اسلام رواداری، امن و سلامتی اور احترام انسانیت کا دین ہے، پیر مظہر سعید
اشاعت کی تاریخ: 10th, July 2025 GMT
وزیر اطلاعات آزاد حکومت ریاست جموں و کشمیر نے کہا کہ ہمیں مسلمان ہونے کے ناطے جس تصور رواداری کو اپنانے کی ضرورت ہے وہ کتاب اللہ اور اسوہ رسول (ص) میں دیا گیا ہے۔ اسلام ٹائمز۔ وزیر اطلاعات آزاد حکومت ریاست جموں و کشمیر پیر محمد مظہر سعید شاہ نے کہا ہے کہ اسلام رواداری، امن و سلامتی اور احترام انسانیت کا دین ہے۔ محرم الحرام کے دوران امن و امان قائم رکھنے میں علمائے کرام کا کردار نہایت اہم ہے۔ بین المسالک ہم آہنگی کی فضا برقرار رکھنے کے لئے قومی، ملی اور ملکی حالات و معاملات میں تمام مکاتب فکر کے علمائے کرام کے اتحاد و اتفاق کی سخت ضرورت ہے۔ تاجدار ختم نبوت، رحمت اللعالمین حضرت محمد مصطفیﷺ پوری کائنات کیلئے انتہائی محترم ہستی ہیں اور مسلمانوں کی ان سے محبت اور اپنا سب کچھ ان پر قربان کیے بغیر ایمان کامل نہیں ہو سکتا۔ ہماری جانیں اور کائنات کی تمام تر سلطنتیں رحمت اللعالمین ﷺ کے نعلین مقدس کی نوک پر قربان ہیں۔ رسول اللہ ﷺ ہمارے لیے محبتوں کا محور اور ایمان کا مرکزی نقطہ ہیں۔ آقائے دوجہاں ﷺ سے محبت کا تقاضا ہے کہ ان کی اتباع کی جائے اور ان کی سنتوں کو اپنایا جائے۔ آقا ﷺ کی ناموس کے تحفظ کا تقاضا ہے کہ ان کی سنتوں کو اپنی زندگیوں میں نافذ کیا جائے۔ وزیر اطلاعات آزاد حکومت ریاست جموں و کشمیر پیر محمد مظہر سعید شاہ نے کہا کہ ہمیں مسلمان ہونے کے ناطے جس تصور رواداری کو اپنانے کی ضرورت ہے وہ کتاب اللہ اور اسوہ رسول ﷺ میں دیا گیا ہے۔ اسلام ہمیں تمام انسانوں کی صحیح رہنمائی کی دعوت دینے کا حکم بھی دیتا ہے تاکہ انسان کو دنیا میں امن و سکون حاصل ہونے کے ساتھ ساتھ آخرت میں بھی پرسکون زندگی نصیب ہو۔ وزیر اطلاعات نے کہا کہ علم کی روشنی سے ہی معاشرے میں پھیلے جہالت کے اندھیروں کو ختم کیا جا سکتا ہے۔
.ذریعہ: Islam Times
کلیدی لفظ: وزیر اطلاعات نے کہا
پڑھیں:
اسپورٹس جرنلزم نے کھیلوں کے فروغ میں کلیدی کردار ادا کیا ہے، وزیر اطلاعات
وفاقی وزیر اطلاعات عطا اللہ تارڑ نے کہا ہے کہ اسپورٹس جرنلزم نے پاکستان میں کھیلوں کے فروغ میں کلیدی کردار ادا کیا ہے۔
اسپورٹس صحافیوں کے عالمی دن کے موقع پر اسلام آباد میں ’راولپنڈی اسلام آباد اسپورٹس جرنلسٹس ایسوسی ایشن کی تقریب حلف برداری سے خطاب میں وزیر اطلاعات نے کہا کہ اسپورٹس جرنلسٹس نوجوان کھلاڑیوں میں حوصلہ اور جذبہ پیدا کرتے ہیں، گراس روٹ سے قومی سطح تک کھیلوں کو اجاگر کرنے میں صحافیوں کا کردار قابل ستائش ہے۔
عطا اللہ تارڑ نے کہا کہ صحافیوں نے اپنی تحریروں اور کیمرے کے ذریعے کئی کامیابیاں دنیا تک پہنچائیں، کامیاب اسپورٹس مقابلے اسپورٹس جرنلزم کی بدولت مقبول ہوئے، کھیلوں کی ترقی میں صحافیوں کی خدمات کو سراہنا ہوگا۔
انہوں نے مزید کہا کہ حکومت کھیلوں کے فروغ کے ساتھ ساتھ اسپورٹس صحافیوں کی مکمل معاونت کرے گی، جہاں بھی ضرورت ہوئی حکومت اسپورٹس جرنلسٹس کے ساتھ کھڑی ہوگی، پاکستان میں اسپورٹس جرنلزم نے مثبت روایت قائم کی ہے۔
لیاری میں 5 منزلہ عمارت گرنے سے ہوئی تباہی کے مناظر