سعودی ولی عہد سے ایرانی وزیرخارجہ عباس عراقچی کی ملاقات
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
ریاض( مانیٹرنگ ڈیسک )ایران کے وزیرخارجہ عباس عراقچی نے سعودی ولی عہد محمد بن سلمان سے ملاقات کرکے ایران پر اسرائیلی حملوں کی مذمت کرنے پر سعودی عرب کا شکریہ ادا کیا ہے۔سعودی وزارتِ خارجہ کے مطابق ایران کے وزیر خارجہ نے سعودی عرب کے غیراعلانیہ حکمران ولی عہد محمد بن سلمان سے ملاقات کی ہے، یہ بات چیت ایران اور اسرائیل کے درمیان جنگ بندی کے دو ہفتے بعد ہوئی ہے۔وزارت کے بیان میں کہا گیا کہ سعودی ولی عہد محمد بن سلمان نے اس امید کا اظہار کیا کہ یہ جنگ بندی خطے میں استحکام کا باعث بنے گی اور زور دیا کہ ریاض کا مؤقف ہمیشہ یہی رہا ہے کہ سفارتی ذرائع سے بات چیت ہی تنازعات کے حل کا راستہ ہے۔سعودی وزارت خارجہ کے مطابق ایرانی وزیر خارجہ عباس عراقچی نے گزشتہ ماہ ایران پر اسرائیلی حملوں کی سعودی عرب کی مذمت پر ریاض کا شکریہ ادا کیا۔ایرانی وزارت خارجہ کے ترجمان اسمٰعیل بقائی کے مطابق وزیر خارجہ عباس عراقچی نے سعودی ولی عہد محمد بن سلمان، وزیر خارجہ شہزادہ فیصل بن فرحان، اور وزیر دفاع شہزادہ خالد بن سلمان سے دو طرفہ تعلقات اور علاقائی پیش رفت پر مثبت اور نتیجہ خیز گفتگو کی۔
.
ذریعہ
ذریعہ: Jasarat News
کلیدی لفظ: ولی عہد محمد بن سلمان خارجہ عباس عراقچی سعودی ولی عہد
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار