’قیامت صغریٰ کا منظر‘، لیاری سانحے میں زخمی شہری نے آنکھوں دیکھا حال بتادیا
اشاعت کی تاریخ: 10th, July 2025 GMT
لیاری میں منہدم ہونے والی عمارت میں 25 سالہ راشد زندہ بچ جانے والے خوش نصیبوں میں سے ایک ہے۔
رپورٹ کے مطابق راشد حادثہ کے روز عمارت کی چھت پر تھا اس کے اہل خانہ نے عمارت میں لرزش شروع ہونے پر اسے آوازیں دیں لیکن وہ چھت پر اپنے اوزار نکالنے میں مصروف رہا۔
گھر والے عجلت میں عمارت سے نکلنے میں کامیاب ہوگئے، اسی دوران عمارت منہدم ہوگئی اور راشد چھت پر ہونے کی وجہ سے ملبے تلے دبنے سے بچ گیا۔
راشد نے ایکسپریس کو بتایا کہ اس نے قیامت صغریٰ کا منظر دیکھا عمارت کے ڈھانچے میں جگہ جگہ لاشیں دبی ہوئی تھی ایک لاش کا سر عمارت کے ڈھانچے میں پھنسا ہوا اور دھڑ باہر لٹکا ہوا تھا۔
راشد کو ٹانگ پر چوٹیں آئیں اور سول اسپتال میں زیر علاج رہا تاہم راشد کا کہنا ہے کہ اس کی ٹانگ کی تکلیف زیادہ ہے، زخموں کی وجہ سے چلنا محال ہے تاہم اسے ڈسچارج کردیا گیا۔
کسی قسم کی ادویات نہیں دی گئی اور اب وہ اپنے زخموں کی بینڈیج اور ادویات کا خرچ بھی اپنے دوستوں اور عزیزوں کی مدد سے اٹھارہا ہے۔
راشد کی فیملی مواچھ گوٹھ میں کرائے کے گھر میں منتقل ہوگئی، راشد زخمی حالت میں منہدم عمارت کے ملبے کے پاس جاکر اپنے اوزار تلاش کرنے کی کوشش کرتا ہے تاکہ محنت مزدوری کرکے اپنا علاج اور گھر والوں کی کفالت کرسکے۔
راشد نے بتایا کہ تاحال کسی حکومتی نمائندے نے اس کے خاندان سے رابطہ نہیں کیا اور نہ ہی کسی قسم کی معاونت کی گئی ہے۔
.ذریعہ: Express News
پڑھیں:
ٹنڈو جام: حیدرآباد میرپور ہائی وے پر ہونے والے حادثے میں زخمی وجاں بحق افراد
data-id="863a0a8" data-element_type="widget" data-widget_type="theme-post-content.default">
251103-2-19
9مئی و دیگر 5 کیسز؛ عمران خان کو عدالت یا بذریعہ ویڈیو لنک پر پیش کرنے کا حکم