40 ہزار سے کم آمدنی والوں کیلئے نئی امدادی اسکیم کی حقیقت کیا؟
اشاعت کی تاریخ: 10th, July 2025 GMT
— فائل فوٹو
سوشل میڈیا پر ایک ویڈیو وائرل ہو رہی ہے جس میں یہ دعویٰ کیا گیا ہے کہ حکومت نے ماہانہ 40 ہزار روپے سے کم آمدنی والے لوگوں کے لیے ایک نیا پروگرام متعارف کروایا ہے جس کے تحت ایسے افراد کو جون سے ہر ماہ 2 ہزار روپے کا نقد وظیفہ ملے گا۔
سوشل میڈیا پر 23 جون سے زیر گردش اس ویڈیو میں دعویٰ کیا گیا کہ 40 ہزار روپے سے کم ماہانہ آمدنی والے افراد کو وفاقی حکومت کی جانب سے ہر ماہ 2 ہزار روپے ملیں گے۔
اس ویڈیو میں ایک نجی نیوز چینل کا نیوز بلیٹن شامل ہے جس میں نیوز اینکر اس نئی اسکیم کا اعلان کرتی ہے۔
اس حوالے سے بےنظیر انکم سپورٹ پروگرام (BISP) اور وفاقی وزارت خزانہ کے حکام نے تصدیق کی ہے کہ حکومت نے ایسی کسی بھی نئی اسکیم کا اعلان نہیں کیا، جو ویڈیو سوشل میڈیا پر گردش کر رہی ہے وہ 2022ء کی ہے۔
مختلف سوشل میڈیا پلیٹ فارمز پر ویڈیوز اور تصاویر وائرل ہو رہی ہیں جس میں دعویٰ کیا جا رہا ہے کہ اسٹیٹ بینک آف پاکستان نے 1000 روپے کے نئے ڈیزائن کے کرنسی نوٹ جارہی کئے ہیں۔
وزارت خزانہ کے ترجمان نے نام ظاہر نہ کرنے کی شرط پر ’جیو فیکٹ چیک‘ کو بتایا کہ وزارت خزانہ کو ایسے کسی اعلان کا علم نہیں ہے۔
انہوں نے ’جیو فیکٹ چیک‘ کو اس حوالے سے بی آئی ایس پی کے حکام سے رابطہ کرنے کی ہدایت کی، جو حکومت کی جانب سے غربت کے خاتمے کے لیے شروع کیے جانے والے پروگرامز پر عمل درآمد کروانے کا ذمہ دار ہے۔
جس کے بعد ’جیو فیکٹ چیک‘ نے بی آئی ایس پی کے سیکریٹری کے اسٹاف آفیسر محمد طارق سے رابطہ کیا تو اُنہوں نے تصدیق کر دی کہ وفاقی حکومت نے ایسی کسی اسکیم کا اعلان نہیں کیا ہے۔
انہوں نے مزید بتایا کہ بی آئی ایس پی کے ساتھ رجسٹرڈ افراد صرف اپنی مقررہ رقم وصول کر سکتے ہیں لیکن اُنہیں کوئی اضافی فنڈز نہیں دیا جا رہا۔
بعد ازاں، جیو فیکٹ چیک کو مزید تحقیق کے بعد معلوم ہوا کہ سوشل میڈیا پر گردش کرنے والی یہ ویڈیو دراصل 29 مئی 2022ء کی ہے۔
2022ء میں اس وقت کی حکومت نے پٹرولیم کی قیمتوں میں اضافے سے نمٹنے کے لیے 40 ہزار روپے سے کم آمدنی والوں کو 2 ہزار روپے ماہانہ سبسڈی دینے کے لیے اس طرح کے پروگرام کا اعلان کیا تھا۔
ذیل میں اس اسکیم کے بارے میں 2022ء میں شائع ہونے والا اشتہار دیکھا جا سکتا ہے۔
اس دعوے میں کوئی سچائی نہیں ہے کیونکہ یہ اسکیم پرانی ہے اور حکومت نے اسے دوبارہ شروع نہیں کیا۔
.
ذریعہ
ذریعہ: Jang News
کلیدی لفظ: سوشل میڈیا پر جیو فیکٹ چیک ہزار روپے کا اعلان حکومت نے کے لیے
پڑھیں:
گلاسگو کی فضاؤں میں دیو ہیکل ڈریگن کی پرواز، وائرل ویڈیوز نے سب کو دنگ کردیا
اگر آپ نے اب تک صرف فلموں اور ٹی وی سیریز میں آسمان پر اڑتے ہوئے ڈریگن دیکھے ہیں تو اسکاٹ لینڈ کے شہر گلاسگو میں حقیقت سے قریب ایک ایسا ہی حیرت انگیز منظر لوگوں کی آنکھوں کے سامنے آگیا۔ شہر کی فضاؤں میں ’’ہاؤس آف دی ڈریگن‘‘ کا مشہور ڈریگن سائریکس (Syrax) پرواز کرتا دکھائی دیا، جس نے دیکھنے والوں کو حیرت میں مبتلا کردیا۔
2026 کامن ویلتھ گیمز کی افتتاحی تقریب سے قبل گلاسگو کے دریائے کلائیڈ، ایس ای سی آرماڈیلو اور او وی او ہائیڈرو کے اوپر آٹھ میٹر طویل دیو ہیکل ڈریگن نے فضائی چکر لگائے۔ ایسا محسوس ہو رہا تھا جیسے مشہور فینٹسی سیریز کا منظر حقیقت میں تبدیل ہوگیا ہو۔
یہ فلائنگ ماڈل دراصل ’ایچ بی او‘ کی مقبول سیریز ’ہاؤس آف دی ڈریگن‘ میں رینیرا ٹارگرین کے ڈریگن سائریکس کی ہوبہو نقل ہے، جسے سیریز میں استعمال ہونے والے تھری ڈی اسکینز کی مدد سے انتہائی حقیقت پسندانہ انداز میں تیار کیا گیا۔
View this post on Instagramاس منفرد شاہکار کی تیاری میں 14 ماہرین نے مسلسل تین ماہ تک کام کیا اور تقریباً 3 ہزار گھنٹے صرف کیے۔ صرف 13 کلوگرام وزنی اس ڈریگن کو کاربن فائبر، ایلومینیم اور خصوصی فوم سے بنایا گیا، جبکہ اس کے پروں، سر اور دم سمیت 23 متحرک حصے اسے زندہ مخلوق جیسی حرکات کرنے کے قابل بناتے ہیں۔ اس کی ٹانگوں میں نصب جدید پروپلشن سسٹم نے اسے حقیقی پرواز ممکن بنانے میں اہم کردار ادا کیا۔
منتظمین کے مطابق یہ دنیا کا اپنی نوعیت کا سب سے بڑا اڑنے والا ڈریگن ماڈل ہے، جسے خاص طور پر گلاسگو 2026 کامن ویلتھ گیمز کے استقبال اور کھیلوں، جدید ٹیکنالوجی اور فینٹسی کی دنیا کو ایک ساتھ پیش کرنے کے لیے تیار کیا گیا۔
https://www.facebook.com/stvnews/videos/syrax-the-dragon-of-rhaenyra-targaryen-played-by-emma-darcy-has-been-spotted-fly/28747469711519864/واضح رہے کہ 23 جولائی سے شروع ہونے والے کامن ویلتھ گیمز کی تمام مقابلے برطانیہ اور آئرلینڈ میں ایچ بی او میکس پر براہِ راست نشر کیے جائیں گے، جبکہ نشریاتی کوریج ٹی این ٹی اسپورٹس فراہم کرے گا۔ منتظمین کا کہنا ہے کہ اس بار شائقین کو جدید ٹیکنالوجی، خصوصی چینلز اور کھیلوں کے ماہرین کی بڑی ٹیم کے ساتھ ایک منفرد اور پہلے سے مختلف نشریاتی تجربہ فراہم کیا جائے گا۔
https://www.facebook.com/stvnews/videos/did-you-see-a-dragon-flying-over-glasgowa-dragon-from-game-of-thrones-prequel-ho/2166414303916270/
بھارت سے جنگ اور افغانستان میں کارروائی خارج ازامکان نہیں، وزیردفاع