مایکروسافٹ 365 سروس دنیا بھر میں متاثر، آؤٹ لک اور ہاٹ میل صارفین شدید پریشانی کا شکار
اشاعت کی تاریخ: 10th, July 2025 GMT
دنیا بھر میں مائیکروسافٹ 365 کی سروسز کو بڑے پیمانے پر تکنیکی مسائل کا سامنا ہوا ہے جس کی وجہ سے لاکھوں صارفین کو آؤٹ لک اور ہاٹ میل استعمال کرنے میں شدید مشکلات پیش آ رہی ہیں۔
ویب سائٹ ڈاؤن ڈیٹیکٹر کے مطابق صبح 5 بجے سے سینکڑوں صارفین نے سروسز میں خلل کی شکایات درج کروائی ہیں۔
رپورٹ کے مطابق آؤٹ لک کی سروس عالمی سطح پر متاثر ہوئی ہے۔ بہت سے صارفین کو لاگ ان کرتے وقت یہ پیغام موصول ہو رہا ہے کہ ان کا ای میل ایڈریس یا پاس ورڈ غلط ہے حالانکہ وہ درست معلومات درج کر رہے ہوتے ہیں۔
یہ بھی پڑھیے: پاکستان میں مائیکروسافٹ کا دفتر بند: کیا ملکی ڈیجیٹل معیشت کو نقصان ہو سکتا ہے؟
رپورٹ میں بتایا گیا ہے کہ 62 فیصد صارفین آؤٹ لک میں لاگ ان کرنے سے قاصر ہیں جبکہ 34 فیصد صارفین کو سرور سے جڑنے میں مشکلات درپیش ہیں
مایکروسافٹ کی جانب سے جاری کردہ ایک سروس اپڈیٹ میں کہا گا کہ ہمیں کچھ مسائل کا سامنا ہے، لیکن ہم ان پر کام کر رہے ہیں۔ ہم نے مسئلے کی وجہ کا تعین کر لیا ہے اور اس کے حل کے لیے اپڈیٹ کا عمل شروع کر دیا گیا ہے۔ یہ عمل ہماری محفوظ چینج مینجمنٹ پالیسی کے تحت طویل وقت لے سکتا ہے۔
یہ بھی پڑھیے: سیم آلٹ مین کی ایک ہفتے بعد مائیکرو سافٹ سے دوبارہ اوپن اے آئی میں واپسی کی وجہ کیا ہے؟
یاد رہے کہ مائیکروسافٹ آؤٹ لک کے دنیا بھر میں تقریباً 400 ملین صارفین ہیں، اور کاروباری ادارے اسے جی میل پر فوقیت دیتے ہیں، کیونکہ یہ کمپنی کی دیگر مصنوعات جیسے مائیکروسافٹ ٹیم اور آفس سوئٹ کے ساتھ بہتر انضمام فراہم کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Microsoft آئی ٹی سروس متاثر مائیکروسافٹ.
ذریعہ
ذریعہ: WE News
کلیدی لفظ: آئی ٹی سروس متاثر مائیکروسافٹ آؤٹ لک
پڑھیں:
ایمریٹس کپتان دنیا کے سب سے زیادہ معاوضہ لینے والے پائلٹس میں شامل
مشرقِ وسطیٰ کی سب سے بڑی فضائی کمپنی ایمریٹس ایئرلائن (Emirates Airline)نے 2026 میں بھی دنیا کی سب سے زیادہ پرکشش اور زیادہ تنخواہیں دینے والی ایئرلائنز میں اپنی مضبوط پوزیشن برقرار رکھی ہے۔
تازہ رپورٹس کے مطابق ایمریٹس نہ صرف اپنے پائلٹس کو خطیر تنخواہیں فراہم کر رہی ہے بلکہ انہیں متعدد اضافی مراعات بھی دی جا رہی ہیں، جس کی وجہ سے دنیا بھر کے تجربہ کار پائلٹس اس ایئرلائن میں ملازمت کو ترجیح دیتے ہیں۔ اعلیٰ معیارِ زندگی، ٹیکس فری آمدن اور بہتر کیریئر مواقع اسے عالمی سطح پر ایک نمایاں ایئرلائن بناتے ہیں۔
اعداد و شمار کے مطابق ایمریٹس میں کام کرنے والے فرسٹ آفیسرز کی سالانہ آمدن تقریباً 4 لاکھ 20 ہزار سے 6 لاکھ 20 ہزار درہم کے درمیان ہوتی ہے، جو امریکی کرنسی میں تقریباً 1 لاکھ 14 ہزار سے 1 لاکھ 69 ہزار ڈالر کے برابر بنتی ہے۔ تنخواہ کا انحصار طیارے کی قسم اور تجربے پر ہوتا ہے، خاص طور پر بوئنگ 777 اور ایئربس A380 جیسے طویل فاصلے کے طیاروں پر تعینات پائلٹس زیادہ آمدن حاصل کرتے ہیں۔
دوسری جانب کپتانوں کی تنخواہیں اس سے کہیں زیادہ ہیں۔ رپورٹ کے مطابق 2026 میں ایمریٹس کے کپتان سالانہ 9 لاکھ سے 14 لاکھ 50 ہزار درہم تک کما سکتے ہیں، جو تقریباً 2 لاکھ 45 ہزار سے 3 لاکھ 95 ہزار امریکی ڈالر کے برابر ہے۔ الٹرا لانگ ہال طیاروں جیسے ایئربس A380 کے کپتان اضافی الاؤنسز اور فلائنگ ڈیوٹی کی وجہ سے اس سے بھی زیادہ آمدن حاصل کر سکتے ہیں۔
مزیدپڑھیں:بجٹ میں عوام کو ریلیف دینے کیلئے پر عزم ہیں،شہباز شریف
ایمریٹس کی سب سے بڑی کشش اس کی ٹیکس فری تنخواہ ہے، جس کے باعث پائلٹس کی خالص آمدن دیگر مغربی ممالک کی ایئرلائنز کے مقابلے میں زیادہ ہو جاتی ہے۔ اس کے علاوہ کمپنی اپنے ملازمین کو رہائش یا ہاؤسنگ الاؤنس، سفری الاؤنس، میڈیکل اور انشورنس سہولیات، اہل خانہ کے لیے سفری رعایتیں، بچوں کی تعلیم میں مدد اور بیرون ملک قیام کے دوران ہوٹل و کھانے کے اخراجات جیسی مراعات بھی فراہم کرتی ہے۔
بیڑے کے حوالے سے ایمریٹس دنیا کے سب سے بڑے وائیڈ باڈی طیاروں کے آپریٹرز میں سے ایک ہے، جس میں 116 ایئربس A380، 118 بوئنگ 777-300ER، 10 بوئنگ 777-200LR اور 19 ایئربس A350-900 شامل ہیں۔ کمپنی نے مستقبل کے لیے مزید 359 طیاروں کے بڑے آرڈرز بھی دیے ہیں جن میں بوئنگ 777-9، بوئنگ 777-8، بوئنگ 787 اور ایئربس A350 شامل ہیں۔
پائلٹ بننے کے لیے ایمریٹس میں سخت معیار مقرر ہیں۔ فرسٹ آفیسر کے لیے کم از کم 2 ہزار فلائنگ آورز جبکہ کپتان کے لیے 7 ہزار سے زائد فلائنگ آورز کے ساتھ ساتھ ہزاروں گھنٹوں کا کمانڈ تجربہ لازمی ہوتا ہے۔ اس کے علاوہ بین الاقوامی سول ایوی ایشن کے لائسنس، میڈیکل سرٹیفکیٹ اور انگریزی زبان میں مہارت بھی بنیادی شرائط میں شامل ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ