سابق صدر کے کیس ختم کرو ورنہ 50 فی صد ٹیکس دینا ہو گا، ٹرمپ
اشاعت کی تاریخ: 10th, July 2025 GMT
واشنگٹن:
امریکی صدر ڈونلڈ ٹرمپ نے ایک کھلے خط میں برازیل کی حکومت پر امریکی ٹیکنالوجی کمپنیوں پر حملوں اور سابق صدر جائر بولسونارو کے خلاف جاری عدالتی کارروائی کو سیاسی انتقام قرار دیتے ہوئے 50 فی صد ٹیکس عائد کرنے کا عندیہ دے دیا ۔
ٹرمپ کے بیان پر ردعمل دیتے ہوئے برازیل کے صدر سلوا نے خبردار کیا کہ اگر برازیلی مصنوعات پر ٹیرف بڑھایا گیا تو اس کا جواب بھی اسی شدت سے دیا جائے گا۔
انہوں نے مزید کہا کہ برازیل کے عدالتی نظام میں کسی قسم کی بیرونی مداخلت قبول نہیں کی جائے گی۔
ٹرمپ نے اپنے خط میں کہا کہ نئی 50 فیصد شرح موجودہ حکومت کی سنگین ناانصافیوں کو درست کرنے کے لیے ضروری ہے۔
انہوں نے امریکی تجارتی نمائندے کو برازیل کے ڈیجیٹل تجارتی طریقہ کار کے خلاف سیکشن 301 کے تحت تحقیقات شروع کرنے کا حکم دینے کا بھی عندیہ دیا ہے یہ وہی قانونی طریقہ ہے جس کے ذریعے امریکا ماضی میں درآمدی ٹیکس عائد کر چکا ہے۔
ٹرمپ نے برازیل کی جانب سے امریکی سوشل میڈیا کمپنیوں کے خلاف عدالتی فیصلوں جن میں اکاؤنٹس معطل کرنے کے احکامات شامل تھے پر شدید تنقید کی۔ ان کمپنیوں میں ٹرمپ کی اپنی کمپنی ٹرمپ میڈیا بھی شامل ہے۔
انہوں نے بولسونارو کی حمایت کا اعادہ کرتے ہوئے کہا کہ ان کے خلاف مقدمہ بین الاقوامی شرمندگی ہے۔
ٹرمپ نے برکس اجلاس کو بھی تنقید کا نشانہ بناتے ہوئے اسے امریکہ مخالف قرار دیا اور اس اتحاد میں شامل ممالک پر اضافی 10 فیصد ٹیکس لگانے کی دھمکی دی۔
.ذریعہ: Express News
کلیدی لفظ: کے خلاف
پڑھیں:
سابق صدر مملکت عارف علوی کے خلاف مقدمہ درج کرنے کی درخواست خارج
سیشن کورٹ لاہور نے سابق صدرِ پاکستان ڈاکٹر عارف علوی کے خلاف مقدمہ درج کرنے کی درخواست مسترد کردی۔
یہ بھی پڑھیں: عمران خان کی مقبولیت سے متعلق بیان کو توڑ مروڑ کر پیش کیا گیا، عارف علوی کی وضاحت
عدالت نے محفوظ فیصلہ سناتے ہوئے کہاکہ موجودہ دور میں سوشل میڈیا سے متعلق معاملات کے لیے حکومت نے نیشنل سائبر کرائم انویسٹی گیشن ایجنسی قائم کر رکھی ہے، لہٰذا درخواست گزار اس فورم سے رجوع کرے۔
عدالت نے واضح کیاکہ اس کے دائرہ اختیار میں یہ معاملہ نہیں آتا، لہٰذا مقدمہ درج کرنے کی درخواست خارج کی جاتی ہے۔
یہ درخواست شہزادہ عدنان نامی شہری نے اپنے وکیل محمد مدثر چوہدری کے ذریعے دائر کی تھی۔
درخواست گزار نے مؤقف اختیار کیا تھا کہ سابق صدر عارف علوی نے اپنے بیان میں گستاخانہ الفاظ استعمال کیے، اور اس سے متعلق ویڈیو یوٹیوب پر موجود ہے۔
یہ بھی پڑھیں: عارف علوی نے 100 دہشتگردوں کی سزا معاف کی جو بعد میں زمان پارک چلے گئے، زاہد خان
درخواست گزار کا کہنا تھا کہ وہ اس سلسلے میں پولیس کو درخواست دے چکا ہے، لیکن تاحال مقدمہ درج نہیں کیا گیا، جس پر عدالت سے رجوع کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اندراج مقدمہ درخواست خارج سابق صدر مملکت سوشل میڈیا عارف علوی وی نیوز
عالمی سطح پر یہ تاثر دینے کی کوشش کی جارہی ہے کہ حکومت اور اپوزیشن کا معاملہ ہے، اصل حکمران نیوٹرل ہیں: ثقلین امام