عمران خان کے بیٹوں کی پاکستان آمد پر گرفتاری کی دھمکی، جمائما برہم، حکومت کو کیا پیغام دیا؟
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
اکستان کے سابق وزیرِاعظم اور تحریکِ انصاف کے بانی عمران خان کو قید تنہائی میں تقریباً دو سال ہو چکے ہیں، اور اب ان کی سابقہ اہلیہ جمائما گولڈ اسمتھ نے بھی اس طویل اسیری پر خاموشی توڑ دی ہے۔
سوشل میڈیا پلیٹ فارم ایکس (سابقہ ٹوئٹر) پر جاری ایک جذباتی پیغام میں جمائما نے نہ صرف عمران خان کی قید میں تنہائی پر تشویش ظاہر کی، بلکہ ان کے بیٹوں کو درپیش ممکنہ گرفتاری کی دھمکیوں پر بھی سخت ردعمل دیا، جسے انسانی حقوق اور جمہوری اقدار کی کھلی خلاف ورزی قرار دیا جا رہا ہے۔
جمائما نے اپنے پیغام میں لکھا:
“میرے بچوں کو اپنے والد سے فون پر بات کرنے کی بھی اجازت نہیں دی جا رہی۔ عمران خان تقریباً دو سال سے جیل میں تنہا قید ہیں۔ اب پاکستان کی حکومت کہتی ہے کہ اگر میرے بچے ان سے ملنے آئیں گے، تو انہیں بھی گرفتار کر لیا جائے گا۔ یہ کسی جمہوری یا مہذب ریاست میں نہیں ہوتا، بلکہ یہ سیاست کے نام پر ذاتی انتقام ہے۔”
My children are not allowed to speak on the phone to their father @ImranKhanPTI.
Pakistan’s government has now said if they go there to try to see him, they too will be arrested and put behind bars.
This doesn’t… https://t.co/ccM7QFPmlV pic.twitter.com/z2v6PKgHto
— Jemima Goldsmith (@Jemima_Khan) July 10, 2025
جمائما کا یہ بیان اس وقت سامنے آیا ہے جب حکومت کے سینئر مشیر رانا ثناء اللہ نے ایک حالیہ انٹرویو میں کہا تھا کہ اگر عمران خان کے بیٹے پاکستان آ کر کسی متشدد سرگرمی میں شریک ہوئے، تو انہیں گرفتار کیا جا سکتا ہے۔ ان کے بقول، ایسی صورت میں ممکن ہے کہ برطانیہ کی ایمبیسی مداخلت کر کے انہیں واپس لے جائے۔
یاد رہے کہ عمران خان کو مئی 2023 سے مختلف مقدمات میں گرفتار کیا گیا، جن میں توشہ خانہ ریفرنس، سائفر کیس اور 9 مئی کے واقعات شامل ہیں۔ اگرچہ بعض کیسز میں انہیں ضمانت مل چکی ہے، تاہم نئے مقدمات کے باعث ان کی رہائی تاحال ممکن نہیں ہو سکی۔
اس وقت عمران خان قید تنہائی کی سختیاں بھگت رہے ہیں، پہلے اٹک جیل اور بعد ازاں راولپنڈی کی اڈیالہ جیل میں، جہاں ان کے بیرونی دنیا سے روابط، یہاں تک کہ اہلِ خانہ سے بات چیت کے مواقع بھی انتہائی محدود کر دیے گئے ہیں۔
ذریعہ: Jasarat News
پڑھیں:
عمران خان کے بیٹے پاکستان آ کر متشدد تحریک کی قیادت کریں گے تو گرفتار ہوں گے: رانا ثناء اللہ
لاہور (ڈیلی پاکستان آن لائن )وزیراعظم کے مشیر رانا ثناء اللہ نے کہاہے کہ اگر عمران خان کے بیٹے پاکستان آ کر متشدد تحریک کی قیادت کریں گے تو پھر انہیں گرفتار کیا جائے گا ۔
نجی ٹی وی کے پروگرام میں گفتگو کرتے ہوئے رانا ثناء اللہ کا کہناتھا کہ عمران خان کے بیٹے پیدائشی طور پر برطانیہ کے شہری ہیں، وہ یہاں کسی کو نہیں جانتے ، وہ یہاں کے حالات نہیں سمجھتے، انہیں لا کر اس قسم کی خلاف ورزی کا حصہ بنانے کا عمران خان ہی سوچ سکتے ہیں، ان کے آنے سے یہاں پر ان کیلئے ہی مشکلات ہوں گی، برطانیہ کی ایمبیسی پھر انہیں بازیاب کروائیں گی اور واپس لے کر جائیں گی ، تو اس کے علاوہ کچھ نہیں ہو گا ۔
بھارتی ریاست گجرات میں پل گرنے سے متعدد گاڑیاں دریا میں جا گریں،9افراد ہلاک
اینکر پرسن عبدالمالک نے کہا کہ آپ کہہ رہے ہیں اگر ان کے بیٹے آئے اور تحریک میں حصہ لیا تو گرفتار ہو سکتے ہیں؟ جس پر وزیراعظم کے مشیر نے جواب دیا کہ وہ گرفتار کیوں نہیں ہوں گے؟، اگر وہ ایک متشدد تحریک کی قیادت کرنے آتے ہیں تو اس کا نتیجہ کیا ہوگا، تحریک انصاف کا ماضی میں جو طریقہ کا رہاہے اس پر ان کا کون اعتماد کرے گا کہ وہ متشدد نہیں ہوں گے، 9 مئی کے بعد پی ٹی آئی کسی بھی مظاہرے کی کال دے گی تو اس پر کون اعتماد کرے گا کہ یہ متشدد نہیں ہوگا، کون انہیں اکھٹے ہونے کی اجازت دے گا، عمران خان 2011 سے سڑکوں پر ہے ، اس کے علاوہ انہوں نے اور کیا ہی کیا ہے ، 14 سال ہو گئے وہ سڑکوں پر ہی ہیں ۔
فلمساز جمشید محمود عرف جامی کو ہتکِ عزت کے کیس میں 2 سال قید کی سزا سنادی گئی
مزید :
ایران کی پاکستان کی سفارتی حمایت کی ستائش، تعلقات مزید مضبوط بنانے پر اتفاق