر کے لیے باعثِ فخر ہے بلکہ خواتین کو بااختیار بنانے کے عالمی پیغام میں بھی ایک نمایاں اضافہ ہے۔
.ذریعہ: Jasarat News
کلیدی لفظ: شہزادی شیخہ اسماء نانگا پربت
پڑھیں:
بھارتی ویاگرا گولیوں کی بڑی کھیپ کراچی اسمگل کرنے کی کوشش ناکام
کراچی:پاکستان کسٹمز انفورسمنٹ نے موچکو چیک پوسٹ پر ایک کارروائی میں بلوچستان سے کراچی آنے والی مسافر بس کے ذریعے اسمگل شدہ اشیاء منتقل کرنے کی کوشش ناکام بنادی۔
حکام نے بلوچستان سے آنے والی مسافر بس نمبر ایل ای ایس 5724 کی تلاشی کے دوران خفیہ خانوں سے چھوٹے دانوں کی صورت 9 کلوگرام اسمگل شدہ چاندی اور مختلف برانڈز کی 8 ہزار بھارتی ویاگرا ٹیبلٹس برآمد کرلیں۔
پاکستان کسٹمز کے ترجمان کے مطابق برآمد ہونے والی اسمگل شدہ چاندی، ویاگرا ٹیبلٹس اور مسافر بس کی مجموعی مالیت 3 کروڑ 15 لاکھ روپے ہے۔ کسٹمز حکام نے مقدمہ درج کرکے بس سمیت برآمد ہونے والی اشیاء کو ضبط کرلیا ہے۔
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ