ٹرمپ کی نوبل پرائز نامزدگی سے لگتا ہے پاکستانی حکومت اور نیتن یاہو ایک پیچ پر ہیں،کاشف شیخ
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
لاڑکانہ (نمائندہ جسارت) جماعت اسلامی سندھ کے امیر کاشف سعید شیخ نے کہا ہے کہ پاکستانی حکومت اور نیتن یاہو کی جانب سے ٹرمپ کو نوبل انعام کے لیے نامزد کرنے سے لگتا ہے کہ دونوں ایک ہی صفحے پر ہیں۔ جماعت اسلامی جعلی حکمرانوں اور طاقتور حلقوں کے تمام تر دباؤ کے باوجود ملک میں حقیقی جمہوریت، شریعت کے نفاذ اور دستور اور آئین کے تحفظ کے لیے اپنی جدوجہد جاری رکھے گی۔ ان خیالات کا اظہار انہوں نے لاڑکانہ میں جماعت اسلامی کی جانب سے منعقدہ ایک روزہ تربیتی نشست سے صدارتی خطاب کرتے ہوئے کیا۔ اس موقع پر مرکزی
ڈپٹی جنرل سیکرٹری ممتاز حسین سہتو، صوبائی نائب امیر حافظ نصر اللہ عزیز، ڈپٹی جنرل سیکرٹری امداد اللہ بجارانی، ضلعی امیر ایڈووکیٹ نادر علی کھوسہ اور مقامی امیر رمیز راجا شیخ نے بھی خطاب کیا۔کاشف شیخ نے کہا کہ سندھ میں کارپوریٹ فارمنگ کے نام پر لاکھوں ایکڑ قیمتی زرعی زمینیں طاقتور قوتوں کو دینے کا فیصلہ سراسرظلم ہے، پیپلزپارٹی نے اپنے 17 سالہ دور حکومت میں سندھ کے عوام کو دریا ئے سندھ کے پانی پر ڈاکے،،ڈاکوراج، کارپوریٹ فارمنگ اور بدترین کرپشن جیسے تحفے دیے ہیں۔ مردہ یزید کے خلاف بولنے والے وقت کے یزید کے جوتے پالش کرنے میں مصروف ہیں۔ امام عالی مقام حسین ابن علیؓنے اپنے خاندان سمیت عظیم قربانی آمریت، ظلم، سفاکیت اور ملوکیت کے خلاف دے کر قیامت تک اپنی نانا کے دین کو زندہ اور باطل پرستوں پر لعنت ڈال دی، آج ایک بار پھر ہمیں امام حسینؓ کی سنت کو زندہ کرتے ہوئے موجودہ یزیدی گروہ کو شکست دینا ہوگا۔ کربلا میدان جنگ نہیں بلکہ ایک درس گاہ کا نام ہے، اس درسگاہ کا سبق یہ ہے کہ کسی بھی جابر کی اطاعت کے بجائے انکار کی جرأت کرتے ہوئے شہادت کا مرتبہ حاصل کیا جائے۔ کربلا آج بھی جاری ہے، آج بھی بیعت (ووٹ) کے لیے جبر ختم نہیں ہوا ،عوام کا مینڈیٹ چوری اور فارم47کے ذریعے جعلی حکومت قائم کرنے والے دراصل یزید کے پیروکار ہیں۔کاشف سعید شیخ نے مزید کہا کہ سندھ حکومت نے 17 سالہ حکمرانی کے دوران نااہلی اور نالائقی کے تمام ریکارڈ توڑ دیے ہیں، ایک طرف لوگوں کو پینے کے لیے پانی نہیں مل رہا تو دوسری طرف نہروں اور شاخوں میں شگاف پڑ رہے ہیں، اپنی نالائقی تسلیم کرنے کے بجائے آبپاشی کا عملہ بند کی کمزوری کی وجہ چوہوں کو قراردے رہے ہیں، سندھ میں یہ چوہے کبھی اربوں روپے کی گندم کھاجاتے ہیں تو کبھی نہروں میں شگاف ڈال دیتے ہیں؟۔ انہوں نے کہا کہ معصوم بچی پریا کماری کے اغوا کو 4 سال مکمل ہو چکے ہیں، لیکن سندھ حکومت بچی کو آج تک بازیاب نہیں کرا سکی۔ پاکستانی تاریخ کے سب سے متنازع مخصوص نشستوں کے عدالتی فیصلے کے بعد ملکی اقتدار کی سیاست میں ایک ہلچل پیدا ہوگئی ہے۔ حکمران اتحاد کو جعلی اسمبلیوں میں طاقت کے زور پر اکثریت دینے کے فیصلے کے بعد ملک میں مزید سیاسی استحکام آنے کے بجائے بے چینی اور خوف کا ماحول پیدا ہو گیا ہے۔جعلی حکمرانوں کی جانب سے اسٹیبلشمنٹ اور حکومت کے ایک پیج پر ہونے کے دعوے کے باوجود اس کا فائدہ جمہوری، پارلیمانی نظام اور عوام کو ہونے کے بجائے ملک مزید بحرانوں کا شکار ہو رہا ہے اور عوام مہنگائی، عدم تحفظ اور بے روزگاری کی وجہ سے اجتماعی خودکشیاں کرنے پر مجبور ہیں۔جمہوریت، عدلیہ اور دستور کو غرق کرنے کے بعد اب حکمران اتحاد میں مفادات کا ٹکرائو شروع ہو چکا ہے، فیلڈ مارشل عاصم منیر تاحیات بادشاہ بننے کے لیے 27ویں ترمیم اور آصف علی زرداری کو بے گھر کرنے والی افواہیں کسی وقت بھی حقیقت بن سکتی ہیں۔ عوام کی فلاح و بہبود اور ریلیف دینے کے بجائے اسٹیبلشمنٹ اور فارم47 کی جعلی حکومت نے اپوزیشن کو کچلنے اور مہنگائی کی منڈی گرم کر دی ہے۔ ایک سال کے عرصے میں موجودہ حکومت نے 08 ہزار03 سو 12 ارب روپے کے قرض لے کر تمام ریکارڈ توڑ دیے ہیں جبکہ ملک اس وقت 76 ہزار45 ارب روپے کا مقروض ہے۔ قرض اور سود دہشت گردی سے بھی بڑا مسئلہ بن چکا ہے۔ حکمرانوں اور اسٹیبلشمنٹ نے اقتدار اور طاقت کے لالچ میں ملک، پارلیمنٹ، جمہوریت اور آئین کی کشتی ڈبو دی ہے۔
ذریعہ: Jasarat News
کلیدی لفظ: نے کے بجائے کے لیے
پڑھیں:
اسرائیلی وزیرِ اعظم نیتن یاہو نے بھی ڈونلڈ ٹرمپ کو نوبیل امن انعام کے لیے نامزد کر دیا
اسرائیلی وزیرِ اعظم بینیامن نیتن یاہو نے بھی امریکا کے صدر ڈونلڈ ٹرمپ کو 2026 کے نوبیل امن انعام کے لیے نامزد کرنے کا باضابطہ اعلان کیا۔ یہ قدم اس وقت اٹھایا گیا جب نیتن یاہو نے وائٹ ہاؤس میں صدر ٹرمپ، وزیرِ خارجہ مارکو روبیو، وزیرِ دفاع پیٹ ہیگسیتھ اور مشرق وسطیٰ کے مندوب اسٹیو وٹکوف سے ملاقات کی۔
نیتن یاہو نے اپنے خطاب میں کہا کہ وہ نہ صرف اسرائیلی عوام بلکہ دنیا بھر کے یہودیوں کی طرف سے صدر ٹرمپ کا شکریہ ادا کرتے ہیں، جنہوں نے مشرق وسطیٰ میں امن کے قیام کے لیے اہم اقدامات کیے ہیں۔ ان میں ابراہم معاہدہ، جس کے تحت اسرائیل اور متحدہ عرب امارات کے تعلقات کو معمول پر لایا گیا، ایک اہم سنگ میل ہے۔
اسرائیلی وزیرِ اعظم نے کہا ’ صدر ٹرمپ نے ایک کے بعد دوسرے ملک میں امن کے قیام میں اہم کردار ادا کیا ہے اور وہ نوبیل امن انعام کے حقدار ہیں۔‘
نیتن یاہو نے اس سلسلے میں ٹرمپ کو ایک خط بھی پیش کیا، جس میں انہوں نے نوبیل کمیٹی کو ٹرمپ کی نامزدگی کی درخواست بھیجنے کی اطلاع دی۔
یہ بھی پڑھیے امریکی صدر ڈونلڈ ٹرمپ نوبیل امن انعام 2026 کے لیے باضابطہ طور پر نامزد
صدر ٹرمپ نے اس خبر پر کہا کہ انہیں اس بات کا علم نہیں تھا کہ اسرائیلی وزیرِ اعظم نے ان کے لیے نوبیل کمیٹی کو خط بھیجا، مگر ان کے لیے یہ بات بہت معنی خیز ہے کہ ایسا خط اسرائیلی قیادت کی جانب سے آیا۔
اس موقع پر، صدر ٹرمپ نے کہا کہ امریکا نے اسرائیل کے ساتھ مل کر کئی اہم کامیابیاں حاصل کی ہیں، جن میں ایران کی نیوکلیئر تنصیبات کو تباہ کرنا شامل ہے۔ انہوں نے مزید کہا کہ وہ ایران کے ساتھ امن بات چیت کے خواہاں ہیں اور چاہتے ہیں کہ ایران کے ساتھ تعلقات بہتر ہوں۔
اسرائیلی وزیرِ اعظم نے اس ملاقات میں فلسطینیوں کے حوالے سے بھی اپنے موقف کا اظہار کیا، اور کہا کہ فلسطینیوں کو اپنی گورننس کرنے کا حق ہونا چاہیے، لیکن ان کے پاس یہ طاقت نہیں ہونی چاہیے کہ وہ اسرائیل کو نقصان پہنچا سکیں۔
یہ ملاقات ایسے وقت میں ہوئی ہے جب اسرائیل اور حماس کے درمیان جنگ بندی کے لیے بالواسطہ مذاکرات جاری ہیں۔
یہ بھی پڑھیے ’میں کچھ بھی کرلوں مجھے نوبیل انعام نہیں ملے گا‘، ٹرمپ اس قدر مایوس کیوں؟
دوسری جانب، پاکستان نے بھی صدر ٹرمپ کو نوبیل امن انعام کے لیے نامزد کرنے کا فیصلہ کیا ہے، خاص طور پر پاک بھارت کشیدگی میں ان کے اہم کردار کے اعتراف میں۔
اسرائیل اور امریکا کے درمیان اس تیزی سے بدلتی ہوئی سیاسی صورتحال میں اس نامزدگی کے اثرات عالمی سطح پر دیکھے جا سکتے ہیں، جہاں نوبیل کمیٹی کی جانب سے اس نامزدگی کی حتمی منظوری عالمی سیاست کے لیے اہم ثابت ہو گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی وزیراعظم بنیامین نتنیاہو ڈونلڈ ٹرمپ نوبیل انعام
ایئرچیف کا تاریخی دورۂ امریکا، ٹیکنالوجی اور متشترکہ تربیت پر اتفاق