ایئرعربیہ کا ابوظہبی اور سیالکوٹ کے درمیان سستی پروازوں کا اعلان
اشاعت کی تاریخ: 10th, July 2025 GMT
ابوظہبی ( اُردو پوائنٹ اخبارتازہ ترین۔ 10 جولائی 2025ء ) ایئرعربیہ نے ابوظہبی اور سیالکوٹ کے درمیان سستی پروازوں کا اعلان کردیا۔ سرکاری اماراتئ نیوز ایجنسی وام کے مطابق متحدہ عرب امارات کے دارالحکومت کی پہلی کم لاگت ایئر لائن ایئر عربیہ نے ابوظہبی کے زاید انٹرنیشنل ایئرپورٹ اور پاکستان کے سیالکوٹ انٹرنیشنل ایئرپورٹ کے درمیان براہِ راست پروازوں کے آغاز کا اعلان کردیا، یہ نئی سروس 17 جولائی 2025ء سے شروع ہوگی اور اس روٹ پر ہر ہفتے تین بار فلائیٹ آپریٹ کی جائے گی۔
کمپنی کی جانب سے جاری اعلامیہ میں اس حوالے سے بتایا گیا ہے کہ نئی پرواز کا مقصد مسافروں کو سستی اور سہل سفری سہولت فراہم کرنا ہے جو ابوظہبی اور سیالکوٹ کے درمیان براہِ راست سفر کو ممکن بنائے گی، اس سروس کے ذریعے ایئر عربیہ ابوظہبی نے پاکستان میں اپنے نیٹ ورک کو مزید وسعت دی ہے جو پہلے ہی فیصل آباد اور ملتان کے لیے پروازیں چلا رہی ہے۔(جاری ہے)
معلوم ہوا ہے کہ اس نئی پرواز کی منصوبہ بندی کاروباری افراد اور پاکستانی تارکینِ وطن کی بڑھتی ہوئی طلب کو مدنظر رکھتے ہوئے کی گئی ہے جو ان دونوں علاقوں کے درمیان مسلسل رابطے میں رہتے ہیں، ایئر عربیہ ابوظہبی کی یہ سروس نا صرف سفری آسانی فراہم کرے گی بلکہ کاروباری سرگرمیوں اور خاندانی روابط کو بھی مزید مضبوط بنائے گی کیوں کہ سیالکوٹ جو پاکستان کا ایک اہم صنعتی و برآمدی مرکز ہے، یہ شہر پنجاب کے شمال مشرقی علاقے میں واقع ہے، سیالکوٹ شہر کشمیر کے پہاڑی دامن اور دریائے چناب کے قریب واقع ہے اور سیالکوٹ ضلع کا صدر مقام بھی ہے۔ .
ذریعہ
ذریعہ: UrduPoint
کلیدی لفظ: تلاش کیجئے اور سیالکوٹ کے درمیان
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ